মানতান সাসাপড়াওইচ (আবোওয়াঃ কাথা),
তুলৗজখা- শ্রী কা ন্ত স রে ন
সারি ধরম হাঁসদা
সারি ধরম হাঁসদা গিদরৗ কওয়াঃ মনে তালাতে ' লেঞবিঞ ' ঠেন নাপায়ে নেহর আকানা। লেঞবিঞ সাঁও গাতেরেয়াঃ নওয়া মিৎটাং নাপায় অনড়হেঁ। অনড়হেঁ রে ছন্দ রেনাঃ নাপায় গাবান মেনাঃ আ মেনখান মিৎবার আড়া দ সানাম টঠা করে জৗনিচ চৗলু বৗনুঃ আ- যে লেকা: তালম,পখাও,খিরি এমান ক।
দুগাই টুডু নিয়ৗ ধাও দ আডি নাপায় জেলেঞ ঞঁ মিৎটাং অনড়হেঁ এ আড়তি আকাৎবনা। কুরুমুটু আকাদায় নাপায় ছন্দ বেওহার রেনাঃ। অনড়হেঁ রে কৗটিচ গিদরৗ কওয়াঃ রড়,খিলডু,দাড়বাড়া এমান কাথা নাপায়ে সদর আকাদা।
বাড়তাং সরেন
বাড়তাং সরেন আডি নাপায় ছন্দতে ' পেড়া ' য় দারাম আকাৎ কওয়া। পিয়ো চেড়ে, পেড়া আর পিঠৗরেনাঃ মিৎটাং নাপায় সৗগৗয়ে বেনাও আকাদা। অনড়হেঁ রে ছন্দ রেনাঃ নাপায় মান মেনাঃ আ।
সুবুদিয়ৗ মূর্মূ
সুবুদিয়ৗ মূর্মূ ইচ ' চাঁন্দোমামা ' আডিয় নাপায়া। গিদরৗ কঠেন চাঁন্দোমামা যে আয়ো- বাবা খনহয় মারাং আ- নওয়া কাথাগে আয়াঃ বৗউলীরেয় লৗই আকাদা। ছন্দ খৗতির অনড়হেঁ যথাত মানে ঞাম আকাদা।
সনাতন টুডু
সনাতন টুডু আঃ ' জালা ' দ সান্তাড় সাঁওতা রেনাঃ জালা। কৗশীবাহা পোন্ডগে রেহঁ অনারেগে চোকো মেনাঃ আ মেৎদাঃ। অনড়হেঁ হুডিঞ রেহঁ জেলেঞ গেয়া। অনড়হেঁ রে নাপায় ছন্দ বেওহার আকানা।
.webp)
.webp)
