(হুডিঞ মাছা কৗহ্নি)
ডুনুচ্ আঃ ডুলুং চাকা
 |
| নিকোলাস মারানডি |
সগলে আতোরেন ডুনুচ্ দ অৗডি জমি জায়গাওয়ান হড়ে তাঁহেকানা । উনিয়াঃ আয়মা জমি জায়গা তায় , চাষ আবাদ হঁ আনেচ্ ধানেচ্ অড়াঃ পেরেচ্ হোড়ো ঢুলৗ করে। নোওয়া কো ঞেলকাতে এটাঃ জৗতি হড় লালচ জানামাৎ কোওয়া। আর উনি সাঁও গাতেঃ কো এহপ্ কেদা । পৗহিল দ ডুনুচ্ উনৗঃ নিশৗওয়ান হড়দ বায় তাঁহেকানা, একেন হিসৗব ভরগে। তিনরে করে চং আর জৗতিক সাঁও গাতেঃ এ এহপ কেদা। উনদ দিন দিনতে ঞুহঁ বৗড়তি ইদিলেন তায়া। আকো অড়াঃ রেগে মিৎ বার দিন বাদ বাদ পারটি কো মানাওয়া, সিম জেল পিঠৗ আর বিলৗতি পৗউরৗ সাঁওতে। আর আচ্ বৗহুদ বৌদি বৌদি মেনকাতে কো হহ আয়। আর নোওয়াতে ডুনচ্ আর আচরেন বৗহুতায়দ কুসি গেকিন তাঁহেলেনা। আপদ বিপদরে অৗডিকো গড় অৗকিনা ।
নংকাগে দিনদ চালাঃ কান তাঁহেনা । মেনখান আচ্ বাবাদ ওনকোওয়াঃ মতলব দ পাশেচ্ এ বুঝৗও তিয়োঃ লেৎ গেয়া। আর ঠিক বায় মেতাঃ কান তাঁহেচ তে আচ্রেন হপন ডুনুচ্ দ হাপে হাপেতে মানায়ে রেয়াঃএ গটা লেদা। আদ ডুনুচ্ এ মেতায় কানা , " হেনদা বেটা নঃঅয় দিনৗম দিন নোকো ক আবো অড়াঃকো হিজুঃ কানা। আর চেৎ কোপে চেকায়দা , আর আমহঁঞ ঞেলেৎ মেয়া দিন দিনতেম বৗড়তি ইদিয়েদা নেতারদ। আদঞ মেনেদা, বেটা নোওয়া কদ ঠিক বৗঞ মনেয়েদা, থড়া হুদিস কাতে ঞেলমে, পাসেচ্ অকাঠেন চং বাং ঠিক হোয়োঃ কানা।" নোওয়াকো কাথা আঁজম কাতে, ডুনুচ দয় এদরেয়েনা। আর আচ্ বাবাওয়াঃ কাথা মা বায় আঁজম লেৎ বরং উলটৗতে আচ বাবাগেয়ে তারধাম দারাম কেদেয়া। আরে মেতাদেয়া, "এ বা আমদ নিতেম বয়েস আকানা। আমদ জম ঞুম ঞাম লেখান গেথ হোয়না। ইনৗখন আর চেৎ এম খজঃ কানা। তাছাড়া ইঞরেন গাতে কানতিঞাকো, খৗটুওয়ায় দালে, আর মিৎবার ভাগে মনদলে জম ঞুয়েদা। অনাতে আমাঃ অসুবিধা দ অকারে। " ইনৗ পরে আপাত তেৎদ আর চেৎহঁ বার রড় লেদা । চাপচুপ থিরে তাঁহেয়েনা। নাহাঃ রেন গিদৗর থ ….।
ডুনুচ দ ওনকো গাতে সাঁও উনৗঃ এ হেড়াঘেঁসায়না আর ঞুহঁ উনৗঃ বৗড়তি লেনতায়া যে বারপে বছর রেগে চাষবাস কৗমি দয় হিড়িঞ উতৗর কেদা। উনদ মিৎ ছট বায় ঞুলেখান বায় তাঁহে দাড়েয়াঃআ। একাল দাকাগে বায় জমা। খৗলি ঞু আর ঞু। আর নংকান তাঁক রেগে ওনকো লাভটিয়ৗ গাতেদ সানাম জমি ভরনা বন্ধক কাতে কো হাতাও চাবা কেৎ তায়া। আর তেহেঞ ডুনুচ ঠেন চেৎহঁ বৗনুঃআ , একেন পৗউরৗ বতল বেগর। আর তেহেঞ দ সানাম গাতেকো আৎ চাবায়েনা। ডুনুচ দ তেহেঞ আটেৎ রে জাড়াও আকান মেনায়া। আর গুজুঃ রেয়াঃ দিনে লেখায়দা। আর নতে আচ বৗহু দিনৗমে রাগা………।
.webp)
