আবোওয়াঃ ওয়েব পেজ্,২৩ আগস্ট : ‘কারাম পরব’ লৗইতে পারমেন ১৭ আগস্ট হিৎ হিলঃ পছিম্ বাংলা কৗউডি দপ্তর পাহটা খন বাডায় আকানা বাংমা যাও সেরমা লেকাগে নেসহঁ দারায় কান ২৯ আগস্ট ‘কারাম পরব’ হিলঃ আদিবাসী গাঁতাত রেন সরকারি কৗমিয়াকো ছুটিক ঞামা।
হলা ২২ আগস্ট আরহঁ দহড়াতে অনা কৗউডি দপ্তর পাহ্টা খনগে বাডায় ঞাম এনা বাংমা পছিম্ বাংলারে যাঁহা গাঁতাত রেন হড় গে অনা ‘কারাম পরব’ ক মানাওয়া ওনকো গে অনা মাহা sectional holiday লেকাতে ছুটিক ভোগ দাড়েয়াঃআ।
পারমেন ১৭ আগস্ট হিৎ হিলঃ কৗউডি দপ্তর পাহ্টা খন নোওয়া ডগর পারসালেন তায়মগে বাডায় আকানা বাংমা পুরুলিয়া জেলারেন শান্তিরাম মাহাত (ভারপ্রাপ্ত মন্ত্রী, পশ্চিমবঙ্গ উন্নয়ন বিষয়ক দপ্তর) মিৎ চিঠি সাকাম (D.O. No:-57/MIC/PUAD/CAMP-P/20, Date- 20.08.2020) তালাতে পনত্রেন মুখিয়ৗ মন্ত্রী ‘কারাম পরব’ রেনাঃ ছুটি লৗইতে বাডায় অচ লেদেয়া বাংমা পুরুলিয়া, বাঁকুড়া, ঝাড়গ্রাম আর পছিম্ মেদিনীপুররে আয়মা কুড়মি,মাহাত মেনাঃ আকাত্ কোওয়া যাঁহায়দ আডি সেদায় খন ‘কারাম পরব’ ক মানাও আগুয়েদা। মানতান মন্ত্রী আর হঁয় বাডায় অচ আকাদেয়া বাংমা ‘কারাম পরব’ দ কুড়মি কোওয়া মুড়ুৎ লাক্চার কান তাকোওয়া মেন্তে।
অনালেকাতে মাহাত গোম্কেদ মুখিয়ৗ মন্ত্রী ঠেন নেঁহর এ দহ লেদা বাংমা কুড়মি,মাহাত গাঁতাত রেন হড় হঁ যাতে নোওয়া ‘কারাম পরব’ ছুটি ক ঞাম্ দাড়েয়াঃ অনা রেনাঃ বনধেজ্ হোয়োঃ মা। বাডায় আকানা অনাক লেকাতেগে সরকার পাহ্টা খন বাঁখেড় এনা বাংমা ‘কারাম পরব’ দ যাঁহায় গেক মানাও বাতাওয়া উনকু সানামগে নোওয়া কারাম ছুটিদ ক ঞামা। সরকার পাহ্টা খন নোওয়া’ ‘কারাম পরব’ রেনাঃ ছুটি ঞাম খৗতির কুড়মি,মাহাত সমাজ তালারে রৗস্কৗ রেনাঃ ঝারনা ঞেল ঞামঃ কানা মেন্তেগে বাডায় আকানা।
নঁতে আদিবাসী পাহ্টা খন নোওয়া ইদিকাতেৎ অনকা যাঁহান চেৎ অভিযোগ সে প্রতিক্রিয়াদ নিৎ ধৗবিচ্ বাং ঞেলঃ গঃ কানা তবে বুরধি জীবি মহল রেন আয়মা হড়গে নোওয়া ছুটি ইদিকাতেৎ ভোট ব্যাঙ্ক রেনাঃ ফেরকাঠি লেকাতেগেক ঞেল ঞাম এদা মেন্তেগে বাডায়ঃ কানা।
.webp)
