 |
| গড় এমঃরে মাঁডওয়া রেন রাসিয়াক। |
আবোওয়া ওয়েব পেজ : করোনা ভাইরাস (কোবিদ-১৯) আজার টেকাও দারাম লাগিত্ দিসমরে লক ডাউন জারি মেনাঃআ। রেঁগেচ্ নাচার নালহা-তুমাল জং হড় নিৎহঁ দিসম রেয়াঃ হাঁডে নাডে আটক মেনাঃ আকাৎ কোওয়া আডি মুহিম আর আনাটরে। আর দিন দিনতে জমাঃ দুরিব রেয়াঃ আনাট রেক সেটেরঃ কানা। বাডায়ঃ কানা নঁতে ঠিকাদার সে মালিক পাহটা নিত ঝতক গাড়পুজঃ কানা। আয়মা হড়গে আপনা রা জিউয়ী গে মাড়াং ক ঞেল এদা। নংকান নাচার হড় সেনদ আয়মা হড়গেক নিৎ দেয়ায় এদা। মেনখান ঞেল আকানা আপনার জাতি পারিশ হড় ঠেন দ আপনার তেগেম ওপরোমঃ আ। অনকাগে উত্তর পাড়ারে মেনাঃ রুসিকা মাঁডওয়া আর সান্তাড়ি ইঞ্জিনিয়ার্স ওয়েলফেয়ার সোসিয়েশন-আঃ সেঁন্দরাতে ঞাম কেৎ কোওয়াক নামাল কাছাড় কামি হেচ্ আন হড়ক।
বাডায় আকানা কামিয়াক মুদ্রে বিহার, ঝাড়খন্ড আর উড়িষ্যা রেন হড় হপনক হুগলী জিলা রেনাঃ মাখলা ঞুতুমান মিৎ ইট ভাটা রেক কামিয়া ১৫০ গটাং পরিবার। নওয়া লক ডাউন রে ভাটা কামি বনদ। রজগার পাতি হঁ বন্দ। বাডায় ঞাম এনা নুকুওয়া নংকান মুহিম ঞেলতে উত্ত্র পাড়ারে মেনাঃ ‘রুসিকা মাঁডওয়া’ আঃ কুরুমুটুতে আর সান্তাড়ি ইঞ্জিনিয়ার্স ওয়েলফেয়ার এসোসিয়েশন আঃ গড়তে উনকু লাগিৎ চাওলে, আলু, ডাল, সুনুম, সাবন, বিস্কুট এমান এম কাতেৎ গড়ক চাল আৎ কোওয়া। অনা সাঁওতে মাখলা টঠারেন আরহঁ ৫০ গটাং পরিবার গড় এম হোয় আকানা। মাঁডওয়া সুৎরেৎ মানতান প্রিয় নাথ সরেন লাই সদর আকাদায় বাংমা লক ডাউন তাঁহেন ভোর নুকুওয়া জম ঞু রেনাঃ আঁগিভার গাঁওতায় গ-গায়।
নোওয়া মাড়াং ঞেল আকানা হঁ রুসিকা মাঁডওয়াদ নংকান আয়মা ভালাই কামি গটা সেরমাগেয় কামি ইদিয়ায়। নে হালেগে পুরুলিয়া জিলা রেনাঃ ভালিডুংরী সিধু-কানহু মিশন রেহঁ গড়য় এম চাল আকাদা মেনতে বাডায় আকানা।
.webp)
.webp)
.webp)
