ফেক এস.টি. বিরুধ্ রে ঝাড়গ্রাম ডি.এম. ডেপুটেশন এমঃ রে পৗঠুওয়ৗ-যুওয়ৗন কোওয়াঃ রাঁগাওনা

আবোওয়াঃ ওয়েব পেজ : হলা ১৯ অক্টোবর ফেক এস.টি. বিরুধ্‌ রে ঝাড়গ্রাম ডি.এম. ডেপুটেশন এমঃ রে পৗঠুওয়ৗ -যুওয়ৗন কোওয়াঃ রাঁগাওনা ঞেল এনা। বাডায় আকানা বাংমা মাড়াং খন হুয় আকান কাথা সে অ্যাপোয়েন্টমেন্ট লেকাতে ডি.এম. সাঁওতে মাড়তে কোওয়াঃ ঞেপেল অক্ত তাঁহে কানা তিকিন বেড়া ১২ টাড়াং - ১ টাড়াং ভিত্‌রেরে। মেনখান আডি পলম তে অ্যাপোয়েন্টমেন্ট ঞাম খৗতির অফিস রেনাঃ টালবাহানা গেকো দায়ী কেদা পৗঠুওয়ৗ-যুওয়ৗনকো। এনহঁ মুচৗৎরে এ.ডি.এম সাহেব ঠেন ৭ দফা দাবী কো এম চাল কেদা মেন্‌তে বাডায় আকানা।

মেনখান কাথা রাকাব্‌ কানা পৗঠুওয়ৗ-যুওয়ৗন কোওয়াঃ নোওয়া দাবী সাকাম হাতাও লৗগিৎ উনৗ টালবাহনা চেদা ? পৗঠুওয়ৗ-যুওয়ৗন কো বার বার ডি.এম. ঠেন চালাঃ লৗগিৎ কো লাহা হেচ্‌ লেনরে পুলিশ চেদাঃ কো আটক রুওয়ৗড় কেৎ কোওয়া ? চেদাঃ উন ঘৗড়িচ্‌ পৗঠুওয়ৗ-যুওয়ৗন কো আটক কাতে দহ হোয় লেনা ? তেহেঞ অলঃপাড়হাও বাডায়ান গিদ্‌রৗ  সে আইন কৗনুন বাডায়ান যুওয়ৗন কো চেতান যুদি নংকান বেওহার হোয়োঃ এনখান সাধারন আদিবাসী হড়  চেৎ লেকা বেওহার কো ঞামা – নোওয়া আডি মারাং কুক্‌লি। পৗঠুওয়ৗ-যুওয়ৗন কোকো লৗই কেদা বাংমা ঝাড়গ্রাম রেন আদিবাসী কো হিনৗ-নিয়ৗ এম কাতে ভুলৗও দহ হোয় আকানা মেনখান তেহেঞ রেন পৗঠুওয়ৗ-যুওয়ৗন সমাজ বাংকো ভুলাঃআ। কাথা রাকাব্‌ কানা ডেপুটেশন এম চালাঃ লৗগিৎতে পৗঠুওয়ৗ-যুওয়ৗন কোওয়াঃ গণ অবস্থান হাতাও হোয় এন তাকোওয়াঃ চেদা ? তবে চেৎ নওয়া তায়ম নংকাগে আদিবাসী কো চেতান নাহাচার চালাঃ আ অনারেয়াঃ নিশৗন কানা ?  

পৗঠুওয়ৗ-যুওয়ৗন কোওয়াঃ মুড়ুৎ দাবীকো কো মুদ্‌রে বাডায় আকানা পছিম বাংলা রেনাঃ অৗডি আয়মা কলেজ করেগে আদিবাসী কোওয়াঃ রাখা দহ জুড়ু রেহঁ বেশির ভাগ ঠাঁও রেগে অ-আদিবাসীকো অসৎ উপৗয় তেকো দখল এদা আর আসল আদিবাসী কগেকো এড়ে অচ কানা। কলেজ রেনাঃ মেরিট লিস্ট সুমুং দ বাং,পছিম বাংলা রেনাঃ সানাম লেকান মেনেৎ PSC, SSC, NEET, JEE এমান হেপ্‌রাও বিনিড করেহঁ মিৎগে চিতৗর ঞেলঃগঃ কানা মেন্‌তে অভিযোগ কিন রাকাব্‌ আকাদা ভারত জাকাত সান্তাড় পৗঠুওয়ৗ গাঁওতা আর যুওয়ৗন মাডোওয়া। অনা বেগর জাল সার্টিফিকেট চক্র সাঁও জপড়াও আকান আধিকারিক কো পাঁজা উডুক কাতে যথাৎ শাসেৎ এম হোয়োঃমা।

বাডায় আকানা এ.ডি.এম সাহেব সাঁও দাবী-দাওয়া লৗইতে গাপাল মারাও মাড়াং অবশ্য বিলমতে অ্যাপোয়েন্টমেন্ট এম হুয়েন খৗতির ইকৗয় খজ আকানা। আর দাবী-দাওয়া কঁহ নাপায়তে আঁজম কাতে আচ্‌ তুনখি তলাশ কাতে ঞেলায় মেন্‌তে পৗঠুওয়ৗ-যুওয়ৗন রেন মাড়তে কো কাথায় এমাৎ কোওয়াঃ মেন্‌তে বাডায় আকানা। তবে পৗঠুওয়ৗ-যুওয়ৗন কঁহ নাছোড় বান্দা, নোওয়াকো দাবী-দাওয়া রেনাঃ স্টেপ বাং হাতাও লেনখান তায়ম দারাম আরহঁ মারাং আকারতে আঁদোড় হোয়োঃ আ মেন্‌তেহঁ হুঁশিয়ৗরী কাথা কো আঁজম হট আদেয়া মেন্‌তেহঁ বাডায় আকানা।