মানতান সাসাপড়াওইচ (আবোওয়াঃ কাথা)
সিঁঙ্গিমাহা রেনাঃ সাকাম' চেরেজ আড়াং', লেখা- ০৫ (সাকাম-১)
২৭ সেপ্টেম্বর,২০২০
তুলৗজখা- শ্রী কা ন্ত স রে ন
বেনাও চিতৗর আতে মিৎবার কাথা
১. সুজয় কুমার টুডু, ক্লাস - I
সুজয় কুমার টুডু ক্লাস- I, দরয়া ধারে রেনাঃ চিতৗর আডি নাপায়ে বেনাও আকাদা। আয়াঃ উমের লেকাতে দ,নিয়ৗ চিতৗর সারহাও লেকানাঃ
২. রিলৗমালা মূর্মূ, ক্লাস- III
রিলৗমালা মূর্মূ আঃ চিতৗর আর চিতৗর বেনাও দাড়ে আডি যৗসতি। আয়াঃ মনেরেনাঃ চিতৗর দাড়ে জায়যুগ নংকাগে তাঁহেন তায়মা।
অনড়হেঁ রেনাঃ তুলৗজখা:-
১. হাকো আঃ রেড়হা উপাস ( অনশন )
সারি ধরম হাঁসদা
হাকো ক চাপো খৗতির, উনকু ক লাপা- লোপো লেনা। অনা খৗতির উনকু নিরাই ধরম লটা আতে ক ' বার ' আকাদা। মানতান সারি ধরম হাঁসদা গমকেয়াঃ হাকো চাপো আতে নওয়া অনড়হেঁ রেনাঃ, গড়হন আডি নাপায়ে অল আকাদা। ছন্দ মজগেয় বেওহার আকাদা। মেনখান অনড়হেঁ রে বেওহার আকান মিৎবার আড়া দ, গিদরৗ ক জৗনিচ বাং ক সেটেজ দাড়েয়াঃ আ। যে লেকা: রেঁড়হা, বর্গন,চাওফাটা এমানাঃ ক।
দসার অনড়হেঁ - জমক
দসার অনড়হেঁ ' জমক ' হঁ জমক গেয়া। হপনবাবু তৗকিন গুহুড়- গুবাং, ডুবকু- ডুবাং আতে নাপায় কিন জমকাও আকাদা।
২. গোডো,গেডে,হাঁড়ু
দুগাই টুডু
মানতান দুগাই টুডু গমকে পেয়া অনড়হেঁ এ আড়তি আকাৎবনা। মিমিৎটাং অনড়হেঁ রে পোনয়া খন যৗসতি থার বায় বেওহার আকাদা। নওয়া পোনয়া থারতেগে জিয়ৗলি কওয়াঃ চৗরিতরেনাঃ মুখিয়ৗ কাথায় ফুটেল আকাদা। নওয়া দ জৗনিচ আয়াঃ মিৎটাং নাপায় ফুটেল দাড়ে।
৪. হেঁদে রিমিল
সনাতন টুডু
মানতান সনাতন টুডু গমকে, ' হেঁদে রিমিল ' আতে গিদরৗ কওয়াঃ মচাতে নাপায় কুকলীয় রাকাব আকাদা। নওয়া অনড়হেঁ পাড়হাও কাতে, গিদৗর কওয়াঃ মনে রে বাড়ায় রেনাঃ তেতাং ঢেরঃ আ। অনড়হেঁ রে নাপায় ছন্দ বেওহার আকান রেহ মুচৗৎ থার রেদ ছন্দয় আৎ আকাদা।
৫. গিদরৗ বৗউলী
অনল বিঁদি
অনল বিঁদি রেন বৗহু- জাঁওয়ায়, রায়বার, এনেচ কুড়ি আডি ক নাপায়া। ঝত কওয়াঃ গে সরেস গুন মেনাঃ আ। সাঁওতে লৗউ ডংকারেন হাতম, উনিয়াঃ দ তুলৗজখা বৗনুঃ আ। অনড়হেঁ রেনাঃ গড়হন ভাবনা আডি নাপায়। ছন্দ কহঁ ছন্দতেগে ক লাহা আকানা।
.webp)
.webp)
