 |
| ( অনলিয়া রবিদাস টুডু গম্কেদ এটাঃ সমাজ রে্নাঃ সাঁওতে আবো সমাজরেনাঃ যাঁহান সাতাম ইদি কাতেৎ গে তুলা জখা কাতেৎ বাড়তিয় অলা। নোওয়া অলহঁ অনকানাঃগে মিৎ ঝালাক কান তায়া।) |
রবিদাস টুডু : আবোদ আদিবাসী সান্তাড় জাতি। সেদায় খনগে রোগ আজার খন দ সন্তর বোন তাঁহে কানা। নানা হুনার রোগ আজার খন বাঞ্চাও লাগিৎ আধুনিক লকডাউন দ আবোওয়াঃ সমাজরে আডি দিন খনগে চালু মেনাঃ আ। যেমন আবোওয়াঃ সমাজরে বাড়গে সেনাঃ আজার (বসন্ত) হোয় লেনখান কুলহি দুডুপ কাতেঃ জাঃ জটেদ, মেলা মেশা, সুনুম সাবন বাং বেওহার, সিড়িঁজ্ বাং জম নংকা কাতেৎ সেদায় লকডাউন বোন পালন আগু আকাদা, আর নওয়াগে আধুনিক লক ডাউন দ।
আর নিতঃ সানাম হড়বোন বাড়ায়া ধারতী জাকাৎ কোরোনা ভাইরাস ঞুতুমান মিৎ মারাং আজার পাসনাও আকা্না। আর নওয়া আজার দ ভারত দিশোমরেহঁ পাসনাও আকানা। নওয়া আজার দ জাঃ জটেদ, মেলা মেসা, খনগে বাড়তি উচাড়ঃ কানা। ঞেলঃ কানা নিৎ নওয়া আজারতে বার লাখ খন হঁ চেতান গটা ধারতিরে হড়কো বঙ্গা তালা আকানা। তিনাঃ হড় যে, জুরি পারি, আয়ো বাবা, দুলৌড় দুলৌড়িয়া কো আদ আকাদ কোওয়া অনারেনাঃ হিসাব গে বানু আকাদা। নওয়া আজার খন বাঞ্চাও লাগিৎ জাঃ জটেদ, মেলা মেসা বন্দ লেখানগে বাং উচাড়ঃআ মেন্তে বাডায় আকানা।
অনাতে মেনদ আর কিছু দিন সন্তর বোন তাঁহেন মা, দাঃ সাবাঃ অনকাগে জম কাতেৎ সরকারাঃ হুকুম বোন পালন মা আর নওয়া বতরান কোরোনা ঞুতুমান মারাং আজার খন বাঞ্চাও রেনাঃ বোন রিকৌয় মা। নিত হাবিচতে যা খবর বাডায় আকানা আবো আদিবাসী সান্তাড় হপনদ নওয়া আজারতে আউরিয় জটেদ দাড়েয়াবোনা। দিকো পুসি আবোসেন কয়ঃ কাতেঃ মেনাঃ কোওয়া, মিৎবার হড় ঞাম লেবোন খানগে দিকো পুসি আবো লৌয়তে বে বাড়িচ্ক রড সিঁড়িজা। সাংবাদিক কহঁ আবোসেন কয়ঃ কাতেঃ মেনাঃ আকাৎ কোওয়া , আজার কো ঞাম লেখানগে নানা হুনার পোঁচ কাতেঃ আবোওয়াঃ খবর হেড লাইন কাতেৎ কো উছানা।
ঝাড়গ্রামরেন রাইমনি হেম্ব্রম কোরোনা বাং ঞাম কাতেৎ রেহঁ চেৎ লেকা এটাঃ জাতিক রড়কো এহতব গৎ লেদা অনা দ সানাম হড়গে কম বেশি বোন বাড়ায়া। অনাতে মেনদ আর কিছু দিন সন্তর বোন তাঁহেন মা, আর কোরোনা ঞুতুমান মারাং আজার খন বাঞ্চাও রেনাঃ বোন রিকৌয় মা। এটাঃ জাতিক বোন বুঝৌও হচঃ কমা আপে খনদ সান্তাড় হপনদ রোগ আজার খন জাস্তিলে সন্তর গেয়া মেন্তে। আবোসেন তি উদুঃ রেনাঃ দাও গে জাতে আলোকো ঞাম। আবো যে এটাঃ জাতিক খন জাস্তি রোগ আজার খন বোন সন্তর গেয়া নওয়াগে পরমান রেনাঃ আসল দাও কানা। অনাগে পরমান কাতেৎ বোন উদুঃ আকোয়া। অনা লৌয়তে সানাম হড়গে নিৎ বাড়তি কায়তে সন্তর তাঁহেন লাক্তি কানা।
.webp)
.webp)
.webp)
