(দশার হৗটিঞ)
আবোওয়াঃ ওয়েব পেজ- পুরুলিয়ৗ জিলৗ রেনাঃগে নিতুড়িয়ৗ থানারে মেনাঃ ভুসকু তরুন সংঘ হুলমাহাক মানাও কেদা। তরুন সংঘওয়াঃ কুরুমুটুতে ইনাঃহিলঃ সিধু-কানুওয়াঃ মুঠৗনক উঢৗও কেদা। অনারে সেটেরক তাঁহেকানা রঘুনাথপুর বিধান সভা রেন বিধায়ক মান তান পূর্ণচন্দ্র বাঊরী, ভারত জাকাত যুওয়ৗন মহল রেন সভাপতি মানতান রাজেন টুডু,মুলুক পারগানা সুনীল কিস্কু আরহঁ আয়মা মৗনান পেড়াক। সাঁতুড়িয়ৗ রেনাঃ লিদিয়াম রেহঁ আতো ষোলোআনা কুমুট পাহটা খন ইনাঃ হিলঃগে সিধু-কানুওয়াঃ মুঠৗনক উঢৗও কেদা মেন্তে বাডায় আকানা। তেলকুপি বারণী ঘাট কুমুট পাহটা খনহঁ হুলমাহাক মানাও আকাদা। বাডায় আকানা বীর বিরসা মেমোরিয়াল ক্লাব পাহ্টা খনহঁ অৗডি মানত সালাঃ হুলমাহাক মানাও কেদা।
 |
| ঝাড়গ্ৰাম মামড়দা হুলমাহা রেনাঃ চিতৗর |
ঝাড়গ্রাম জিলৗ জামবুনি থানা রেনাঃ মামড়দা আতোরে পৗঠুওয়ৗ বৗবু-মৗইক আতে অৗডি মানত সালাঃ হুলমাহাক মানাও কেদা। নোওয়া হুলমাহা আখড়াড়ে সেটেরক তাঁহে কানা মানতান বৈদ্যনাথ হাঁসদা, দুবরাজ মুরমু, বৃন্দাবন মুরমু এমান গম কেক।
বাঁকুড়া রেনাঃ কাটিআম আদিবাসী তিন তারা ক্লাব রেহঁ কৗটিচ্ কৗটিচ্ বৗবু-মৗই তেক আতে হুলমাহাক মানাও আকাদা। পছিম মিদিনপুর পিংলা মুলুক রেহঁ অৗডি জাঁক জমক সালাঃগে হুলমাহাক মানাও আকাদা।
নঁতে পুরুব মিদিনপুর জিলৗ রেনাঃ কাঁথি বাজাররে আরশাল সিরজৗও গাঁওতাহাঃ কুরুমুটুতে হুলমাহা মানাও আখড়াক সাপ্ড়াও লেদা। আখড়ারে মানতান বিশ্বলক্ষণ সরেন, গোবিন্দ মুরমু সাঁওতে আরহঁ সাঁগে রৗসিয়াক সেটের তাঁহেকানা।
 |
| তমলুক রৗস্কৗ মহল হুলমাহা রেনাঃ চিতৗর |
অনা জিলৗ রেনাঃগে তমলুক রৗস্কৗ মহল যাও সেরমা লেকাগে নেশহঁ সরকারি আইন মানাও-বাতাও তালাতে অৗডি মানত্ আতে হুলমাহাক মানাও্ কেদা। হুল মাহা আখড়ারে স্যানিটাইজার, বিন গনংতে মাস্ক হৗটিঞ, থার্মাল স্ক্রিনিং রেনাঃহঁ বন্দেজ্ তাঁহে কানা। আখড়ারে মানতান দেবেন্দ্রনাথ হেম্ব্রম, মানতান সুরেন্দ্রনাথ মান্ডি সাঁওতে আরহঁ আয়মা মানান পেড়াক সেটের তাঁহেকানা।
নঁতে যাদবপুর বিশ্ব বিদ্যালয় খনহঁ ৩০শা জুন সান্তাড় হুল দিশৗ রুওয়ৗড় লৗইতে বার মাহা রেনাঃ সেমিনার অন লাইন তালাতেক সাপ্ড়াও লেদা নওয়ারে সেলেদ্ক তাঁহেকানা যোগেন্দ্রনাথ মুরমু, ডঃ মেরিন কেরিন, ডঃ নিশান্ত চোকসি, মহাদেব হাঁসদা, শিবু সরেন, রুবি হেম্ব্রম, ডঃ মেরুনা মুরমু আর ডঃ রেজিনা হাঁসদা। আখড়া দকিন চাচালাওলেদা ডঃ রাহি সরেন আর ডঃ নীলাঞ্জনা দেব।
বাডায় আকানা বাংলাদেশ দিশম দিনাজপুর জিলৗ রতনপুররেহঁ অৗডি জাঁকজঁমক সালাঃ হুলমাহাক মানাও আকাদা।
.webp)
