আবোওয়াঃ ওয়েব পেজ : ঞেল্ ঞেল্তে জেগেৎ জাকাত আদিবাসী মাহা সেটেরেনা। বাডায়ঃ কানা আয়মা গাঁওতা, ক্লাব, সংগঠনক আদিবাসী মাহা মানাও সৗত সাপ্ড়াওরে মেনাঃ আকাৎ কোওয়া। তেহেঞ ঞিদৗ পারম লেন খানগে গাপা ৯ আগস্ট সেতাঃ বেড়া খনগে জেগেৎ আদিবাসী মাহা মানাও আখড়ারেক সহর সেটেরঃআ। মেনখান নেশদ কোভিড-১৯ খৗতির আয়মা লেকান সরকারি অৗনৗরি মানাও বাতাও তালাতেগে নোওয়া মাহাক মানাওয়েদা।
অনকাগে মেদিনীপুর জিলৗরে মেনাঃ তমলুক ‘রৗস্কৗ মহল’ রেন সুৎরেৎ মানতান সুরেন্দ্রনাথ মান্ডি গম্কে আবোরেন খবরিয়ৗয় বাডায় অচ আকাদেয়া বাংমা যাও সেরমা লেকাগে নেসহঁ ‘রৗস্কৗ মহল’ অৗডি মৗন মানত্ সালাঃগে তারাসিঞ ৪(পুন) টাড়াং অক্তে হেমাল ডেরারে জেগেৎ জাকাত আদিবাসী মাহা মানাও হোয়োঃ কানা। অনা গাঁওতারেনগে পারসেৎ মানতান দেবেন্দ্রনাথ হেম্ব্রম গম্কে লৗই সদর কেদায় যে সেরমা কে সেরমা তমলুক ‘রৗস্কৗ মহল’ অৗডি জাঁক জমক সালাঃ নোওয়া মাহায় মানাও অৗগুয়েদা। তবে নেশদ করোনা প্রটোকল আতেগে সানাম লেকানাঃ সৗহিজুহি আকাদায়। মানত্ আখড়ারে সানাম লেকান সরকারি অৗনৗরি মেনেৎ সোশ্যাল ডিস্টেন্স মানাও বাতাও আর সানামক মাস্ক হরঃ কাতেগে হিজুঃ হোয়োঃআ মেন্কাতে তমলুক রেন সানাম ঞেঞেলিয়ৗ আর রৗসিয়ৗ কঠেন সহর সেটেরঃ লৗগিৎ মানতান পারসেৎ গম্কে নেঁহর এ দহ আকাদা মেন্তে বাডায় ঞাম আকানা।
.webp)
