বতর দ বাং সন্তর বোন তাঁহেনা
 |
ডাঃ সুরেন্দ্রনাথ মান্ডি
নে-হালেগে সানাম
কগে বন বাডায় গৎ আকাদা যে, কোভিড-১৯ দ চেৎ কানা। Corona virus infection disease সে খাটোতে
‘Covid’ , বাংখান ‘Corona’ মেন তেবন বাডায়া । নোওয়া আজার দ ২০১৯ সাল রেনাঃ ডিসেম্বর
চাঁদোরে চিন দিসম রেনাঃ উহান পনত্ রে পোয়লো উতৗর সামাং সদর লেনা। অনা তায়ম ধৗরতি জাকাত
রেনাঃমেন গানঃ সানাম দিসম (২০০ খনহঁ বৗড়তি দিসম) রেগে নোওয়া অতিমারি মড়ক আজারদ নিতোঃ
পাসনাও আকানা। নিয়ৗ সাসায় রে সুমুং দ বাং , পারমেন মিৎসায় সেরমা ভিত্রিরে নংকান ধৗরতি
জাকাত রে ছারাওয়ঃ (Pandemic) ঝতম খন বতরান অতিমারি / মহামারি মড়ক আজার দ আর চেৎ হঁ
বাং হোয় আকানা।
পোয়লো সেচ্ কোভিড
রেনাঃ উপসর্গ কদ বন ঞেল সে বাডায়াকাদা- খুঃ, মাঁদা, রুওয়ৗ, বহঃ হাসো আর সাঁহেৎ হাতাওরে
কষ্ট অৗইকৗও। মেনখান নাহাঃদ ঞেলঃ কানা – আজার রেয়াঃ পোয়লো সেচ্ কড়াম রে ঠেঁস্ ঠেঁস্ অৗইকৗউ,সুনুচ্
জরঃ উলৗ উলৗ অৗইকৗউ,দাঃ সেন কাঠা বাংখান পাত্লা পায়খানা, মেনমা হাজাম দাড়ে কমঃ আ।
রহড় খু , আয়মা দিন রুওয়ৗ বাংখান একাল গে রুওয়া বাং, নোওয়া ক সাঁও সাঁওতে মেৎ দাঃ জরঃ,
হড়ম হাসো, লাঁগা অৗইকৗউ, লুটি কিন লিলঃ, বহঃ ঘুর ঘুরৗঃ, আলাৎ-উলুৎ অৗইকৗউ, আলাং-মু রেনাঃ আনৗইকৗও দাড়ে ভোতড়োঃ, তাড়ামরে কাঁডেৎ মাঁডেৎ, খেয়াস
আদঃ, রেঁগেচ্ বাং অৗইকৗও , রড় রেনাঃ খি আৎ , এমান এমান কোভিড রেনাঃ লক্ষণ ক ঞেলঃ কানা। পৗহিল সেচ্দ শাষনৗলি গে করোনা
ক তাঁড়গমেৎ তাঁহেনা, নাহাঃদ মেনখান ঞেলঃ কানা
শাষনৗলি সাঁও সাঁওতে মায়াম-কুঁডি মেনমা মায়াম সারভার সিস্টেম, নার্ভাস সিস্টেম হঁকো
তাঁড়গমেদা। মেন গানঃআ জাঁহাতিনৗঃ দিন অক্ত ক পারম চালাঃ কান উনাঃগে করোনাঃ ভাইরাস আকোওয়াঃ
চৗরিত্ , ভেস্ ক পাল্টাও ইদিয়েদা।
কোভিড তে, এটাঃ
এটাঃ আজার খন তলনামূলক গুজুঃ হার দ অৗডিগে কম গেয়া, মেনখান অৗডিতেৎগে লগন উচৗড়ঃ আজার কানা কোভিড, মেনমা অৗডি লগন তে আয়মা হড় ক তাঁড়গম
দাড়েয়াকোওয়া করোনা ভাইরাস বিশেষ কায়তে জাঁহায় কোওয়াঃ হড়ম’রে আজার টেকাও দারাম দাড়ে
(Immunity) কম গেয়া। অনাতে ঞেলঃ কানা, জাঁহায় কোওয়া উমের দ জৗস্তি ঞঃ গেয়া (৬০ সেরমা
