আবোওয়াঃ ওয়েব পেজ – নিয়ৗবার এইচ্.এস. রে তাক্ লাগাও রেজাল্ট
কেঃআয় পুরুলিয়ৗ বান্দোয়ান ডঃ অমর নাথ ঝাঁ হাই স্কুল খন অলংকিনী বাস্কে। বাডায় আকানা
উনিয়াঃ গুট নংম্বর দ তায় ৪৭৩ । উনি বাংলারে ঞাম
আকাদায়- ৯১, ইংরেজীরে- ৯৭, এডুকেশনরে-৯৭,ভূগোলরে-৯৭ আর ইতিহাসরে ঞাম আকাদায়- ৯১ ।
বাডায় আকনা নংকান
আউট স্ট্যান্ডিং রেজাল্ট খৗতির ঝাঁ স্কুলরে অৗডি রৗস্কৗ রেনাঃ ঝালাক্ ঞেল্ আকানা।
স্কুলরেন মাচেৎ কহঁ কুশি-,রৗস্কৗকো সদর আকাদা। বাডায়েৎ তাঁহেন গেয়াক অলংকিনী ভৗগি রেজাল্ট
আয় মেন্তে। আর অনাগে উনিদ রেজাল্ট তালাতে উদুঃ সদর কেদায়। পরমান কেদায় কুড়ি গিদৗর
কহঁ অলঃপাড়হাওতে আর তায়ম বেঞ্চ রেদ বৗনু আকাদ্ কোওয়া।
 |
| অলংকিনী বাস্কে |
অলংকিনী ঠেন খন বাডায় ঞাম এনা বাংমা উনিদ অড়াঃ খনগে
হেচ্-সেন কাতেগে স্কুলেৎ তাঁহে কানায়। অনা ফাঁকরেগে সাতাম রেন মাচেৎ ক সাঁও ভেগারতে
রপড় কান তাঁহেকানায়, অকালেকারে নাপায় রেজাল্ট দাড়েয়াঃআয় ? কুক্লি লৗইতেহঁ যাঁহা তিনরেগে
দৗড় সেন আকানায় মাচেৎ কঠেন, মাচেৎ কহঁ উনরেগে গড় আর উদ্গৗওক এম আকাদেয়া। অনা বেগর
আরহঁ পে গটাং অড়াঃ মাচেৎ গোমকে ক তাঁহেলেন তায়া মেন্তে বাডায় আকানা।
অলংকিনী ঠেন খনগে
বাডায় ঞাম এনা আয়াঃ দুলৗড় সাতাম দ তায় ইংলিশ। তায়ম দারাম ইংরেজী সাঁওহেৎ লৗইতেগে পাড়হা
আয়। সিলেবাস রেনাঃ পুঁথি বেগরহঁ অলংকিনী দ অক্তরে সান্তাড়ি পুঁথি কহঁয় পাড়হা কান তাঁহেকানা।
আয়াঃ হবি লেকাতেয় সদর আকাদা কৗহ্নি পাড়হাও । আর নোওয়াক হুডিঞ কৗহ্নি পাড়হাও তালাতে
জিয়নরে আডি শিখ্নৗৎ আর উদ্গৗও এ ঞাম আকাদা মেন্তেহঁ আবোরেন খবরিয়ৗ ঠেনে সদর আকাদা।
অলঃপাড়হা বেগর অলংকিনী খেলোডহঁ অৗডি এ কুশিয়াঃআ। আয়াঃ খেলোডক মুদ্রে ব্যাডমিন্টনগে
ফেবারিট তায়। দিনৗম লেকাগে মিৎ বেড়ায় খেল্ কান তাঁহে কানা মেন্তে সদর আকাদায়।
পুরুলিয়ৗ জিলৗ
বোরো থানা রেনাঃ কাল্লা বেড়ারে অলংকিনীয়াঃ জানাম আতোদ তায়। বাবা রামপদ বাস্কে, স্কুল
মাচেৎ আর আয়ো সন্ধিমনি বাস্কে। অলংকিনীদ কৗটিচ্ খনগে অলঃপাড়হাওরে নাপায় এ তাঁহেকানা।
আর অনারেন মুড়ুৎ কৗরিগর দকিন হোয়োঃ কানা আয়ো-বাবাগে। নোওয়া কাথাহঁ অলংকিনী লৗই সদর
আকাদায়।
অলংকিনীয়াঃ নংকান
আউট স্ট্যান্ডিং রেজাল্ট আঁজম কাতে কাল্লা বেড়া আতোরে অৗডি রৗস্কৗ রেনাঃ ঝালাক্ ঞেল
আকানা। আর নুনৗ দিন তায়ম অলঃপাড়হাওরে মিৎটাং ইপিল ক ঞেল্ ঞাম কেদেয়া মেন্তে গরব হঁক
আটকার এদা। বান্দোয়ান আতো মাঝিবাবা পাহ্টা খন দুলৗড়, অৗশীষ আর সারহাওক চাল আকাদেয়া
মেন্তেহঁ বাডায় আকানা। এলাকারেন শিখ্--নৗতিয়া,সুসৗরিয়ৗ আর গুনীজন কঁহ নংকান রেজাল্ট
খৗতির দুলৗড়,অৗশীষক চাল আকাদেয়া।
.webp)
