আবোওয়াঃ ওয়েব পেজ্ – ৩০শা জুন হুলমাহা ঞিদৗগে পুরুলিয়ৗ জিলৗ মানবাজার
থানা রেনাঃ কাদলাগোড়া আতোরে অকয় কুমুনিয়ৗ চং সিধু-কানু মুঠৗনক রৗপুদ্ গিডি কাদা। সেতাঃ
বেড়া এলাকারেন হড় নোওয়া ঞেল কাতেগে এদ্রে এলাংক সদর আকাদা। ইনৗ তায়ম থানারে সেন কাতে
লৗলিশ হঁক লৗলিশ আকাদা।
নঁতে পুরুলিয়ৗ
জিলৗ ভারত জাকাত মাঝি পারগানা মহল আর ভারত জাকাত যুওয়ৗন মহল নোওয়া ঘটন বাডায় কাতে অৗডি
আঁটক গারজাও এনা। আর ঘটন রেনাঃ অৗডি আঁটক নিন্দা আকাদা। বাডায় আকানা অনালাকাতে হলা
সৗরদি মাহা ভারত জাকাত মাঝি পারগানা মহল পাহ্টা খন মানবাজার এস.ডি.ও.অফিস আর থা্নারে
ডেপুটেশন তালাতে নোওয়া ঘটন রেনাঃ রড়দারাম সাকামক চাল কেদা। আর মঁড়ে মাহা ভিৎরিতে উনকু
কুমুনিয়ৗ রৗপুদিয়ৗক পাক্ড়াও রেনাঃ দৗবি হঁক দহ আকাদা। বাংখান উনরে আরহঁ জোরদার আঁদোড়
রেক আঁড়গনা মেন্তে হুমকি হঁক এম আকাদা।
আরহঁ নঁতে বাডায়
আকানা ভারত জাকাত যুওয়ৗন মহল পুরুলিয়ৗ জিলৗ ডি. এম. ঠেন রড়দারাম সাকাম তালাতে নোওয়া
ঘটন রেন রৗপুদিয়ৗক লগন পাক্ড়াও রেনাঃ দৗবিক দহ আকাদা। আর বাংখান যুওয়ৗন মহল অৗডি মারাং
আঁদোড় রেক আঁড়গনা। পুরুলিয়ৗ জিলৗ কুমুটরেন সভাগমকে আবোরেন খবরিয়ৗ ঠেন লৗই সদর আকাদা
– “নোওয়া ঘটন ইদিকাতে প্রশাসনিয়ৗ অৗডি লগন স্টেপ বায় হাতাও লেখান পুরুলিয়ৗ শাহারলে
আটক উতৗরৗ। আলে নোওয়া ইদিকাতে জিলৗরেন আরহঁ গাঁওতাক সালাঃ সানাম লেকানা যোগাযোগলে দহ
ইদিয়েদা।”
যাঁহা সান্তাড়
ফুরগৗল লৗড়হৗইরে ৩৩ হাজার হুলগৗরিয়ৗক শহীদ আকানা। অনা আন্দোড়িয়ৗরেন বিরৗদৗলি কিন তাঁহে
কানা সিধু-কানু। ১৮৫৫ জুন খন ১৮৫৬ সাল রেনাঃ ফেব্রুয়ারি চাঁদ ধৗবিচ্ নুনৗ অক্ত আতে
আর অকা ফুরগৗল লৗড়হৗইগে বাং জৗরি তাঁহেকানা। ভগ্নাডি খন কলকাতা যঁশকাতে মিৎ হরতে নুনৗ
জেলেঞ তাড়াম আর অকা ফুরগৗল লৗড়হৗইরেগে বাং হোয় আকানা। উমিন মারাং আন্দোড়রেন বীরবান্টাহা
মুঠৗন রৗপুদ্ যুওয়ৗন মহল অকা লেকাতেহঁ বায় মানাও তাঁহে দাড়েয়াঃআ। যুওয়ৗন মহলআঃ দৗবি-
আলে আদিবাসী কান তেলেগে নংকা কাতে ফুরগৗল লৗড়হৗইরেন হুলগৗরিয়ৗ কোওয়াঃ মুঠৗন রৗপুদ্
আর অপমান হোয়োঃ কানা। নোওয়া বিরুদ্রে যুওয়ৗন মহল লাড়াঃআয় আর লাড়াওনা রেগে তাঁহেনায়
মেন্তে যুওয়ৗন মহল পাহ্টা খনক লৗই সদর আকাদা।
.webp)
