 |
| গণেশ হাঁসদা আঃ ঘাঁরঞ্জ রেন হড়ক দুখ মুহিমরে |
আবোওয়াঃ ওয়েব পেজ - রিমিল দ উনৗও গে তাঁহে কানা, তিনরে দাঃ
জরঃ আ অনা কয়ঃ রেগেকো তাঁহেকানা ভারত দিশম হড়। আর অনাগে অতেমাহা ঞিদৗ পুরুব লাদাখ রেনাঃ
গালওয়ান বুরু ধাসনারে ভারত-চীন ফৌদ্ক তালারে লৗড়হৗই হুয় এনা। আর অনা লৗড়হৗইরে ভারত
দিশম রেন ২০ গটাং ফৌদ্কোওয়াঃ জিউয়ি চালাওয়েনা মেন্তে বাডায় আকানা। সাঁওতে মিৎ কর্নেল
হঁয় তাঁহে কানা। নতে চীন দিশম রেন ৪৩ গটাং ফৌদ্ক ঘায়েল আর গচ্ অচোওয়াকানা। আর নওয়া
লাড়হাইদ বাংমা ৪৫ সেরমা তায়ম হুয় এনা মেন্তে খবররে বাডায়ঃ কানা।
ডগররে বাডায় আকানা
ভারত-চীন সিঁয়াড়, চীন বাং মানাও খৗতির গে নংকান লৗড়হৗইদ সিরজৗও এনা মেন্তে ভারত দিশম
দয় দৗবিয়েদা।
নওয়া ভারত-চীন
সিঁয়াড় লাদাখ রেনাঃ গালওয়ান লৗড়হৗইরে নিৎ ধৗবিচ তে পেয়া আদিবাসী ফৌদ্আঃ জিউয়ি চালাও
আকানা মেন্তে বাডায়ঃ কানা। নুকু ফৌদ্ দক হোয়োঃ কানা গনেশ হাঁসদা, নান্দুরাম সরেন আর রাজেশ
ওরাং।
গনেশ হাঁসদা আঃ
জানাম অড়াঃদ তাঁহে লেনা ঝাড়খন্ড পনৎ পুরুব সিংভূম জিলৗ রহরাগোড়া থানা কোসাফলিয়ৗ আতোরে।
উমেরদ হুয় লেন তায়া ২১ সেরমা। গনেশ হাঁসদা আচ্ বাবা সুবদা হাঁসদা গিদা্রৗ আঃ জিউয়ি
অৗধিন দিন রে চালাওয়েন খৗতির অৗডি দুক এ সদর এ আকাদা। বাডায় আকানা গনেশ হাঁসদাদ অৗডিগে
রেঁগেচ্ অড়াঃ রেনে তাঁহে লেনা।
নতে পছিম্ বাংলা
পনৎ বীরভূম জিলৗ মোহম্মদ বাজার থানা শেওড়াফুলি সোর বেলগড়িয়া আতোরেন রাজেশ ওরাং। বাডায়
আকানা উনিদ ২০১৫ সালরে ভারত দিশম ফৌদ্রে সেলেদ লেনায়। মাত্র ২৩ সেরমা উমের রেগে জিউয়ি
বৗতি চালাও এন তায়া। দিশম লৗগিৎ জিউয়ি আলায় খৗতির রাজেশ রেন হুডিঞ বয়হা গরবে সদরাকাদা।
বাডায় আকানা রাজেশদ আয়মা লেকান সাঁওতা কৗমিরে জপড়াও এ তাঁহেলেনা আরহঁ বাডায় আকানা উনিদ
সান্তাড় তেহঁ অৗডি নাপায়ে রড় দাড়েয়াঃ কান তাঁহে কানায়। রাজেশ আঃ অৗধিন দিন রে জিউয়ি
চালাওয়েন খৗতির গোটা আতো হড় দুক্ ক সদর আকাদা।
নান্দুরাম সরেনদ
উড়িষ্যা পনৎ ময়ূরভঁঞ্জ জিলৗ রায়রংপুর সোর চাম্পাদা আতোরে জানাম লেনায়। নান্দুরাম সরেনদ
ফৌদ রেন নায়েব সুবেদার এ তাঁহেকানা।
পে-পেয়া আদিবাসী
ফৌদ্কো দিশম লৗড়হৗই রে জিউয়ি চালাওয়েন তে সোস্যাল মিডিয়া রে গাহির দুক্ রেনাঃ আহ্ লা ঞেল ঞাম এনা। অনাতে আয়মা হড় উনকু যুওয়ৗন
দিলগৗরিয়াকো, হুলগৗরিয়াক হুলসৗই জোহার ক চাল
আকাৎ কোওয়া। সাঁওতে উনকুরেন অড়াঃ হড়াঃ দুক্ তেক দুক্ আকানা আরহঁ সাঁও সাঁওতে আদিবাসী
ফৌদ্কো দিশম লৗড়হৗই রে জিউয়িক আলায় কেৎতে গরব হঁক আটকার আকাদা। ভারত দিশম লৗগিৎ আদিবাসীক
ফুরগৗল লৗড়হৗই রেহঁ জিউয়িক আলায় আকাদা নিৎহঁ ভারত দিশম রুখিয়ৗও দহ লৗগিদ্ জিউয়িক আলায়
দাড়েয়াঃআ অনাগে নান্দুরাম সরেন, গণেশ হাঁসদা আর রাজেশ ওরাং আরহঁ মিৎ ধাও সাবুদ্ ক দহ
হট কাদা মেন্তে আয়মা হড়গেক রড় সাডে য়াকাদা। এনহঁ ভারত দিশমরে আদিবাসী কো যথাৎ মৗন বাংক ঞামা অনা কাথাহঁ আয়মা হড়ক রড় আকাদা।
.webp)
.webp)