খন চেতান) আর হিনৗনিয়ৗ আজার , মেনমা বিশেষকায়তে
ক্যান্সার, ডায়াবেটিস, আঁগাস-পঁগাস রেনাঃ আজার, কিডনি রেয়াঃ আজার, নার্ভ রেনাঃ আজার, মায়াম-কুঁডি
রেয়াঃ আজার এমান তেকো লহজৗরিয়াকানা আর কড়া ডোজ রেনাঃরান ক জমেদা, ওনকো ঠেন গে সাট্
মেন্তে করোনা ক বাসাঃ কানা আর অনকান রুগি কোওয়াঃ জিউয়ি-বৗতি হঁকো ইঁড়িজ্ গৎ এদা।
মৗনমি হড়ম রে করোনা ভাইরাস বল’ কাতে ৫০ মাহা লেকা কো তাঁহে দাড়েয়াঃআ উপসর্গ ক সদর
(symptomatic) কাতেৎ আর বাংখান বাং সদর (Asymptomatic) কাতেৎ হঁ। নিত্ হৗবিচ্তে
কোভিড রেনাঃ নিরিখ রান সে টিকা দ আওরি বেনাও সাতঃ আ। খৗতির উপসর্গ ভিত্তিক গে তিকিছা
হোয়োঃ কানা। আর আয়মা রুগি গে করোনা খন ফৗরয়ৗঃ সে বেসঃ কানাক (সায়কাড়া ৯০ হিঁস্)।
কোভিড ছারাওয়ঃরে
করোনাতে তাঁড়্গম অচওয়াকান রুগিকো (symptomatic patients) খন দ Asymptomatic করোনা বাহক
কগে নিতো দ জৗস্তিকায়তে বতর । এনতে symptomatic কোভিড আন কদ তিকিছা রেনাঃ দাঁও হাতাও কাতে কো ফৗরয়ৗঃ দাড়েয়াঃআ, মেনখান
Asymptomatic মেনমা উপসর্গহীন করোনা বাহক সে গেমেরিচ্ দ নৗডরি , মু ভিত্রি রেনাঃ উলিদাঃ, সুনুচ্
(swab) পুরিক্ষা বেগর চিকাতেম বুজেয়া ? করোনা গেমেরিচ্ দ হোয় খ আচ্ দ বায় রুগি লেনা,
মেন খান আয়মা হড়ঠেন করোনায় ছুড়য়াও দাড়েয়াকোওয়া। নংকা কাতে ‘গোষ্ঠি সংক্রমন’ ডাহারতে আবো কবোন তাড়ামাকাদা। আর মিৎধাও জুদি ‘গোষ্ঠি সংক্রমন’ এহবঃ তাহলে খান চিকিৎসা পরিকাঠামো রেনাঃ অকুলিয়ৗন তে বেগর তিকিছা তেগে লাখ লাখ
ভারতীয়ৗ কবোন ভারাভাটঃআ। উপসর্গ বাং সদরান করোনা গেমেরিচ্আঃ আরহঁ নাহা বতর দ ঞেলঃ
কানা জে মিৎ/বার দিন ভিত্রিতে আচ্কাগে সাঁহেৎ রেনাঃ কষ্ট মেনমা মায়াম/আঁগাস-পঁগাস
রে অক্সিজেন হয় কম (silent hypoxia) খৗতির তে আচ্কাগে জিউয়ি বৗতি ইঁড়িজঃ কান তাকোওয়া।
অনাতে বতর দ বাং – সতর্ক রে, লোগোদ রে তাঁহেন, আর হড়ম’ রে আজার টেকাও দারাম দাড়ে বাড়হাও
তেগে আবো কো কোভিড খন সাহা রে বোন তাঁহে দাড়েয়াআ।
অকালেকারে সতর্ক–লোগোদ
রেবোন তাঁহেনা, আর হড়ম’ রে আজার টেকাও দারাম দাড়ে বোন বাড়হাওয়া, অনাক গাঁডন দ দারায়
কান মাহারে।
.webp)
