আবোওয়াঃ ওয়েব পেজ – জাল সার্টিফিকেট আর ফেক এস.টি. বিরুধরে হলা ১১ অক্টোবর ঝাড়গ্রাম জেলা রেহঁ ওয়েস্ট বেঙ্গল সিডিউল ট্রাইব ওয়েলফেয়ার এসোসিয়েশন আঃ চাঁগা তেয়ার এনা মেন্তে বাডায় আকানা। বাডায় আকানা বাংমা হলাগে পে-পে গটাং জেলা বাঁকুড়া, মেদিনীপুর আর ঝাড়গ্রাম রে WBSTA রেনাঃ চাঁগা বেনাও রাকাব্ আকানা মেন্তে ডগর বাডায় আকানা।
বাডায় আকানা WBSTA আঃ মুড়ুৎ জঁস গে কানা Fight for ST Reservation. অনালেকাতে WBSTA দ জেলা জেলা করে চাঁগা বেনাও রাকাব কাতে সানাম আদিবাসী কো জুমিৎ রেনাঃ কমি হরায় এহব আকাদা। আর জুমিৎ কাতে মিৎ সাঁওতে জাল সার্টিফিকেট বিরুধরে লৗড়হৗই রেনাঃ আওয়াজ এ রাকাব আকাদা মেন্তেগে বাডায়ঃ কানা।
অনকাগে হলা ১১ অক্টোবর ঝাড়গ্রাম জেলা রেনাঃ বলাকা সভাঅড়াঃ রে WBSTA সৗহিজুহিতে মিৎ গাপাল মারাও আখড়া তালাতে ঝাড়গ্রাম জেলা কুমুট হঁ তেয়ার এনা মেন্তে বাডায় আকানা। অনা আখড়ারে তালমা কুমুট পাহ্টা খন সেটের তাঁহেলেন মানতান ধনঞ্জয় মুরমু গম্কে দ WBSTA ইদিকাতে অড়ে অড়পাতে লৗই সদর কেদা। আখড়ারে সেটের তাঁহেলেন মানতান বৈদ্যনাথ হাঁসদা গম্কে দয় লৗই কেদা বাংমা সানাম কো মিৎ চাতম উমুলরে হেচ্ কাতেগে ফেক এস.টি. বিরুধরে লাড়াওনা লৗক্তি কানা।
ঝাড়গ্রাম জেলা কুমুট জাঁহায় কো আতে তেয়ার এনা ওনকো মুদ্রে- মানতান বৈদ্যনাথ হাঁসদা (সভাপতি), দিলীপ বেসরা (সহ সভাপতি), নিরঞ্জন মুরমু (সেক্রেটারী), সুভাষ হেম্ব্রম (এসিস.সেক্রেটারী), রবীন্দ্রনাথ হাঁসদা (ক্যাশিয়ার) আর মন্মথ হাঁসদা ( এসিস.ক্যাশিয়ার) এমান আঁগিভার কো ঞাম কেদা মেন্তে বাডায় আকানা।
.webp)
.webp)
