জেগেত কুড়ি গিদরৗ মাহা দিসৗ কাতে
-সুরেন্দ্র মান্ডি
-সুরেন্দ্র মান্ডি
জাতি সংঘ রৗসয়ৗ দিসম করে জাও সেরমা গে ২০১২ সাল খন ১১ অক্টোবর
হিলঃ দ ‘জেগেত কুড়ি গিদরৗ মাহা’ মানাও-পালাওয়ঃ কানা। নোওয়া মাহা মানাও সে উদ্যাপন
রেনাঃ জসদ কানা কড়াগিদ্রৗ কুড়িগিদ্রৗ কো তালারে সমাজ রেয়াঃ ভেপেগেৎ সাহায়, মেনমা কুড়ি
হপন চেতান নাহাচার, অনহেলা আলো হোয়োঃমা, সমান মেৎতে ঞেল হোয়োঃমা , সানাম কো সমান আইদৗর
কো ঞামমা এমান এমান। জাও সেরমা গে ‘জেগেত কুড়ি গিদরৗ মাহা’ মানাও-পালাও রেয়াঃ বেগার
বেগার ‘থিম’ তাঁহেনা কুড়ি গিদ্রৗ কোওয়া আনাট,আই দৗর আর এটাঃ এটাঃ ঞাম তেয়াঃ ইদিকাতে।
মচাতে নিতোঃ জাঁহা তিনাঃ বোন মেন মাসে জে- কড়াগিদ্রৗ কুড়িগিদরৗ দকো সমান গেয়া,মৗনমি সমাজ দ কড়া হপনাঃ অৗচু চালাও তেগে শাসনঃ কান খৗতির সে সমাজ রে কড়া হপন কোওয়া দাপট চালাঃ কান খৗতির কুড়ি গিদরৗ কদ অনহেলা কান গেয়া কো– বাডায় কাতে আর বাং বাডায় কাতে। হৗপি হৗপিতে ‘লিঙ্গ বৈষম্য’ হোয়োঃ কানা সানাম পুরিবার রেগে, বিষেয় কায়তে যাঁহা পুরিবার রে কড়া হপন কোওয়া দাপট মেনাঃ, মেনমা কড়া গিদরৗ কোওয়াঃ লেখা বৗড়তি মেনা কো।
পুরিবাররে কড়াগিদরৗ-কুড়িগিদরৗ কো হারা-বুরু রে, জতন জোগাও রে ভেপেগেৎ ঞেলঃ আ। গাতে বাছাও, খেলন্ড, অড়াঃ বাহ্রেতে অডকঃ এমান রে কুড়ি গিদরৗ কদ উনাঃ আপনার ( স্বাধীনতা) বাংক ঞামা কড়াগিদরৗ তলনা। ঞেলঃ আ জম ঞু,অলঃপাড়হাও সেঁড়া অচয় রে কুড়িগিদরৗ কদ অনহেলা অচ আকো। রোগ-আজাররে তিকিছা সে সেবা-জতন হঁ কুড়িগিদরৗ দ কম ক ঞামা। কুড়িগিদরৗ ক চেতান রেদ অকালেকা চ আচ্ কাথায় ‘কুড়িগিদরৗ কদ এটাঃ অড়াঃ তে চালাঃ গেথ হোয়োঃ তাকোওয়া, ওনকো দ চেৎ আমে জতন মেয়া’ নংকান নেগেটিভ উইহৗর ভাবনা অড়াঃ গৗলিম কোওয়াঃ হোয়োঃআ।
নংকান উইহৗর ভাবনা খন দ আবোক অডকঃ হোয়োঃ তাবোনা। কুড়িগিদরৗ কদনে হারা উমেররে বাং গং কাতে অলঃপাড়হাও সেঁড়া অচকো- মেনমা সানাম সেচ্তে পাকট কো অচ হোয়োঃ আ, কৗউডি-পৗতি তেঁহ তিঁগু টারহাও অচ কো হোয়োঃ আ। অড়াঃ রে বয়হা মিশেরা জত হড়গে সমানতে সানাম কৗমি সেঁড়া অচকো হোয়োঃ আ। চেৎ কড়াগিদরৗ, চেৎ কুড়িগিদরৗ- সানাম গিদরৗ সাঁও ‘গাতে’ হোয়োঃ আ, জাতে সানাম কগে আকোওয়াঃ আনাট এঁটকেটঁড়ে রেয়া কাথা কো লৗই দাড়েয়াঃআক আয়ো-বাবাঠেন। কুড়িগিদরৗ হঁ হোয় দাড়েয়াঃআকো দামান,যুদি কো ঞামা আদর জতন সমান।
আদর-জতন-সেবা কৗমিরে কুড়ি হপন কদ লাহারেগে। নাহাঃ ঞেলঃ কানা, ঢের তেৎ হন-কিমিন গে বরং হাড়াম-বুঢি আয়ো-বাবা তেকো বাংকো ঞেলেৎ কোওয়া, জাঁহাতিন উডিচ্ রেঁহ ঞেঞেল কানাকো কুড়িগিদরৗ -জাঁওয়ায় গংকেৎ কোগে।
মৗনমি সমাজ চেঁড়ে রেন মিৎ
ফৗকড়া দ কড়াগিদরৗ খান আর মিৎ ফৗকড়া দ কুড়িগিদরৗ কো। অনাতে সমাজ নাপায় অকচ্তে লাহায়
লৗগিৎ তেদ কড়াগিদরৗ-কুড়িগিদরৗ কো সমান মেৎতে ঞেল লেক্ কানা, সমান আইদৗ র গে আমরৗও অচ কো লেক্ কানা।
.webp)
.webp)
