শিবুলাল মুরমু, চন্দ্রকোনা রোড : চালাও এন ২৬ সে জুলাই ঞিদৗ ১০:৩০ বাজাঃ অক্তে,মেদিনীপুর সদর তল্লাট রেনাঃ কেশপুর বাবন ভুই মুলুক তৗরিরে মেনাঃ ১নং পীড় (অঞ্চল), ১৪ নং বুথ রেনাঃ শোলিডিহা তৃণমূল পার্টি অফিস রে সঞ্জয় হাঁসদা ঞুতুমান মিৎ কড়া ক দাল লেদেয়া মেন্তে বাডায় আকানা। নোওয়াহঁ বাডায় আকানা যে উনি সঞ্জয় হাঁসদা ঞুতুমান কড়া হপন দ দিনৗম গে অনা শোলিডিহা রেনাঃ মমতাময়ী কোল্ড স্টোরেজ রে কৗমিই চালা আ, আর ঞিদৗয় রুয়ৗড়া। ইনৗহিলোঃ অনা রুয়ৗড় অক্তরে কিছু তৃণমূল পার্টি রেন হড় আচমকা তেঙ্গো ক মেতাদেয়া, আর দালক এহব কেদা, আর চ্যাঙ দোলা কাতেৎ পার্টি অফিস ভিতির ইদি কাতেৎ মটর সাইকেল চৗবি, সাঁওতে তাঁহেকান ১৫০০টাকা হঁক রেজ লেদেয়া আর,দমেক দাল লেদেয়া মেন্তে সঞ্জয় মাঝি পারগানা মহল ঠেন লৗলিশ আকাদায়।
অনালেকাতে নোওয়া ঘটন সাঁও জপ ড়াও তাঁহেকান উনকু দোষী সাব্যস্ত কাতেৎ পাক্ড়াও লৗগিৎতে হলা ৩১-০৭-২০ শোলিডিহা তৃণমূল কংগ্রেস পার্টি অফিস জাঁগে আর অনা ঘটন রেনাঃ কৗডরৗই রড় দারাম কেদাক এলাকারেন হড় ভারত জাকাত মাঝি পারগানা মহল পাহাটা খন।
আর উনকু দোষী IPC লেকাতে 341/325/307/377/34 আর ST/SC Atrocities act লাগাও কাতেৎ আনন্দ পুর থানা রিন পুলিশ প্রশাসনিয়ৗ বার হড়ে পাক্ড়াও আকাৎকিনৗ মেন্তে বাডায় আকানা। আরহঁ পে হড় পাক্ড়াও রেনাঃ ৭২ ঘন্টা অক্তয় হাতাও আকাদা আনন্দপুর থানারেন পুলিশ প্রশাসনিয়ৗ ।
অনা জাঁগেরে সেটের লেকাতে ক তাঁহে কানাকো বাঙ হৗটিঞ মেদিনীপুর জেলা জগ পারগানা মানতান মনরঞ্জন মুর্ম্মূ, মেদিনীপুর তল্লাট পারগানা মানতান স্বপন মান্ডি,তল্লাট পারানিক সুভাষ কিস্কু, বুগড়ি ১নং মুলুক পারগানা রবিলাল সরেন, বুগড়ি ২নং মুলুক পারগানা বাবলু সরেন, মুলুক গোঢেৎ ভান্টু সরেন, কেশপুর বাবন ভুই মুলুক পারগানা, সাঁওতে সাপাতি আর মাঝি হপন ক।
ভিডিও ঞেলমে 📽️📽️:
.webp)
