(হুডিঞ মাছা কৗহনি)
জানোওয়ার কো তালারে কোরোনা
 |
নিকোলাস মারানডি
গোটাটাঁডি দাঃতে পেরেচ্ আকানা। উসুল চেৎ, চপৎ চেৎ গোটাগে। আর নঁতে দিসমরে কোরোনা রেনাঃ বতর। নংকা লেকারে জানোওয়ার কদ মিৎটাং হুডিঞ মাছা গাজাড় রেকো বাসা আকান তাঁহেনা। অনা দ থড়া উসুল মাছা জায়গা তাঁহেকানা আর দাঃদ বাং তাঁহেকানা। আর অঁডেদ আয়মা জানোওয়ার মিৎ তে তাঁহেন কো এতহপ আকান তাঁহেকানা।
নোওয়াকো ঞেল কাতে জানোওয়ার কো তালারে মিৎটেন হাড়াম রুঁডৗ দ হুদিস জানামাদেয়া অনাতে সানাম জানোওয়ারকো হহ কাতেয় মেতাৎ কোওয়া , " বয়হাকো নংকান অকতেরে আবো মিৎতে তাঁহেন দ পাশেচ্ ঠিক বাং হোয়োঃ কানা, বিপদ রেবন পাড়াও দাড়েয়াঃআ। অনাতেঞ মেনেদা যদি থড়াদিন লৗগিৎ সোর সোপোর গাজাড় করে আপান অৗপিন বন তাঁহেনা তবেদ নাপায় হোয় কোঃআ। অনা আঁজমতে কুলৗই এ মেন কেদা - “দল রেগে বল দ, একা দয় বোকা গেয়া। " আর আকো তালারে বারয়া মত জানামেনা, আর বার দল রেকো হৗটিঞেনা। থড়া হড় দ রুঁডৗ সেচ্ আর ঢের জানোয়ারকগে কুলৗই সেচ্। আদ রুঁডৗ আঃ দল দ অনা গাজাড় খন এটাঃ গাজাড়তেকো চালাও এনা আর কুলৗই আর উনিরেন দল দ অঁডে অনা গাজাড় রেগেকো তাঁহেয়েনা ।
কিছুদিন বাদ অনা গাজাড়সেচ্ গে মিৎ দল সিকৗরিয়ৗ কদ সেঁদরা কো চালাও এনা। আর অঁডে আয়মা কুলৗই ঞাম কাতে মিৎ মিৎতে যতকো গচ্ কেৎ কোওয়া ।
.webp)
