বাডায় আকানা অনা
মিছিলরে কয়েক হাজার দিশম হড়ক তাড়াম আকাদা। মিছিলরে ঞেল আকানা আয়মা হড়-হপনাঃ তিরে জৗতিয়ৗরি
সাপাপ্ সাঁওতে তুমদা-টামাক-রেগ্ড়া এমান রেনাঃ সাডে আর আর আঁজমাকানা আকোরেন কানু মুরমুওয়াঃ
মুঠৗন রৗপুদ্ রেন আসল কৗয়ধিয়াঃ যথাৎ শাসেৎ ঞাম্ রেনাঃ গারজাও আড়াং।
ঞেল্ আকানা মিছিল
এহব নাসেনাঃ তায়ম খনগে সেরমা ঝমর দাঃ জৗড়ি। এনহঁ অনা তালারেগেক মিছিল এদা,অকয়াঃ মিৎ
জাঁগাহঁ বাং হানতে নাতে আকান তাকোওয়া। মিছিল তালাখনগে অকয় কদক সদর আকাদা নোওয়াদ সেরমা
জৗড়িদ বাং কানা নোওয়াদ সিধু-কানু তিকিনাঃ মেৎ খন মেৎদাঃ জরঃ কানা।
ভারত জাকাত মাঝি
পারগানা মহলাঃ নোওয়া এদ্রে আড়াং ডেপুটেশনরে ভারত জাকাত যুওয়ৗন মহল, ভারত জাকাত পৗঠুওয়ৗ
গাঁওতা সাঁওতে আরহঁ আয়মা সান্তাড়ি সংগঠনক সেলেদ্ লেনা মেন্তে বাডায় ঞাম আকানা।
নোওয়া ডেপুটেশন
রেনাঃ মুড়ুৎ দাবিক মুদ্রে তাঁহেকানা- ১. কাদলাগোড়ারে কানু মুরমুওয়াঃ মুঠৗন রৗপুদ্
আকাৎ কৗয়ধিক তলাশ কাতে অৗডি লগন ঞেল জং লেকান শাসেৎ এম হোয়োঃমা ২. সিধু-কানু বংশধর
রেন রামেশ্বর মুরমুক গচ্ আকাদে, উনকু তলাশ উডুক্ কাতে কৗড়রৗই শাসেৎ এম হোয়োঃ মা ৩.
সরকারি ভাবতে বেনাও আকান সিধু-কানু মুঠৗন যথাৎ ভাবতে রাখাদহ বন্দেজ হোয়োঃমা ৪. সিধু-কানু
রেন বংশধরক ফুরগৗল লৗড়হৗইরেন হুলগৗরিয়ৗ শহীদ পুরিবার লেকাতে দিশম মর্যাদা এম হোয়োঃমা।
নোওয়া ডেপুটেশন রে বাঁখেড়িয়ৗ লেকাতে সেটেরক তাঁহেকানা
মহল রেন মানআন জিলৗ পারগানা বাবা রতন লাল হাঁসদা, ভারত জাকাত যুওয়ৗন মহল রেন সভাপতি
মানতান রাজেন টুডু, বাঁকুড়া জিলৗ গোডেৎ মানতান বিপ্লব সরেন, আযোদিয়ৗ বুরু ঘাট পারগানা
বাবা শ্যামচরণ মান্ডি, সাঁওতা সুসৗরিয়ৗ ডাঃ সুরজিৎ সিং হাঁসদা সাঁওতে আরহঁ আয়মা গৗখুড়িয়ৗ
গোম্কে কো।
অনা ডেপুটেশন
রেনাঃ মঞ্চ খন মহল রেন জিলৗ পারগানা বাবা রতন লাল হাঁসদা গম্কে লৗই সদর কেদা-কাদলাগোড়ারে
কানু মুরমুওয়াঃ মুঠৗন রৗপুদ্ ইদিকাতেৎ রাজঅৗরি ভাবতে লসৎ ইরচি-ইপিরচি বাং কাতে আসল
কৗয়ধি ক পাঁজা উডুক কাতে যথাৎ শাসেৎ ক ঞাম মা। যুওয়ৗন মহল রেন সভাপতি মানতান রাজেন
টুডু গম্কে লৗই কেদা- “আবোক রৗপুদ্ বন লৗগিৎ আবোতালারে রাজঅৗরি হাটিঞ চক্রান্ত চালাঃ
কানা”। অনাতে নোওয়া লৗইতে যুওয়ৗনক জুমিদঃ লৗগিৎ
রেনাঃ কাথায় লৗই সদর আৎ কোওয়া মানতান টুডু গম্কে। বাঁকুড়া জিলৗ গোডেৎ মানতান বিপ্লব
সরেন গম্কে লৗই সদর কেদা- “ আবোরেন এম. এল. এ. আর এম.পি ক যুদি বিধান সভারে আবোওয়াঃ
কাথাক ঠিকঠাক ভাবতেক লৗই সদর কেয়া এনখান আবোওয়াঃদ নুনৗ আনাটদ তেহেঞ বাং হুয় কঃআ।
মুচৗৎরে নুনৗ
ঝমর দাঃ জৗড়ি তালারেহঁ যাঁহায় হড়-হপন ক আপ্নারা কৗমি বৗগিয়াতে দিশম সাঁওতা রেনাঃ লাহান্তি
কৗমিরে ভারত জাকাত মাঝি পারগানা মহলাঃ হহতে নঁডেক সেটের লেন ওনকো সানাম কগে পুরুলিয়ৗ
জিলৗ ভারত জাকাত মাঝি পারগানা মহল পাহ্টা খন জিলৗ পারগানা বাবা মানতান রতন লাল হাঁসদা
গম্কে সানাম ক হুলসৗই সারহাও এ চাল আকাৎ কোওয়া মেন্তে বাডায় আকানা।
ভিডিও ঞেলমে 👇👇👇
.webp)
