(হুডিঞ
মাছা কাহ্নি)
হাকো উতু
-- জ্যোৎস্না সোরেন
নালহা তুমৗল জম হড় ঠেনদ হাকো উতু য়াতে দাকা জমদ বিলৗসিতৗ লেকা ৷ পরব পৗল করে গে হাকো দাকা আর জিল দাকাদ ৷ অনাহ হানে যাঁহা তিস করে হিড়িঞ আদঃআ জম রেনাঃ স্বাদ সুয়ৗদ ৷
চুনৗরামাঃ হুডিঞ ঘারঞ্জ রেহঁ জম ঞু তেদ আডিতেৎ গেক রেঙ্গেচ গেয়া ৷ নেতার হ মাতকম লাঠে, বাওলা, কেদো আড়াঃ তালে খির, এমান ক আতে লাচ রেঙ্গেচ ক মেটাও গেয়া ৷ ডৗহি আর বৗদ্ হাসা মেসা কাতে মিৎ বিঘৗ লেকা হাসা তায় ৷ অনাহ বর্গা হাসা বৗয়হৗড় দ ৷ হানে বাবু কওয়াঃ হাসা গড়ম বাবায় চাষ কেয়া সেদায় বিদৗল খন ৷ আদ হাসা অৗইন লেকাতেগে অনা বর্গাদার হাসা রেগে যা উডুচ আন্টাঃ কুড়ৗঃ আর্জাও হোড়ো তেগে তুরুই চান্দো গান মৗডি দাকা রেনাঃ মেৎহাও ক ঞেলা !
আদ, আষাঢ় রেনাঃ দাঃ দিন পাড়হাও এনখান চুনৗরাম দ বৗত হাসারে হোড়ো রহয় লৗগিৎ হাসা কয় সৗত কেদা ৷ রহয় লাহা আড়গম তে লসৎ এ সমানেৎরে ডৗড়কৗ, পুঁটি, মৌরলা, চ্যাং, দুড়ি, হাকো ক সলঃ বডগঃ কানা ঞেল কাতে চুনৗরাম রিনিচ আর মারাং হপন তেৎ বানা হড়তে হাকো সাব কিন ধূরৗও এনা ৷
অনে উনঅক্ত মারাং হাড়াম দ এঙ্গাৎ তেৎ চেৎকচ লুতুর রেয় খাপায় খপয়ায় কানা ৷ অনা ঞেল কাতে চুনারাম এরাৎ তেৎ এ কুলি কেদেয়া " হ্যাঁ গো,বৗবু দ চেৎ কদয় মেতাম কানা অনকাদ ? চুনৗরাম রিনিচ এ লৗই কেদা "চেৎ আবার হাকো উতু য়াতে রহড় দাকা বৗবুয় জম লৗগিৎ "৷ নওয়া কাথা মেন মেনতে তিরি জুরি মেৎ মেৎ কিন কয়ক আনা ৷ যাঁহা অড়াঃরে বুনুং য়াতে দাঃমৗডি জম গে কুকমু সৗরি য়েন লেকা মনে হোয়োঃ আ অন্ডে রহড় দাকা, নিয়ৗ সুমৗয় মা স্বরগ পুরি রেনাঃ বঙা পরসাদ লেকা ৷ আদ গিদরৗ হড় ত হেনাঃ বৗনুঃদয় বুঝৗও তাম তে !!
আষাড় বঙা রেনাঃ জৗপুৎ ঞিদৗরে চুনারামাঃ সংসার ঘারঞ্জরে লল দাকা রেনাঃ সন্ধাড় শ ৷ বৗয়হৗড় হাসারে সাব হাকো রাসে আর দোড়োয় দোড়োয় লল রহড় দাকা ক জমকেদা আয়মা দিন তায়ম. বাবায়ু বিদৗল রেনাঃ "মারে কাসা থৗরি" .বন্ধক কাতে।
.webp)
