অলপড়নরে বিরহড় হপনকো
 |
ডঃ জলধর কর্মকার
|
নায়কে মঙ্গল চন্দ্র
সরেনাঃ ‘জমসিম বিন্তি’ ধরম পুঁথি ঞেলা- হড় হপন,মাহ্লে, মুঁডা, দেশওয়ালি, কোল, কড়া,
ওরাঁও, গোন্ড,বিদিয়া,ভিল এমানকো সাঁও বিরহড় হঁ মিৎ জৗতিরেগেক তাঁহে কানা। আযোদিয়ৗ বুরুরে
সান্তাড়, মুঁডা খন অৗডি সেদায় যুগ্রে যাযাবর লেকা কো দাঁড়ান কান তাঁহেন। অষ্ট্রিকজৗতি
খন কো সিরজৗও আকান নোকোদ অষ্ট্রো-এশিয়াটিক ভাষা বংশরেন হড়। মিৎ অক্তে বির বুরু দাঁধের
গে তাঁহেলেনা নোকোওয়াঃ থৗয়িথিতি ঠাঁও। ১৯৬০ সন্রে পছিম্ বাংলারেন মুন্ত্রী ভূপতি
রঞ্জন মজুমদারাঃ কুরুমুটুতে বাগ্মুন্ডি ব্লক রেয়াঃ ভূপতি পল্লীরে নোকো লৗগিৎ আবাসন
কো আৎকো তাঁহেন। নিত্ নোওয়া পুরুলিয়ৗ জিলৗরে তি-লেখা ভূপতি পল্লীরে ৬৯ গটাং পুরিবার,
আযোদিয়ৗ বুরু লাপাঃ বাড়েরিয়ৗরে ১৮ গটাং পুরিবার, বলরামপুর থানা রেয়াঃ বেড়শা আতোরে ১০
গটাং পুরিবার আর ঝালদা -১, ডাকাই এলেকারে ৫ গটাং পুরিবার মেনেৎ লেখা গুট ১১১ গটাং পুরিবাররে
৩৮১ জন বিরহড় গিরৗবাসি কাতে মেনাঃ কোওয়া। নেবেতার মিৎ বার হোড়ো-হেড়ে রহয় করেক কৗমিকান
রেহঁ মিৎ অক্তে বিরবুরু রেয়াঃ জ-বেলে, নৗড়ি, সাকাম, বিরহাঁসের-বাঁওলা, রান-মুরগৗন আকরিঞ
আর সেঁদ্রা-কারকা তালাতেগে জিয়ন কো খাঁডাও এৎ তাঁহেন।
বিরহড়কো মুদ্রে
২০০৯ সালরে শুশুনিয়া একলব্য মডেল হাই স্কুল খন বিনিড কিন পাশ লেদা কাঞ্চন শিকারি আর
সীতারাম শিকারি। তায়মতে এইচ্.এস. হঁকিন পাশ আকাদা। সীতারাম দ বলরামপুর খন ২০১৫ সালরে
বি.এ. পুরিক্ষায় এম লেৎ রেহঁ মিৎ ধাও এ ঘল্টাও এন খৗতির আর বিনিড গে বায় এম লেদা ।
 |
| জবা শিকারি |
আর বিরহড় তিরলৗকো
মুদ্রে জবা শিকারি আর জানকি শিকারি নিৎদ অলঃপাড়হাওরে পছিম্ বাংলা রেন আইকন। জবামৗই
দ নেশ ২০২০ মাধ্যমিক বিনিড রে ২৭৪ নংম্বর ঞাম আকাদায়। আপাৎ মঙ্গলদ বানু গেয়া। জানাম
আয়ো মঙ্গলী সাহান সাকাম আখরিঞ কাতে মৗইদয় হড়ে কানা। মারাং কাতে জবাদ নার্স এ বেনাঃ
আ- নংকাগে কুক্মু তায়।
 |
| জানকী শিকারি |
আর মিৎ তিরলৗ
জানকী শিকারি ২১৭ নংম্বর ঞাম কাতে নেশ এইচ্.এস.বিনিড এ পাশ কেদা। আচ্ বাবা ভোলানাথ
আর আয়ো টুরি শিকারি বির-বুরুরে কৗমি কাতে তালা জানকী আর রত্নি বার হপন এরা কিন পাড়হাও
এৎ কিনৗ। রত্নিয়াঃ রেজাল্ট নিৎ হৗবিচ্ ওয়েব সাইট্ রে আওরি ফোটেলঃআ, ৩১ জুলাই বুজ্
ঞামঃআ। নোকো সানাম কগে নেশ বাগ্মুন্ডি ব্লক আযোদিয়ৗ বুরু লাপাঃরে ধসকা পন্ডিৎ রঘুনাথ
মুরমু আদর্শ আবাসিক বিরদৗগাড় খন বিনিডকো এম লেদা। জানকী দ মারাং কাতে মাচেতানি বেনাঃরেয়াঃ
সানাঃ তায়।
গটা ভারত দিসম
রে আদিম আদিবাসী ( Primitive Group) মেনাঃ কোওয়াঃ ৭৫ গটাং । ওনকো মোদ্রে আবো পছিম বাংলারে বিরহড়,টোটো আর লোধা
শবর নোকো পেয়া থক্রেন হড়দ আদিম আদিবাসী মেনতেক লেখাঃআ সরকারী পরিভাষা লেকাতে। বুরু
ঞুতুম তেগে নোকোরেন সানাম বঁগাবুরু – যেলেকা চেন্ট বুরু, কুকুবুরু, মাঠাবুরু, কাশিবুরু,
কুহুক বুরু, লুগু বুরু,অঁড গাড়,উলদা,পড়দাঃ এমান । অৗডি লগন নোকোদক আৎ ইদিকানা। এটাকো
লেকা বংশবুদৗ বাং বৗড়তি কান তাকোওয়া যে কন্হ
জিনগত অজেতে। মেনখান এনেচ্ সেরেঞতে হড় হপন লেকা অৗডিগেকো কিঁষৗড়া। জবা, জানকী,রত্নী
বিরহড় দং, লাগড়ে,পাতা সানাম এনেচ্ সেরেঞকো বাডায়া। নোকো কোওয়াঃ মার্শালতেগে বিরহড়
সমাজ লাহাসেচ্ চাচো চালাঃ কানায়।
.webp)
