গাপা তারাসিঞ ৩ টাড়াং খন গেল চানাচ্‌ রেনাঃ সান্তাড়ি মিডিয়াম ক্লাস সরাসরি এবিপি আনন্দরে

আবোওয়াঃ ওয়েব পেজ : গোটা ধারতি জাকাত্‌ করোনা ভাইরাস ( কোবিদ -১৯) রেনাঃ ধাদসতে নিৎ দিশমরে লকডাউন চালাঃকানা। অনাতে বিরদাগাড়কহঁ বন্‌দ মেনাঃআ। আর অনাতে পাঠুওয়াক দিসাতে নিৎ এবিপি আনন্দ টিভি চ্যানেল তালাতে দিনামগে তারাসিঞ ৩ টাড়াং খন ৪ টাড়াং ধাবিচ্‌ বার হাটিঞতে অন লাইন ক্লাস উদুঃ পাসনা কানা।

গাপাদ ২মে এবিপি আনন্দ টিভি চ্যানেলরে সান্তাড়ি মিডিয়ামতে পাড়হা কান পাঠুওয়াক লাগিৎ অন লাইন ক্লাস উদুঃ সদরঃআ।

বাডায় আকানা গাপা নোওয়াহঁ তারাসিঞ ৩ টাড়াং খন ৪ টাড়াং ধাবিচ্‌ গেল্‌ চানাচ্‌ রেনাঃ ‘আনাট’ সাতাম চেতানরে Class Room রে পাড়হাও লাগিৎক হিজুঃ কানা মাচেৎ সিংরাই মুরমু ,মন্ডল সরেন আর শোভারাম হেম্ব্রম গম্‌কে।

লাই সাডে লাক্‌তি কানা অনা অক্ত মুদ্‌রেগে গেল বার চানাচ্‌ রেনাঃ ইংরেজি সাতাম চেতানরে Shall I Compare Thee to a Summer’s day হাটিঞহঁ উদুঃ সদরঃআ।

পাঠুওয়াক তালারে 9748217201 নং তে Whatsapp তালাতে পাড়হাওক এপেম চাপাল গানঃআ। এমন চেৎ কুক্‌লিহঁ দহ গানঃআ।

বাডায় আকানা সিংরাই মুরমু বেল পাহাড়ি এস সি হাই স্কুল রেন মাচেৎ ,বাহিরগ্রাম কে বি হাই স্কুল রেন মাচেৎ মন্ডল সরেন আর দহিজুড়ি বাহিরগ্রাম মহাত্মা বিদ্যাপীঠ রেন মাচেৎ কানায় শোভারাম হেম্ব্রম।