হৗকু হৗকু রটে
 |
-বীরসা কিস্কু
পনৎ রেন মুখিয়ৗ মন্ত্রীয়াঃ কাথা অকয় ঠেন চং আঁজম কাতে লথড় তৗকিন দ অৗডি কিন রৗস্কৗ আকানা। চেদাঃ সে সরকার খন অড়াঃ কিন ঞামা সাঁওতে জমিরেয়াঃ হঁ ডবল দাম কিন ঞামা। অনাতে লথড় দাঃমৗডি জেঁবেদ কাতেঃ গে জমিরেয়া কাগজ ক আতে কুলহি মুচৗৎ বাড়ে দারে বুটৗ লাইন রে তিঁগু আকানায়। বারহে খন হেচ আকান অফিসার ক লথড়াঃ কাগজক ঞেল কাতেঃ বার্ কুড়ি হাজার টাকা ঞামরেনা কাথা ক লৗয় আদেয়া। টিপসহি এম কাতেৎ গে লগন অড়াঃ এ রুয়ৗড় কানায়। রুয়ৗড় অক্তে মনে মনেতে মেন জং কানায় যাক্ গে আদ,বৗটি লটাতে দাঃ দ বাং আতাং লাগা আ অড়াঃ ভিতরিরে আর বার বেড়া লাচ পেরেচ জম হঁ কুড়ৗঃ আ।
বৗদ হুড়ু হ পটেঃ সাঁওতে সরকারাঃ সোনা ধিরি খাদান রেয়াঃ কৗমি এতহব এনা। লথড় তাক আতো মৌজারেন হড় ক সাহা কেদ কওয়া। লথড় তৗকিন হঁ বৗটি লটা ঘেঁট পটম হবর কাতে পুলিস বাবু আ গৗডিরেকিন দেজ এনা | ডিটেনসেনস ক্যাম্পরেয়া মিৎ কঁড়রে দুড়ুপ কাতে লথড় এ উইহৗর অৗচুর এদা নওয়া গে জৗনিচ্ সরকার খন ঞাম অড়াঃ দ।
.webp)
