আবোওয়াঃ ওয়েব পেজ : আদিবাসী চেতান চালাঃ কান নাহাচার বিরুধরে ইস্পাত নাগার করেহঁ আদিবাসী কো জুমিদঃ রেনাঃ চিতৗর ঝালকাও রাকাব্ এনা। বাডায় আকানা পারমেন ১৮ অক্টোবর সিঁগি মাহা হিলোঃ পছিম বর্ধমান দুর্গাপুর-৬ রেনাঃ শিবম ম্যারেজ হলরে ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ মিৎ গাপালমারাও আখড়া সাপ্ড়াও লেন তাঁহেকানা।
অ-আদিবাসী কো এস.টি. সার্টিফিকেট উডুক কাতে আদিবাসী কোওয়াঃ নানাহুনৗর সুযুগ-সুবিধা কো লুটুজ এদা অনারেনাঃ রড় দারাম খৗতির পছিম বর্ধমান রেনাঃ নানাহুনৗর টঠা খন আয়মা হড় কো সেটের লেনা। অনাবেগর পুরুব বর্ধমান ,বাঁকুড়া,হাওড়া এমান করে খন হঁ আয়মা হড় কো সেটের লেনা।
নেঁওতা পেড়া লেকাতে সেটের কো তাঁহেকানা ডাঃ রামপদ টুডু(এসডি হাসপাতাল দুর্গাপুর), মুন্ডা ফারিচ্ সমিতি পাহটা খন মানতান লক্ষীনারায়ণ কোঁড়া,আদিবাসী কোঁড়া কল্যাণ সমিতি রেন গৗখুড়িয়ৗ মানতান জনার্দন কোঁড়া আর ডিপিএল মড়ে টলা জাহের থান কুমুট রেন মাঝিবাবা নারায়ন চন্দ্র হেম্ব্রম গোম্কে এমান।
গাপাল মারাও আখড়ারে অ্যাসোসিয়েশন রেন সভাপতি মানতান বালকরাম সরেন সংগঠন রুপ সাজাও আর লৗড়হৗই রেনাঃ কৌশল লৗইতে বাঁখেড় কেদায়। অনাবেগর লাড়নাওনারে আদিবাসী কোওয়াঃ দায়-দৗয়িক্ আর অনা রেনাঃ সিমৗনা তিনৗ সাঁগিঞ অনা লৗইতে অড়ে অড়পাত সাব রাকাব কেদায় অ্যাসোসিয়েশন রেন সেক্রেটারী মানতান পারশাল কিস্কু গোম্কে। অনা সাঁওতে ফেক এস.টি.সার্টিফিকেট রেনাঃ বিরুধরে গুছিয়ৗও সাঁহিচ্ লাড়নাওনারে সামিল লৗগিৎ আদিবাসী তিরলা, পৗঠুওয়ৗ, যুওয়ান সমাজ কোওয়াঃ সেলেদ রেনাঃ তেতেৎ আর এনেম লৗইতে বাঁখেড় কেদা ইংরেজী সাঁওহেৎ রেয়াঃ খঁদরঁদেৎ বিশ্বভারতী রেন পৗঠুওয়ৗ মাই আর তিরলৗ-যুওয়ৗন পৗঠুওয়ৗ চাঁগারেন আর মিৎ মুড়ুৎ মানতানিয়ৗ মৌলি মাঝি। অনাবেগর আপান অৗপিন বাঁখেড় কো দহ লেদা অ্যাডভকেট কানাইলাল সরেন, বাঁকুড়া ইউনিট খন নিবারন কিস্কু, কোঁড়া সমাজ খন জনার্দন কোঁড়া এমান।
অনাবেগর বুরধিজীবি মহল পাহ্টা খন বর্ধমান বিশ্ববিদ্যালয় প্রফেসর ডঃ চৈতালী হাঁসদা, চুরুলিয়া কলেজ রেন প্রফেসর দীপক মুদি, সমাজ সুসৗরিয়ৗ শিবন কিস্কু, পবিত্র হাঁসদা, রামেশ্বর হাঁসদা এমান গোম্কে কো বাঁখেড় কো দহ লেদা মেন্তে বাডায় আকানা।
আদিবাসী সমাজ চেতান চালাঃকান নাহাচার বিরুধরে শিল্প অঞ্চল রেন হড় হঁ আর মচা বেৎ কাতে বৗনু কোওয়াঃ অনাদ নোওয়া গাপালমারাও আখড়া রেনাঃ ভিড় ঞেলতেগে বাডায়ঃ কানা।
.webp)
.webp)
