জিয়ন রেনাঃ গনং বাঞ্চাও তাঁহে রেদ বাং , গুনৗন কৗমিরে
-সুরেন্দ্রনাথ মান্ডি
গুনান কৗমি কদ
অনাকগে, জাঁহা কদ আপনারাঃ সুমুং লাহান্তি দ বাং – সংসার,সমাজ,দিসম লাহান্তিরে গড়য় এম্।
কৗমি-কৗসনি রেগে মৗনমি জিয়ন রেনাঃ গনং দ তুলৗপৗইলৗআ। আয়মা সেরমা বাঞ্চাও তাঁহেন রেগে
জাঁহায় মৗনমি ‘গুনৗন কৗমি’এ-কৗমি দাড়েয়াআ অনকা দ বাংআ, কম সেরমা বাঞ্চাও তাঁহে তেহঁ ‘গুনান কৗমি’ রে বাং জাঁগেঃ
আ।
নোওয়া ধৗরতিপুরিরে সুবুৎ সুবুৎ মৗনমি কো জানামঃ কানা,জাঁহায়
কদ শায় সেরমা খন হঁ বৗড়তি বাঞ্চাও কো তাঁহেয়াকানা। মেনখান আকোওয়াঃ নোওয়া জেলেঞ বাঞ্চাও
তাঁহেনরে আকোওয়া অড়াঃ সংসার সুক্-সুলুক নাপায় দহ কৗমিরে লৗবাধিয়ৗউ কো তাঁহেন নংকান
মৗনমি কদ গুরুঃ সাঁও সাঁওতে অৗডি লগন গেকো হিড়িঞঃআ। আরহঁ নংকান মৗনমি নোওয়া ধৗরতিপুরি
রেকো জানামাকানা সে কো জানামঃআ,জাঁহায় কদ অৗডি কম উমের রেকো গতওয়াকানা, মেনখান সমাজরে,
দিসমরে ঞুমানাঃ কৗমি কো কৗমিহটওয়াকাদা সমাজ- মৗনমি কোওয়াঃ নাপায় অচয়রে, মেনমা সাঁওহেৎ,লেগ্চার,
সাঁড়েস চারচায়রে, নাওয়া নাওয়া সিরজন রে,সসনঃ রেনাঃ চাকা গুড়কৗউ লাহায়রে জিওয়েৎ ভর্
জহড় কো তাঁহেয়াকানা। নংকান কদ হড়-হড়মতে বাঞ্চাও বাংকো তাঁহেন রেহঁ, যায়যুগ মৗনমি কোওয়াঃ
অন্তর মনে ভিৎরিরেদ বাঞ্চাও গেকো তাঁহেনা।
অক্তরেনাঃ বেড়হায়
তলনাতে মৗনমি কোওয়াঃ বাঞ্চাও অক্ত; মেনমা ‘আয়ুকাল’ দ নিহৗৎ গে কম গেয়া। অনাবেগর মৗনমি
জিউয়িদ সারু সাকাম দাঃ লেকা টল’মল, তিনরে দুঁড়ুচ্ গদঃআ অহম লৗইকেয়া। তিস করে চং জিয়নরে
সেরমা পারমঃ,চাঁদো পারমঃ, মাহা পারমঃ, অক্ত পারমঃ –জিয়ন তাড়াম ডাহার অৗডি লগনগে মুচৗদ্
গদঃআ। অক্ত বায় তাঁগিয়া। অনাতে মিৎ ডঁডেক হঁ অক্ত নাপায় কৗমিরে বাং লাগাও কাতে হেঁহোলঃ
কাতে তাঁহেন --- আপ্নারাঃ, আপ্নার সংসার সুমুংরে
সুক্, নাপায় কৗমিরে জহড় তাঁহেন সুমুং দ বাং; সমাজ লাহান্তি লৗগিৎতে,দিসম তরাও লৗগিৎতে
দাড়েয়াঃ ভর্ কৗমিরে সানাম মৗনমি কোওয়াঃ গে লাবাধিয়ৗউ লেক্ কানা। অনা গুনৗন কৗমি কদ যাঁহাতিন উডিচ্
গে হোয় অচওয়ান সে – জিয়ন- সংসার – সমাজ- দিসম লাহান্তিরে অনা করেনাঃ গনং অসাম্ভেড় গেয়া।
জানাম লেনখান
গুজুঃ মা হোয়োঃ গে, খান চেদাঃ সমাজ রেয়াঃ দিসম রেয়াঃ গুনৗন কৗমিরে জপড়াও বাংবো তাঁহেনা?
.webp)
