আবোওয়াঃ ওয়েব পেজ্ – দিশম জাকাত কোভিড-১৯ আর লক ডাউন খৗতির
গে বাডায়ঃ কানা ১৩৮ দিন তায়ম ২০২০ সাল রেনাঃ
মাধ্যমিক রেজাল্ট অডোক এনা। নোওয়া মাধ্যমিক রেজাল্ট দ আর জৗতি কো যেলেকা নজর সে তাঁগিতাড়াঃ
রেক তাঁহেনা অনকাগে সান্তাড় সমাজ রেন আয়মা পৗঠুওয়ৗ বাবু-মৗই তেকো আর আকোরেন গ-বাবা
সাঁওতে শিখ্নৗত্ দরদিয়ৗ কহঁ তাঁগিতাড়াঃ রেকো তাঁহেন কানা। নোওয়াক চিতৗর নিত্দ হাঁডে-নাঁডে
সানাম জায়গা করেগে ঞেলঃ গঃ কানা। সান্তাড় সমাজ রেহঁ অৗকিল আহ্লা রেনাঃ ঝালাক ঞেল্
গৎ আকানা। পৗঠুওয়ৗ বাবু-মৗই তেকো চেতান আকোরেন গ-বাবা কোওয়াহঁ মিৎ লেকান দায়িত্ব হেচ্
আকানা সে চেত্না বল আকানা। কাথারেগে মেনাঃআ সেচেৎ গে আগুয়ায় চেত্না। আর ২০২০ সাল
রেনাঃ মাধ্যমিক রেজাল্ট ঞেল কাতে, অনা রেনাগে মিৎ ঝালাক্ কানা মেনতে আয়মা হড়াঃগে আয়-উমৗন
হোয়োঃ কানা।
 |
| চয়নিকা মুরুমু |
নেশাঃ রেজাল্টদ
কোভিড-১৯ খৗতির গে নাসেনাঃ ভেগার ঞঃ তে এম হোয় এনা, জাঁহারেদ পৗঠুওয়ৗক সাঁও সাঁওতেগে
মার্কশিট, সার্টিফিকেট সাঁওতে আর আর কাগজ কহঁ ক ঞাম এৎ তাঁহে কানা। মেনখান নিয়ৗবার
দ রেজাল্ট সুমুং গে আর অনাহঁ অন লাইনতে। মার্কশিট, সার্টিফিকেটক ঞামা ২২ আর ২৩ জুলাই
হিৎ হিলঃ। অনাতে আতো অড়াঃ রেন আয়মা পৗঠুওয়ৗ কগে হাঁডে-নাঁডে দৗড় বাড়া কাতেৎ নিৎহঁ আকোওয়াঃ
রেজাল্ট ভৗগি ভাবতে বাংক বাডায় দাড়েয়াকাদা মেনতে আবোরেন খবরিয়ৗয় সদর আকাদা। এনহঁ নিত্
ধৗবিচ্ যাঁহা তিনাঃ গান তুমৗল ঞাম আকানা অনা কগে সদর হোয় এনা,
 |
| কিশলয় সরেন |
বাডায় আকানা বিনিড
রেনাঃ অরজ রে পর্ষদ পাহ্টা খন যাঁহা ১০ আনাঃ ঠাঁও হামেটান কোওয়াঃ ঞুতুম বাঁখেড়ঃআ অনারে
ঠাঁও এ ঞাম আকাদা চয়নিকা মুরমু। উনিয়াঃ গুট নাম্বার দ ৬৮৩, মুর্শিদাবাদ রেনাঃ বেলডাঙ্গা
প্রণবানন্দ বিদ্যাপীঠ খন। কৃষ্ণ মুরমু-৬৬৯, বাঁকুড়া সারেঙ্গা এম.এস.বিদ্যাপীঠ খন। ঝাড়গ্রাম
গিধ্নী এলোকেশী হাই স্কুল খন মন্দিরা মুরমু ৬৫১। কিশলয় সরেন-৬৩৮,পূর্বমেদিনীপুর কাঁথি
মডেল ইন্সটিটিউট। বিক্রম সরেন-৬৩৬। ঞুতুমান সেরেঞ কৗরিগল্ লাংতিতি কিস্কু -৬২৮, উত্তরদিনাজপুর
জেলা মিলনময়ী গার্লস হাই স্কুল। সারিনা হাঁসদা ৬১৮, পূর্বমেদিনীপুর কাঁথি হিন্দু বালিকা
বিদ্যালয়। চিত্ত হেম্ব্রম -৫৫০ পুরুলিয়া নপাড়া হাই স্কুল খন।
 |
| লাংতিতি কিস্কু |
নতে সান্তাড়ি
মিডিয়াম খন পোয়লো ঠাঁও এ ঞাম আকাদা বাঁকুড়া জেলা চাঁদড়া কল্যান সংঘ হরিজন হাই স্কুল
খন বুদ্ধদেব মান্ডি-৫৭৭ আর অনা স্কুল খন গে দশার ঠাঁও এ ঞাম আকাদা জয়দেব মাঝি-৫৫৮।
সাহেব রাম মান্ডি-৫০৭, সিতানাথপুর এস.এস. হাইস্কুল খন।ঝাড়গ্রাম জেলারেনাঃ ধনিয়াসোল আদিবাসী হাই স্কুল খন বাসন্তী হেম্ব্রম-৪৯৩, অনা স্কুল খনগে কানহাই টুডু- ৪৬৭, বেলপাহাড়ী এস.সি হাই স্কুল খন সর্বেশ্বর সরেন-৪৫৮। পুরুলিয়া জেলা বান্দোয়ান আর.এন.সি. বিদ্যাপীঠ
খন জাঁহায় ক সান্তাড়ি পোয়লো ভাষা তাঁহেলেন তাকোওয়া আর অনা সাতাম চেতান লেকাতে ঞাম নংম্বর
তাকো-বিরমান মান্ডি-৭৭, সিলি হাঁসদা-৬৯, রিলামালা মান্ডি-৬৪ ।
সানামগে নোকো
পৗঠুওয়ৗ বাবু-মৗই তাকো অৗডি অৗডি সারহাওক চাল আকাৎ কোওয়া মেনতে বাডায় আকানা।
নতে আরহঁ সেচেদ্
দপ্তর পাহ্টা খন বাডায় আকানা গাপা ১৭ জুলাই উচ্চ মাধ্যমিক রেনাঃ রেজাল্ট হঁ উছৗনঃআ।
তবে নুকুহঁ মার্কশিট, সার্টিফিকেট দক ঞামা দারায় কান ৩১জুলাই মুদ্রে।
.webp)
