হুডিঞ মাছা কৗহনি
কুড়ৗই
 |
| নিকোলাস মারানডি |
মেৎ মারসাল বাংতে শিবু আর সাকরো দ অৗকিনরেন গিদরৗ রাজু , মঁজতে অলঃ পাড়হাও রেয়াঃ কিন গটা আকাদা । আর রাজুহঁ মনে লাগাও কাতে গেয় পাড়হাও লেনা । আর নিতদ উনি অল পাড়হাও কাতে সরকারি অফিসরে লৗটু অফিসারে হোয় আকানা । অনাতে শিবু আর সাকরো দ গরব আতে কিন মেনা , " আলাং আঃ কুকমু দ তেহেঞ পুরন আকানা । "
সরকারি অফিসার মেন্তে কাথা । রাজু দ আচ লেকান মিৎ অলঃ পাড়হাও আর চেহরা চৗকরিয়ৗন কুড়ি গেয়ে বাপ্লা কেদেয়া । অনাতে আতো অড়াঃরে বাং তাঁহে কাতে শাহার বাজার রেগেকো বাসায়েনা । নতে রাজু আচ্ গগ বাবা দ অৗনৗড়ি শাহার রে তাঁহেন অকালেকা চং গেকিন অৗইকৗউআ ।
আচকাগে মিৎদিন রাজু আঃ চৗকরি ঠাঁই বদলেন তায়া । অনাতে জুরী পৗরি কিন আপান অৗপিন এন সাঁওতে , গগ- বাবাহঁ মিৎ এটাঃ জায়গা রেকিন সেটের এনা । ঞেল এদাকিন অঁডে অৗকিন লেকান আয়মা হাড়াম বুডহি মেনাঃ আকাত কোওয়া । ঞেল কাতে কিন হাহাড়ায়েনা । আর বুজ হঁ কিন বুজ কেদা । আদ মেৎ দাঃ জর কাতে শিবুদ আচ্ রেন জুরি তায়ে মেতায় কানা " বাবু হড় লেকা হড় বেনাও রেয়াঃ যথাত্ কুড়ৗই দলাং ঞাম কেদা” ।
.webp)
