আবোওয়াঃ ওয়েব পেজ্, ১ আগস্ট : হলা ৩১ জুলাই হিলঃ সান্তাড়ি মিডিয়াম তে কলেজরে ভরতি রেনাঃ দৗবিয় দহ কেদা অল ইন্ডিয়া সান্তাল রাইটার্স অ্যাসোসিয়েশন্ (প.ব. চাঁগা)।
বাডায় আকানা ২০২০ সালরে পোয়লো সান্তাড়ি মিডিয়াম তে এইচ্.এস. পাশ কেৎ পৗঠুওয়ৗকো অৗডি মুহিম অক্ত রেক পাড়াও গৎ আকানা। পছিম বাংলা রেনাঃ অকারেগে সান্তাড়ি মিডিয়াম কলেজ গে নিৎ বৗনুঃ আকাদা। সান্তাড়ি মিডিয়াম তে সানা তাঁহেলেন রেহঁ কলেজ বাংতে ভরতি রেনাঃ আনাট রেক পাড়াও আকানা। ভরতি রেনাঃ আনাট লৗইতে দৗবি দ আয়মা সংগঠন সেন খনগে রাকাপ্ হিজুঃ কানা মেনতে বাডায় ঞামঃ কানা।
অনালেকাতে ওনকো পৗঠুওয়ৗকো কোওয়াঃ কাথা দিশৗ কাতেৎ যাতে সান্তাড়ি মিডিয়াম তে কলেজ রেক ভরতি দাড়েয়াঃমা আর অলচিকি আখরতে অলঃ পাড়হাওক জৗরি দহ দাড়েয়াঃমা অনা বাবদ তেগে পনৎ রেন মানতান সেচেৎ মন্ত্রী পার্থ চট্টোপাধ্যায় আর মানতৗনিয়ৗ মুখিয়ৗ মন্ত্রী মমতা বন্দোপাধ্যায় ঠেন দৗবি সাকাম অল কাতে রাইটার্স অ্যাসোসিয়েশন্ পাহটা খন জেনারেল সেক্রেটারী দ্বীজপদ হাঁসদা আর সভাপতি টি.সি. বাস্কে অনা দৗবি সাকাম কিন চাল কেদা।
.webp)
