আবোওয়াঃ ওয়েব পেজ- দারায় কান ১২ অক্টোবর, আদিবাসী একতা মঞ্চ রাইপুর ব্লক কুমুট আঃ হহতে সানাম আদিবাসী কো জুমিদ কাতে এস.টি. সার্টিফিকেট জৗলিয়ৗতি সাঁওতে আদিবাসি কোওয়াঃ রেঁগেচ্-রাবাং,সেচেৎ রেনাঃ নানাহুনৗর ৩৩ গটাং দাবী-দাওয়া লৗইতে রাইপুর বি.ডি.ও. ঠেন গণডেপুটেশন এম রেনাঃ ডগর বাডায় ঞাম আকানা। ইনৗহিলোঃ ১০ টাড়াং অক্তে রাইপুর ট্রাফিক মোড়রে জমেলায় তালাতে নোওয়া গণডেপুটেশন ক এমা মেন্তে মঞ্চ পাহ্টা খন বাডায় ঞাম আকানা।
আদিবাসী একতা
মঞ্চ দাবীয় রাকাব্ আকাদা ভারত সাঁওতে গটা ধৗরতি জাকাত নিৎহঁ আদিম আদিবাসী কো রডচ্-কচলন,
নানাহুনৗর কৗমি ঠাঁওরে হেঁতেল-গেজেল সাহাও হোয়োঃ কান তাকোওয়া। তেহেঞ প্রযুক্তি যুগ
রেহঁ ওনকোওয়াঃ কৗউডি-সামাজিয়ৗ পুরিকাঠামো রেনাঃ চেৎহঁ অনকা বাং পাল্টাও আকানা। কল-কারখানা,
ধিরি খাদান, কয়লা খাদান করে বিসি-জাং-রৗপুদ্ খাটাও কাতেহঁ তেহেঞ ওনকো গে গুজুঃ হররে।
সংবিধানরে খদা
আকান আদিবাসী কোওয়াঃ অৗইদৗর তেহেঞ নানাহুনৗর ছল চৗতুরি কাতে মুচৗৎ কাঃ রেয়াঃ অজরা এনেচ্
চালাঃ কানা মেন্তেহঁ মঞ্চয় রড় রাকাব্ আকাদা।
আদিবাসী একতা
মঞ্চ আরহঁ দাবীয় রাকাব্ আকাদা নোওয়া পছিম বাংলা পনৎ রেহঁ নিয়ৗ অক্তে উৎনৗও রেনাঃ ভান্ড
ঝত খন বাড়তি ছিং ছৗতুর আকানা, ছিং ছৗতুর আকানাকো আদিবাসী কো। নানাহুনৗর সরকারি সুজুগ-সুবিধা
ঞাম রেহঁ লাজাও-সরম দেয়া কাতে চালাঃ কানা দল বাজি, হৗনি-নুয় চিনহৗও আর কাটমানি। পছিম
বাংলা রে তেহেঞ জাল এস.টি. সার্টিফিকেট রেনাঃ রম্রমা বেবসা চালাঃ কানা মেন্তেহঁ মঞ্চ
দাবীয় রাকাব্ আকাদা। গটা পনৎ রে আদিবাসী হোস্টেল বেবস্থা রৗপুদ্ আকানা। সরকারি হক-অৗইদৗরী
ঞাম আন হড় এড়ে কাতে সরকারি কৗউডি রেনাঃ লুটুজ্ এহব আকানা। চৗকরি ঞাম আশাতে দুড়ুপ্
আকান আদিবাসী শিখনৗত্ বেকার কড়া-কুড়িয়াঃ আগাম নিৎ ঞুতৗৎরে। চাষী সাঁওতে দিনৗম কৗমি
হড়াঃ জিয়নহঁ ডামাডোল রে।
.webp)
.webp)
