(হুডিঞ মাছা কৗহনি)
লুথরু মারডি দ আতোরেন মিৎ দিলগৗরিয়ৌ জুয়ৗন কড়াগে। উনিয়াঃ সঁডমঁড হড়ম ঞেলতে ঢের হড় কো বতরঃ কান তাহেঁনা। উনি দ জাঁহা রেগে নাহাচারে ঞেলেৎ তাহেঁনা , অডেঁগেয়ে দন খাদলেঃ কান তাহেঁনা। নাহাচার বিরুদরে তেঁগোন সে রড় দারাম দ আয়াঃ পুন কৗমি মেনতেয়ে মেতাঃ কান তাহেঁনা। অনাকো ঞেল কাতে আতোরেন হড় দ কো মেনা - " নুয় দ জৗরুড়গে মিৎ দিন বিরবানটায় তেয়ারঃআ।" আর নোওয়াকো কাথা আজঁম কাতে লুথরু মারডি দ অৗডি গরবে আইকৗউয়েত তাহেঁনা। উনিয়াঃ রড় আড়াং দ বিররেন কুলাঃ হাঁডৗরউ লেকা তাহেঁ কানা। আর অনাকো ঞেল কাতে দেকো পুসি দ উনি পুচ্ পুচ্ কো বতরায়া।
লুথরু মারডি দ আতো আর আডে পাসেরেন খন ঢের অলঃ পাড়হাঃ হড়ে তাহেঁ কানা। আর আইন কানুন হঁ অৗডি মজঁতেয়ে বাডায় কান তাহেঁনা। উনিয়াঃ মজঁ হড়মো আর অলঃ পাড়হাঃ খৗতির উনি দ মেলেটারি চৗকরিয় ঞাম লেদা , আর অনতে রেগে উনি দ পনেরো কুড়ি বছরে চৗকরি জিয়নে খেমাও লেদা।
লুথরু মারডি দ তিনরে আতোতেয় হেচ্ লেনা , উনি দয় ঞেল কেদা যে আতোরেন হড়দ নিতহঁ দেকো পুসিয়াঃ গুলাম রেগে মেনাঃ কোওয়া। আর দেকো পুসি দ দিনমান হড় আতোরে আড্ডা য়েদা। তালা আধা ঞিঁদা ধৗবিচ পৗউরা ঞু কাতে আতোরে তাহেঁন রেয়াঃ দাওকো ঞামা। আরহঁ তাসকো গাতেঃআ। মনে হোয়োঃ কানা আতো দ আকোয়াঃ কান গেয়া। জমি জায়গা হঁ অনকাগে দেকো পুসি ঠেন ভরনা বনধক মেনাঃআ। তিনৗঃ বছর খনচ কো জম্ জ্ম্ কানা,অনারেনাঃ ঠিকৗন বানুঃ ।
অনাকো ঞেল কাতে , লুথরু মারডি ঠিক বায় তাঁহে দাড়েয়াদা। এহপ এনা দেকো পুসি বিরুদরে কৗনুনি তেয়াঃ লৗড়হৗয়। আর অনা লাড়হায় রে লুথরু মারডি দ ঢেরে জিতৗউ হিজুঃ কান তাহেঁনা । আর ঢের জমি জায়গা হঁ হড় হপনাঃ উদ্ধার হোয় লেনা। আতো রেন কিছু কিছু হড় দ উনিকো গড় আয় কান তাহেঁনা , তবে ঢের হড়গে উনিরেন বাইরি দ । আতোরেন থড়া হড়কো সারহাও এদে তাহেঁনা। আরকো মেনেত তাহেঁনা ,বাবু আম লেকান হড়াঃগে সমাজরে দরকার মেনাঃআ।
নতে দেকো পুসি হঁ লুথরু মারডি বিরুদরে ঝৗলি দ কো অডাও লেৎ গেয়া আর কৗমিহঁ হোয় লেন তাকোওয়া। এনতে অনকো কো হুদিসেৎ তাহেঁনা , যে লুথরু মা্রডি লেকান আতোরে হড়কো তাহেলেন খান , আবোদ আর হড় হপনাঃ জমি বাবোন ভোগ দাড়েয়াঃআ। অনাতে দেলা উনি দবোন মারখু মারাও গৎ কায় লেগে। আর নতে লুথরু মারডি হঁ বায় হুদিশ দাড়েয়াদা। আর ঞেল এনা মিৎদিন বৗইরি কোওয়াঃ বানদুক টূটিতে লুথরু মারডি দয় হানা পুরিয় না । আরহঁ দিকুক রাজঃক এতহব কেদা। যাঁহারে হড়গে হড় রেন বৗঈরী।
অডেদ লুথরু মারডি আর তিনৗ হড়গেক দিশৗয়েয়া ?
.webp)
