হলা ২৭ সেপ্টেম্বর,
উখলা আতোরেন মাঝি বাবাকো সাঁঘার কেদেয়া মেন্তেহঁ ডগর ঞাম আকানা। নোওয়া সাঁঘার কৗমি
রেনাঃ মুড়ুৎ জস লেকাতে বাডায় আকানা বাংমা অনা আতোরেন মাঝি বাবা, মাঝি হপন কো সরকারি
সুযুগ-সুবিধা ক ঞাম এদা সে বাং অনা বাডায়। অনা বেগর উনি মাঝি বাবা আতোরে হর ডাহার ক
নিত্ ধৗবিচ্ কংক্রিট ঢালাই হোয় আকানা সে বাং ,মাঝি বাবা আতোরে মাঝি ছাটকারে শোলার
লাইট বৗইসাও আকানা সে বাং, ঞু দাঃ রেনাঃ নাপায় বন্দেজ মেনাঃ আ সে বাং, অনা আতোরেন মাঝি
হপন কো ইন্দরা আবাস যোজনা ঠিক ঠাক কো ঞাম এদা সে বাং, অনা আতোরেন বয়সালো হড়ক ভাতা ঞাম
খনা বঞ্চিত মেনাঃ আকাদ্ কোওয়া সে চেতাঃ ? অনা আতোরে বাথরুম সানাম কো ঞাম আকাদা সে
বাং সাঁওতে এস.টি. সার্টিফিকেট ঞাম তে যাঁহায় অসুবিধারে ঞুরুঃ কানায় সে চেতাঃ? নংকান
আয়মা লেকান সাতাম চেতান অড়ে-অড়পাত খঁজ তলাস কৗমি হরা চালাঃ কানা মেন্তে বাডায় আকানা।
বাং হৗটিঞ মেদিনীপুর
জেলা ভারত জাকাত মাঝি পারগানা মহলাঃ নংকান কৗমি হরা ঞেলতে আয়মা হড়গে পারগানা মহল সারহাও
কো চাল আকাদেয়া মেন্তেহঁ বাডায় আকানা।
নোওয়া সাঁঘার
কৗমি হরারে যাঁহায়কো সেলেদ লেনা ওনকো মুদ্রে- পীড় পারগানা কৃষ্ণ মুরমু, পীড় জগ পারগানা
দুলাল মান্ডি, পীড় পারানিক সত্যজিৎ মান্ডি, পীড় গডেৎ গনেশ হাঁসদা, আর পীড় এডভাইজার
কো মুদ্রে সোমনাথ সরেন, সুনীল মুরমু, সুনীল হেম্ব্রম, বাদল হেম্ব্রম সাঁওতে আরহঁ আয়মা
সাঁওতা দরদিয়ৗ কো সেটের তাঁহেকানা মেন্তে বাডায় আকানা।
.webp)
