(পৌল হাটিঞ)
আবোওয়াঃ ওয়েব পেজ- ধৗরতি জাকাত মিৎ লেকান বতরান আজার আর দিশম জাকাত লক্ আর আনলক্ ডাউন তালারেহঁ আয়মা জায়গারেগে যাও সেরমা লেকাগে হুলমাহাক মানাও আকাদা। তবে অনকান আয়মা জায়গারেগে নেশদ কোভিড-১৯ খৗতির সরকারি অনুমতি সে সোর-সোপোর প্রশাসনিয়ৗহাঃ সম্মতি হাতাও কাতে আর সরকারি নেয়াম সোস্যাল ডিস্টেন্স মানাও-বাতাও কাতেগে নেশা হুলমাহাক মানাও কেদা মেনতেগে বাডায় আকানা।
 |
| বান্দোয়ান সান্তালি লিটারেরি ফোরাম |
সরকারি ভাবতে আয়মা জিলৗরে, বে-সরকারি ভাবতেহঁ আয়মা রাজঅৗরিদল আয়মা জায়গারে, আয়মা টঠারে ক্লাব, গাঁওতা, মাঝি পারগানা মহল, যুওয়ৗন মহল লেকান আয়মা সংগঠনগে হুলমাহাক মানাও আকাদা আর বীরবান্টা সিধু-কানু মুঠৗন রে বাহামালা আরাও কাতে উনকিন লৗগিৎ উইহৗর আঁজলেক চাল কেদা। আরহঁ বাডায় আকানা অকয়কদ অড়াঃরেগে অৗডি মানত্ আতে সিধু-কানু তৗকিন জোহারক চাল আৎ কিনৗ। অনা বেগর বেশ কিছু জেগেদ্ বিরদৗগাড় করে খন অন লাইনতে হুলমাহা মানাও আর হুলমাহা বাখ্রা গাপালমারাও আখড়াক সাপ্ড়াও লেদা।
তবে নেশদ কোভিড- ১৯ খৗতিরগে আয়মা হুলমাহা মানত্ আখড়ারেগে যাও সেরমা লেকা হুলমাহা বাখরা লাকচার আখড়াকদ অনকা মাছা বাং ঞেল ঞাম আকানা। তবে সান্তাড়হুল সে হুলমাহা বাবদ্ গাপালমারাও আর তজ্বিজ্ রেনাঃ আখড়া কহঁ আয়মা জায়গা করে খনগে লাইভ প্রোগ্রাম তালাতে সোস্যাল মিডিয়া রেহঁক পারশাল আকাদা।
আবোরেন খবরিয়ৗ যাঁহা করে খন হুলমাহা মানাও আখড়া রেনাঃ সাঁদেশ কয় ঘেঁট পটম আগুওয়াকাদা অনাকগে আপে সানাম কঠেন সাদ্লে হোয় এনা-পছিম্ বাংলা পনৎ রেনাঃ আয়মা জিলৗ করেগে হুল মাহা মানাও হুয় আকানা। বিশেষ কায়তে জঙ্গল মহল জিলৗ করে মেনেৎ পুরুলিয়ৗ,বাঁকুড়া, ঝাড়্গ্রাম,পছিম্ মিদিনপুররে আয়মা আয়মা টঠারে হুলমাহা মানাও হুয় আকানা। অনাবেগর বীরভূম,বর্ধমান, পুরুব মিদিনপুর উত্তর আর দাখিন দিনাজপুর, হাওড়া,হুগ্লী, কলকাতা জিলৗ করেহঁ আয়মা আতো-টলা, শাহার-বাজার করে হুলমাহাক মানাও আকাদা।
 |
| কান্টাডি 'সনত্ তারাস' ক্লাব |
বাডায় আকানা পুরুলিয়ৗ জিলৗরেনাঃ বলরামপুররে সরকারি ভাবতে হুলমাহা মানাও আকানা। অঁডেনাঃগে খেরওয়াল গাঁওতা আর আদিবাসী অধিকার মঞ্চ, আদিবাসী ও লোকশিল্পী পাহ্টা খন হুলমাহা মানাও আকানা। বাডায় আকানা খেরওয়াল গাঁওতা হুলমাহা আখড়া খন ডঃ জলধর কর্মকার আঃ সাপ্ড়াওতে ‘রায়বার’ পাথাম উছৗন আকানা। আড়শা থানারে মেনাঃ কান্টাডি ‘সনত্ তারাস’ ক্লাব রেহঁ যাও সেরমা লেকাগে হুলমাহাক মানাও আকাদা। বান্দোয়ানরে পুরুলিয়ৗ জিলৗ সান্তালি লিটারেরি ফোরাম আর বান্দোয়ান ষোলোআনা পাহ্টা খন হুলমাহাক মানাও আকানা। লিটারেরি ফোরাম হুলমাহা আখড়ারে সেটেরক তাঁহেলেনা পুরুধুল অনলিয়ৗ মানতান গোমস্তা প্রসাদ সরেন, মানতান কলেন্দ্রনাথ মান্ডি, মানতান মহাদেব হাঁসদা সাঁওতে আরহঁ আয়মা মৗনান পেড়াক। বান্দোয়ান সোর কায়রা চাঁপাকিয়ৗ ক্লাব পাহ্টা খন অৗডি মারাং মিছিল আতে অৗডি জাঁকজঁমক সালাঃ হুলমাহাক মানাও আকাদা মেন্তে বাডায় আকানা।
পুরুলিয়ৗ জিলৗ সিধো-কানহো-বিরসা জেগেদ্ বিরদৗগাড়খন ওয়েব সাইট তালাতে হুলমাহা মানত্ আখড়াক সাপ্ড়াও লেদা নোওয়া আখড়ারে মারাং পেড়া লেকাতে মানতান মহাদেব হাঁসদা সাঁওতে নেঁওতা পেড়া লেকাতে মানতান যোগেন্দ্রনাথ মুরমু গম্কে তৗকিন লাইভ রিকিন তাঁহেলেনা। আখড়া চাচালাওয়িচ্ দয় তাঁহেকানা প্রফেসার শ্রীপতি টুডু গমকে। অনাবেগর কাশীপুর মধূসুদন কলেজ পাহ্টা খনহঁ অন লাইনতে হুলমাহা মানাও আখড়াক সাপ্ড়াও লেদা।
(নওয়া তায়ম দশার হাটিঞরে)
.webp)
