আবোওয়াঃ ওয়েব পেজ- দাঃ হাসা বিরবুরু রেনাঃ অৗইদৗর সাঁওতে আরহঁ আয়মা দাবী ইদিকাতে হলা ১৪ অক্টোবর পূর্ব বর্ধমান আদিবাসী গাঁওতা আউসগ্রাম ২ নং ব্লক কুমুট পাহ্টা খন এদ্রে-কাঁহিস জমেলায় তালাতে আউসগ্রাম ২ নং ব্লকরেন বিডিও ঠেন গণডেপুটেশন কো এম কেদা মেন্তে বাডায় আকানা।
আদিবাসী গাঁওতা দাবীয় রাকাব্ আকাদা বাংমা আদিবাসী কোওয়াঃ সংবিধান অৗইদৗর তাঁহেন তুলুচ্ আদিবাসী কো চেতান লেতাড়গে শাসেৎ, রডচ্, কচলন, নাহাচার চালাঃ কানা। ফুরগৗল রেনাঃ ৭৩ সেরমা পারম আকান রেহঁ, তেহেঞহঁ আদিবাসী হড়কো সাঁওতা অৗরি, রাজঅৗরি, কৗউডি অৗরি,সেচেদ্ আর লাক্চার সানাম সেন্তে তায়মরে মেনাঃ আকাৎ কোওয়া। আদিবাসী লাহান্তি ঞুম কাতে নানাহুনৗর আদব কায়দা উদুঃ কাতে আদিবাসীকো মুচৗৎ কাকো হোয়োঃ কানা। একেন অনা সুমুং দ বাং সরকার সারাঘৗড়িচ্ গে তায়ম আকান জৗতি কো কৗউডি আর সেচেদ্ রে পঙ্গু কাতে দহ রেনাঃ এ রিকৗ ইদিয়েদা মেন্তেহঁ গাঁওতা অভিযোগ এ রাকাব্ আকাদা।
আর নোওয়া কো কাথা উইহৗর কাতেগে বাংমা আদিবাসী গাঁওতা ২২ দফা দাবী বিডিও ঠেনে সাব রাকাব আকদা মেন্তে বাডায় আকানা। ঞুম আনা দাবী কো মুদ্রে বাডায় আকানা- ১) রাজঅৗরি মিরুকরন বাং কাতে সানাম রেঁগেচ্ আদিবাসি পুরিবার কো ‘গীতাঞ্জলি” PMAY (যোজনাতে) অড়াঃ এম হোয়োঃ মা, ২) আদিবাসী কোওয়াঃ জাহের থান রেনাঃ পাট্টা লগনতে এম হোয়োঃ মা, ৩) সানাম আদিবাসী পুরিবাররে ১০০ দিন রেনাঃ কৗমিরে ২৫০ টাকা কাতে মজুরি এম হোয়োঃমা,৪) সানাম আদিবাসী রাঁডি আয়োকো চাঁদোকিয়ৗ ১০০০ টাকা কাতে ভাতা এম হোয়োঃমা, ৫) গৗখুড়ান রুসিকৗ কো চাঁদোকিয়ৗ ১০০০ টাকা কাতে ভাতা এম হোয়োঃমা, আরহঁ নাওয়া কারতে রুসিকৗ কার্ড এম হোয়োঃ মা ৬) এড়াও আকান আদিবাসীকো নাওয়া কারতে ডিজিটাল রেশন কার্ড এম হোয়োঃ মা ৭) জমি-জায়গা বৗনু আন আদিবাসী কো খাস জমি রেনাঃ পাট্টা এম হোয়োঃ মা, ৮) বে-আইনী ভাবতে আদিবাসী এলাকারে নেশা আর চুওয়ৗন পৗউরৗ আখরিঞ বন্দ হোয়োঃ মা ৯) অ-আদিবাসী কো এস.টি. সার্টিফিকেট এমঃ কো বিরুধ রে আইনি বন্দেজ হাতাঃমা, ১০) সানাম অঞ্চল রে ক্যাম্প কাতে এস.টি. সার্টিফিকেট এম হোয়োঃ মা।
বাডায় আকানা আউসগ্রাম ২ নং ব্লক রেন বিডিও সাহেব নোওয়াকো দাবী তুনখি তলাশ কাতে ঞেলায় মেন্তে মচা কাথায় লৗই আকাৎ রেহঁ আদিবাসী গাঁওতা পাহ্টা খন নোওয়াকো দাবী বাং পুরুন লেনখান আরহঁ মারাং আঁদোড় রেকো আঁড়গনা মেন্তে বাডায় অচ হোয় আকানা।
.webp)
