সিঁগি মাহা রেনাঃ সাকাম ‘চেরেচ্ আড়াং’ লেখা - ০৫ (সাকাম-১)

 সাকাম-১

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা।তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ-  Whatsapp- 8942955829, E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- সুজয় কুমার টুডু, রিলৗমালা মুরমু, সারি ধরম হাঁসদা, দুগাই টুডু, শ্রী কা ন্ত স রে ন, সনাতন টুডু, অনল বিঁদি

সুজয় কুমার টুডু, ক্লাস- I
জেলা - পশ্চিম মেদিনীপুর

রিলৗমালা মুরুমু, ক্লাস- III
জেলা - পুরুলিয়া

১।।

হৗকোআঃ রেঁড়হা উপৗস (অনশন)

সারি ধরম হাঁসদা

       

 রেঁগেজ তেক 'বার' আকাদা

   গৗডিয়ৗ গৗরুম হৗকো,
মনে ভিতির বাংক দহয়
   দানাং কাথা ওকো।

 তিস বাংমা দাঃরে "সিবু"

   পানতে লেদায় চাপো,
অনা খৗতির হোয় লেনা ক
   সানাম লাপা লোপো।

    উপৗস তেক দড়ম আকাৎ

     নিরৗই ধরম লটা,
   আড়াগ্ আক সতর বর্গন
     চাঁওফাটাও এন গটা।

কাথায়া ক- উপরি পৗড়ি

   ফুরগৗল দলে হাতাও,
অৗওহৗ হড়াঃ হৗতড়ৗও চাপো
  একাল বালে বাতাও।

                             (2)

                         জমক্

                         

এ বৗবু হপন বৗবু
      আখড়া চির লাং উডৗও,
গুঁহুড্ গুবৗং ডুবকু ডুবৗং
      টামাক্ দেলাং গুডৗও।

এ  বৗবু হপন বৗবু-

    আখড়া বালাং এটাগ্,
হেতাং হেতাং  ডিগদৗ মেতাং
    তুমদাঃ দেলাং চেটাগ্।

অঁডে গেলাং  থৗনিত তালাং

    গৗহির গরব চাপাল,
অডে গেলাং পাঁজা ঞামা
     জিয়ন লোহোক্ তাতাল।

  =O=O=O=O=O=

 ২।।

 গিদৗর বৗউলি

দুগাই টুডু

গোডো

 

গোডো কোদ খাটাস খুটুস
মারাং অড়াঃ তালা,
যাঁহাকো ঞামা অনাকো গেরা
বোগে তেদ ভালা।

 গেডে

 গেডে কোদ পেঁক্‌ পেঁক্‌

গৗড্‌য়ৗ দাঃ তালারে,
হাকো আদ ছিল্‌ বিলাঃ
দাঃ তালা মালারে।

 হাঁড়ু

 হাঁড়ু কদ দন বাডায়

দারে ডৗর ডৗর কতে
জ-বেলেকো জম্‌ গদা
একাল হৎ বাড়া কাতে।

  =O=O=O=O=O=

৩।।

 কাকলীয়াঃ কুকলী

    শ্রী কা ন্ত স রে ন 

নওয়া ধৗরতীরে মেনাঃ আকাৎ
        নানা- হুনৗর জিনিস
মাসে লৗইমে অকা কদ
         জীয়নরেনাঃ আড়িস।

অকা কানা সরেস ডুংরী
        অকারে মেনাঃ অনা
বাং এম ঞামা পতব করে
        ইঞাঃ মনেয় মেনা।

চেৎতে চেৎএম কৗমি লেখান
      বাং এম লাঁঙ্গাঃ তিসহঁ
অকয়াঃ সাঁহেৎতে অকয়ে বাঞচাঃ
      অকয়ে জমা বিষহ।

অকয়দ জতখন জোরতেয় দৗড়ৗ
       অকারে বৗনুঃ বতর
অকয় দ সৗরি জৗপিৎ কাতেহঁ
      তাঁহেনায় আডি সতর।

  =O=O=O=O=O=

৪।।

 হেঁদে রিমিল

 সনাতন টুডু

 বহঃ চেতান ঞেল্‌পে হানে

হেঁদে রিমিল চালাঃ।
ঝত হড়তে কুলিয় য়াবন
অকা রেতাম অড়াঃ।।

 উপৗল ডগর ছিতৗ ঝানো

চেতান সেনকো কয়গ্‌।
সৗরি গেতো নওয়া রিমিল
অকা রেদো থিরঃ।।

 জবা আরহঁয় মেন গদা

কুলিয় য়াবন রিমিল।
সেতাঃ তিকিন আয়ুব ধৗবিজ্‌
চেদাঃ পিরিল পিরিল।।

গাতে কুড়িকো মেন কেদা

আডি সৗরি কাথা।
চেদ্‌ লৗগিদ্‌ দয় দাঁড়ান কানা
চেদ্‌তায় জিয়ন কাথা।।

 আবো আতুরে তেহেঞ দবন

হহ তিঁগু য়ে।
লৗয় বেগর বাবন এমায়
চালাঃ রেনাঃ দাড়ে।। 

=O=O=O=O=O=

 

৫।।

 গিদরৗ বৗউলী

 অনল বিঁদি 

দৗউড়ৗ চেতান বৗহু
কুয়লৗ হেঁদে কৗহু।
কঁ কাটা জাঁওয়ায় মাতায়
ততকা রেতায় ডৗহু !!

রায়বার কুকুজ কুমৗং
হাঁডিয় ঞুঁয়া মিদ টুমৗং।
তাং আঃ বাং তেয় উসৗদ আকান
হুটকু হুটুব কুমৗং !!

রেগড়া টামাক ঘুড়ি
লাইন আতে কুড়ি।
কাকড়া লেকা ডৗবুক আতে
অটাং আকো ধুড়ি !!

লৗউ ডংকা লেঞ হাতম
বহঃ রেতায় তালে চাতম।
বিহৗ বাপলা রেনাঃ নেয়াম নিতি
একাল গে বায় এতম !!

 =O=O=O=O=O=