 |
| জাহের থানরে জে সি বি। |
আবোওয়াঃ ওয়েব পেজ : পুরুলিয়ৗ জিলৗ বরাবাজার থানারে মেনাঃ গোঁসাইডি আতো রেনাঃ জাহের থান এটাঃ জৗতি হড়ক বে-দখল এদা।
বাডায় আকানা বাংমা
গোঁসাইডি আতোরেনাঃ জাহের থানদ অৗডি সেদায় খন অঁডেগে তাঁহে কানা আর সেদায় খন আতোহড় অনা
জাহের রেগেক বঁগা-বুরু অৗগুয়েদা। নোওয়া জাহের গাড় রেনাঃ রেকর্ড লেকাতে বাডায়ঃ কানা
যাঁহা রেয়াঃ প্লট নং ৩৮২ খতিয়ান নং ১২০ আর
জে. এল. নং ১১৭। আর সানাম হড়গেক বাডায় অৗগুওয়াকাদা বাংমা অনাদ সান্তাড় হড়াঃ জাহের গাড়
কানা মেন্তে। মেনখান নিৎ অনা আতো রেনগে এটাঃ গাঁতাত রেন হড় অনা জায়গাক জবর দখল লৗগিদঃ
কানা। বাডায় আকানা ১২মে হিলঃ সেতাঃ বেড়ারে জেসিবি মেসিন আড়ঁগ কাতেৎ অঁডেনাঃ জায়গাক
লা সমান হচয়েদা বাংমা অঁডে বাঁধ বেনাঃআ মেন্তে।
উনরে অনা আতোরেন
সাঁন্তাড়ক অনা ঞেল কাতে ঞির সেটেরেনাক আর রড়দারাম কেদাক আর লা বন্দ রেনাঃ কাথা হঁক
রড় কেদা। উনজহ এটাঃ গাঁতাৎ রেন হড় দাদাল গেক কেরমে কানা মেন্তে বাডায় আকানা।
উনরে আতো হড় লৗইতে
গুডু মাঝি মেন্তে মিৎ সাঁওতা দরদিয়ৗ হতেচ্তে বরাবাজার থানারে সেন কাতেৎ এফ আই আর আকাদায়। এফ আই আর নং ৪৫/২০২০। নওয়াহঁ বাডায় আকানা এফ আই আর তালাতে ১৮৮/২৬৯/২৭১/২৯৫/২৯৫A/২৯৮/৫০৬/৩৪IP আর
৫১(১)(s) এমান ধারা সেলেদ্ আকানা। যাঁহায়ক
ঞুতুমতে এফ আই আর হোয় আকানা উনকু দক হোয় এনা সতীশ মাহাত, রামপদ মাহাত, সন্তোষ মাহাত, সুবল
মাহাত, নারান মাহাত, কিংকর মাহাত, অর্ধেন্দু মাহাত, মধূসুদন মাহাত, সুধাকর মাহাত এমান।
গুডু মাঝি এফ
আই আর তালাতে থানারে আর্জি দহ আকাদায় যাতে পৗহিল লেকা অনা জায়গাক বেওহার দাড়েয়াঃমা, জাহের
থানরে বঁগা বুরু কৗমিক দাড়েয়াঃমা আর লৗই এন হড় বিরুধরে বেবস্থা হাতাও অঃমা।
তবে নওয়া লৗইতে
প্রশাসনিয়ৗ অৗডি লগনগে বানার পাহ্টা রেন হড় মিৎ ঠেন কাতেৎ সলই নামা গৎ কাঃআঃ মেন্তে
নিৎ ধৗবিচ্তে বাডায় ঞাম আকানা।
তেহেঞ নংকাগে
আয়মা জায়গারে আদিবাসী কোওয়া অত্-হাসাক রেচ্ কানা মেন্তে খবর পাথাম করে ঞেলঃগঃ কানা। মেনখান নিৎ পছিম বাংলারে সরকারী আইন
হোয় আকানা বাংমা আদিবাসী কোওয়াঃ জাহের থানক সরকারী গড় লেকাতে অনাক বাঁঞ্চাও দহয় আর
অনাক বেড়হায়তে পাঁচ্রি এসেৎ কাঃ,এমন চেৎ যাঁহারে
বাং রেকর্ড আকান জাহের থানক রেকর্ড হচয় রেনাঃ কাথাহঁ রড় আকানা মে্নতে বাডায়ঃআ। মেনখান
নিত্ রেকর্ড আকান জাহের থানহঁ বে-দখল লৗগিদঃ কানা নওয়া ঞেলতে সান্তাড় মহলরে অৗডি হুলৗচামকৗও
সিরজৗও গৎ আকানা মেন্তে বাডায় ঞাম আকানা।
.webp)
.webp)
.webp)
