আবোওয়াঃ ওয়েব পেজ- Fight for ST Reservation শ্লোগান
দহ কাতে ওয়েস্টবেঙ্গল সিডিউল ট্রাইব ওয়েলফেয়ার এসোসিয়েশন আঃ জেলা জেলা করে জাল সার্টিফিকেট
লৗইতে গাপাল মারাও কৗমি হরা এহব আকানা মেন্তে বাডায় আকানা।
নে-হালেগে পারমেন পৗঠুওয়ৗ কোওয়াঃ কলেজ এডমিশন খন এহব কাতে নানাহুনৗর
চৗকরি বিডৗও অর্জরেনাঃ তালিকা করে আদিবাসী কোওয়াঃ ঠাঁওরেহঁ অ-আদিবাসী কোওয়াঃ ঞুতুম
আডি ঢের ঞেলঃ গঃ কানা মেন্তে আয়মা আদিবাসী সংগঠন কগে অভিযোগ ক রাকাব্ আকাদা। আর অনালেকাতেগে
নিৎ আদিবাসী সংগঠন কহঁ ক চেঁহঘাও গৎ আকানা। বাডায় ঞাম গৎ আকাদাকো আর জৗপিৎ তাঁহেন বাং
গানঃ আ। সানাম আদিবাসী কো জুমিদ্ কাতে জাল সার্টিফিকেট বিরুধ রে লৗড়হৗই হোয়োঃ আ। ফেক
সার্টিফিকেট বিরুধ্ রেহঁ গারজাও হোয়োঃ আ। আর ওনকো বিরুধ রে আইন তালাতে লাড়াও হঁ হোয়োঃআ।
আর বাংখান বাঞ্চা হর দ উকুর আনাং ?
আর নোওয়াকো উইহৗর-দিশৗ কাতেগে ওয়েস্টবেঙ্গল সিডিউল ট্রাইব ওয়েলফেয়ার
এসোসিয়েশন আডি কাজাগ্ নোওয়া জাল সার্টিফিকেট বিরুধ্ রেনাঃ লৗড়হৗই গডারে আড়গঁ গৎ আকানায়
মেন্তে সানাম জেলা করে খন গে ডগর বাডায় ঞামঃ কানা। আরহঁ বাডায়ঃ কানা বাংমা নোওয়া লৗড়হৗইরে
আদিবাসী সমাজ রেন পোয়লো সারি রেন আয়মা চাকুরী জীবিক মেনেৎ ডাকতর, ইঞ্জিনিয়ার,প্রফেসর,অ্যাডভকেট,
মাচেৎ এমান এমান গোম্কেকো লাহা হিজুঃ কানা। নংকান মানতান গম্কেকো লাহা হিজুঃ কান
ঞেল্তে আয়মা বেকার জুওয়ৗন কড়া-কুড়িকো আশা রেনাঃ আহ্লা ক ঞেল ঞাম এদা মেন্তেহঁ বাডায়ঃ
কানা। অনালেকাতে এসোসিয়েশন রেন সেক্রেটারী মানতান পারশাল কিস্কু গম্কে মিৎ গাপাল মারাও
আখড়ারে পৗঠুওয়ৗ আর জুওয়ৗন কহঁ নোওয়া লৗড়হৗই রে লাহা হিজুঃ লৗগিৎ আরদাশ এ দহ আকাদ কোওয়া।
অনালেকাতে তেহেঞ ১১
অক্টোবর ওয়েস্টবেঙ্গল সিডিউল ট্রাইব ওয়েলফেয়ার এসোসিয়েশন মেদিনীপুর ইউনিট আঃ সৗহিজুহিতে
মেদিনীপুর হীরামতি লজ রে, মানতান দেবেন্দ্রনাথ হেম্ব্রম (তমলুক) আঃ সভাগোম্কে তৗরিরে
‘Fight for ST Reservation’ ইদিকাতে অড়ে অড়পাৎ গাপাল মারাও আখড়া হুয় পারমেনা মেনতে
বাডায় আকানা।
নোওয়া আখড়ারে গাপাল মারাও রেকো সেলেদ্ লেনা মানতান উপেন মুরমু,
পনৎ কুমুট রেন রৗসিয়ৗ মানতান প্রলয় হাঁসদা, বিনয়কৃষ্ণ মান্ডি, অর্জুন টুডু, বিজয় মুরমু,
আমপা কুমার হেম্ব্রম, সোমরাই মুরমু, আর দীনেস মুদি এমান।
বাডায় আকানা মানকর কলেজ রেন পেড়া মাচেৎ মানতান নলিনী মান্ডিয়াঃ
সেরেঞ তালাতে গাপাল মারাও আখড়া এহব লেনা আর আখড়া তালারে অনহঁড়ে বাঁখেড় কাতে আঁজমাৎ
কোওয়ায় মানতান ডাঃ সুরেন্দ্রনাথ মান্ডি গম্কে।
.webp)
.webp)
