নাগাম রেনাঃ অড়েচ সাকাম

                                                                                                                            (হুডিঞ মাছা কৗহনি) 

নাগাম রেনাঃ অড়েচ সাকাম

প্রফেসর শশীকান্ত মুরমু

ভারত দিশোমরেনাঃ নাগামরে সানাম কাথাকঃ অল বৗনুআঃ। সৗরিগে আবোরেন তিনৗঃ চ ফুলগৗলিয়া বীরদৗলি যোধাক নওয়া দিশোম ফুরগৗল লৗগিৎ জিউয়িক আলায় আকাদা ,  অনারেনাঃ হিসৗব বৗনুআ আর নাগামরে অলহঃ বৗনুঃআঃ। অনকাগে মিৎ বীর ফুরগৗলিয়ায় তাঁহেকানা ডমন মাঝি।

১৮৫৫ সালরেনাঃ  ৩০শা  জুন। বীরবান্টা সিধু কানুআঃ সারজম গিরৗ ঞাম কাতেঃ লাড়হৗইতে সেনঃ লৗগিৎ সাপড়াও লেনায়  ডমন। আঃসার কৗপি তাড়োয়ৗরি সাব কাতেঃ আচ অৗয়ুঠেন বিদৗয় এ হাতাও লৗগিত। আয়ু দৗনগিয় মেতাঃ দিয়া  - বেটা দিশোম আয়ুগেম কয়ঃ আদিয়া , আর জানাম অৗয়ুদঃ বাং। ডমন এ মেন কেদাঃ -অৗয়ু,   দিশোম চেতান নাহাচার আর শাসেত ইঞ ঞেল লেখান গে আমাং মুঠৗন গেঞ উইহৗর আঃ। ইঞদঃ ধৗর্তী অৗয়ুরেগে জানাম অৗয়ুঞ ঞেল আকাদিয়ৗ। আলম বারন ইঞা।

অৗতু কুলহি মুচৗৎ বাড়ে দারে বুটৗরেগে  দৗড় আটক কেদেয়ায় ফুলমুনি। মেনকেদায়-, ইঞ বৗগি কাতেঃম চালাঃকানা ডমনদা। আলাং যাঁহা কুকমু মিৎ তেলাং ঞেল লেদা , অনাদ কি বাং সৗরি তালাংআঃ ? ডমন এ মেন কেদাঃ - দিশোম অৗয়ুয় হহঃয়েদা আলম আটক  ইঞৗ গাতে। লৗড়হৗই খন রুয়ৗড় কাতেঃ মিৎতে সুখৗলি ঘাঁরঞ্জ লাং বেনাও রাকাবআঃ। তাঁঙ্গিঞ মেরে গাতে জীয়ন ঘাটরে।

এতহব এনা সান্তাড় হুল। লৗড়হৗইরে ইংরেজ ফৗদআঃ গুলি ডমন আঃ কড়ামরে ঝাঃ এনা।  গুজুঃ লাহা  ডমন এ লৗই কেদা -সিধু , হুল রেনাঃ সেঙ্গেল আলম ইঁড়িচ অচওআঃ। ইঞদ মিৎ দিনিঞ রুয়ৗড় গেয়া।

ডমনদ আদ বায় রুয়ৗড় লেনাঃ। ফুলমুনিয়ৗঃ কুকমুহঁ বাং সৗরি লেনা। আর আচ রেন বুড়হি আয়ু যাঁহা তিন দিন বাঁঞ্চাও এ তাঁহে কানা , সারা ঘৗড়িচ হর সেন এ কয়ঃ কাঃ তাঁহেন। হৗনি , হৗনি জৗনিচ রুয়ৗড় কান তিঁঞৗয় সোনা মিরু ডমন।