সিঁগি মাহা রেনাঃ সাকাম ‘চেরেচ্ আড়াং’ লেখা - ০৫ (সাকাম-২)

সাকাম-২

 “আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা।তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ-  Whatsapp- 8942955829, E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- বিজয় কিস্কু , রাবন হেম্ব্রম,   ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ, সুচাঁদ হাঁসদা, সত্যেশ্বর মুরমু, বিভূতি ভূষণ সরেন, গাতে টুওয়ৗর, নিকোলাস মারানডি । 

  

বিজয় কিস্কু , ক্লাস -VI

জেলা - পুরুলিয়া

রাবন হেম্ব্রম, ক্লাস - IX

জেলা - পুরুলিয়া

৬।।

 ᱱᱮᱸᱦᱚᱸᱨ

  ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ

ᱟᱞᱚᱢ ᱠᱩᱦᱩᱭ ᱮᱜᱳ ᱠᱩᱦᱩ
ᱡᱚᱡᱚ ᱫᱟᱨᱮ ᱪᱮᱛᱟᱱ
ᱦᱚᱯᱚᱱ ᱵᱟᱵᱩᱭ ᱡᱟᱯᱤᱫ ᱟᱠᱟᱫ
ᱛᱤᱱᱟ.ᱜ  ᱫᱷᱟᱣᱤᱧ ᱢᱮᱛᱟᱢ !

 ᱡᱟᱯᱤᱫ ᱠᱷᱚᱱᱮᱢ ᱵᱮᱨᱮᱫ ᱞᱮᱨᱮ

ᱪᱤᱠᱟ.ᱧ ᱵᱩᱞᱟ.ᱣ ᱮᱭᱟ
ᱠᱩᱸᱥᱩᱫ ᱠᱩᱸᱥᱩᱫ ᱠᱷᱟᱞᱤᱭ ᱨᱟᱜᱟ
ᱚᱦᱚᱧ ᱫᱚᱦᱚ ᱠᱮᱭᱟ  ᱾

ᱦᱚᱲᱟᱜ ᱯᱟᱥᱤ ᱵᱟᱵᱮᱨ ᱤᱧᱤᱧ

ᱚᱨ ᱛᱚᱯᱟᱜ ᱞᱮᱫᱟ
ᱟᱢ ᱪᱮᱛᱟᱱ ᱤᱧᱟᱜ ᱫᱟᱭᱟ
ᱱᱤᱛᱮᱢ ᱦᱤᱲᱤᱧ ᱠᱮᱫᱟ ᱾

ᱟᱢᱟᱜ ᱨᱟᱦᱟᱧ ᱟᱸᱡᱚᱢ ᱜᱮᱭᱟ
ᱠᱟᱛᱷᱟᱧ ᱮᱢᱟᱢ ᱠᱟᱱᱟ
ᱤᱧ ᱟᱭᱳᱭ ᱦᱮᱡ ᱞᱮᱱᱜᱮ
ᱵᱟᱱᱩᱜ ᱛᱤᱧᱟ ᱢᱟᱱᱟ ᱾

=O=O=O=O=O=O=

 

৭।।

 ঝঁড়ে রঁড়ে (তেসার হৗটিঞ) 

সুচাঁদ হাঁসদা

চালাও লেনাকিন আর মিৎ দিন ,
কুমড়ু কিঁসৗড় অড়াঃ ৷
ঞেঁল এৎ কিন তুমদৗঃ টামাক ,
আকাতে পেরেচ গড়া ৷

 ঝঁড়ে দয়ে দাংদা পেতাং ,

রঁড়ে দয় গাড়দা গৗডুম ৷
অড়াঃ মালিক বতর তেমা ,
অমবাঃ আরে ইকড়ুম ৷

 গড়া পেরেচ গৗই কাডা ,

বতর তেক ছাট পাটাঃ ৷
ঝঁড়ে রঁড়ে দলে আতেৎ ,
উনৗঃ গেকিন টাঁগুন টাটাঃ ৷

 গিদৗর পিদৗর হাড়াম বুঢি ,
বতরেনকো বৗহু বিটি ৷
আকিন হঁকিন বতরেনতে ,
দৗড় কেৎ কিন রিটি পিটি ৷

=O=O=O=O=O=O=

 

৮।।

 হপন বিটি

সত্যেশ্বর মুরমু

হপন বিটি গাং নৗইরে
      দাঃ লোয় সেনঃ আ,
দাঁশায়বঙ্গা কাশী বাহা
      হয়তে হিলোঃ আ।

 কাশী বাহা হেটেচ্ কাতে
      সুৎ রেয় বাহায়া,
নৗই দাঃরে মেঁৎহা ঞেলতে
            হিটি হিটিয় লাঁদায়া।

      =O=O=O=O=O=O=

 

৯।।

 মৗলিন বাহা  

  বিভূতি ভূষণ সরেন 

হপন বিটিই রহয় আকাৎ 
বাড়গে কচারে মৗলিন বাহা, 
সেতাঃ সিঁগাড় আচুর-বিহুর 
যতন হারায় মৗলিন বাহা। 

 ঝুপু-তুড়ু বাহা দারে 
বাহা আকান দারে পেরেচ্, 
মৗনমী মনে বাংগে আড়ে
সি-সিদ্ লৗগিৎ হারে ফারে। 

 মেতায় কৗনিঞ দায়া কাতেঃ 
আজম মে লুতুর বিদ্ আতে, 

আলম সিবোড়িঞ গাতে 

এমা আমাঞ হাঁ হাপে, 
সঁধাড় 'শ' তে গটা 
আঁদড়ৗঞ বাহা কচা। 

 লিকিৎ-লিকিৎ ডৗররে 
জেঁগেৎ-জেঁগেৎ মজ্ গে, 
রাসাঞ দহয় তেরম লৗগিৎ 
কচাঞ শোভায় মৗনমী লৗগিৎ।

 =O=O=O=O=O=O=

 

১০।। 

চমকরচ্

  - গাতে টুওয়ৗর

 বৗডয়ৗ তুয়ু হুয়ৗ চুকৗঃ
           বওয়াঃ রুঁডৗ বওয়াঃ ,
হু হাডগার রিটৗমপাট
           অৗডয়ৗ পুশি কঁওয়াঃ ।

কুল তৗরুব রাজা মন্ত্রী
          হুদুড় বানা সিপৗহি ,
হাড়াম সেতায় ডিগবাজিয়েন
           রৗপুৎ কেদায় কৗরাহি ।

     =O=O=O=O=O=O=

 

১১।।

 

নিকোলাস মারানডি

  

 অড়াঃরে রেমাঃ গায়াং গূয়ুং 
      ইঞগে সাধের পুসি ,
সানাম অকতেঞ তাঁহেনা 
      ইঞ দ আডি কুসি  । 

 চেৎ কৗমিহঁ বৗনুঃ তিঞৗ
      একেন লাচ্ ভাতাও  ,
 মেলাং চেটাং কাতে 
     দিনৗম দিনিঞ কাটাও ।

জমমা মেনাঃ নানাহুনৗর 
    অৗয়ুপ্ লেনখানগে জেল হাকো ,
খৗলি  তাঁকিঞ সেঁদরায় 
      ইঞমা অকো চোকো। 

  

 নতে আরহঁ মেনাঃ কোগে
   চুটিয়ৗঁ  তিনৗ চাপড়া  ,
কারধৗনিঞ এহবা নাহ্‌
     অৗয়ুপ্ খিলৗড আখড়া।

               =O=O=O=মুচৗৎ=O=O=O=