 |
| লক ডাউনরে গিদৗর পাড়হাও রেনাঃ চিতৗর। |
আবোওয়াঃ ওয়েব পেজ : করোনা ভাইরাস (কোবিদ-১৯) আঃ নিরমায়া দাপটতে গটা ধৗরতি জাকাত
মৗনমিক বতর সাৎলাঃ লোকোৎ লোকোৎ। ভারত দিশমরেহঁ অনা লেকাতে তেসার তেখার লক ডাউন চালাঃ
কানা। গাপা ১৭মে চাবাঃআ। আরহঁ পোন তেখার লক ডাউন ১৮ মে খনগে এহবঃআ মেন্তে মারাং মন্ত্রী
নরেন্দ্র মোদী রড় আকাদায়। আয়মা পনতহঁ অনাগেক খজ কানা মেন্তেহঁ বাডায়ঃ
কানা।
আরহঁ লক ডাউন!
আরহঁ তিনৗদিন! তিস চাবাঃআ নোওয়া লকডাউন? নিত্ নংকানা কাথাক সানাম হড়াঃ মচা রেগে গুরলৗ
কানা। মেনখান নোওয়া বেগর আর চেৎ রান
মেনাঃআ? করোনা ভাইরাস রেনাঃ লক ডাউন গে হোয়ো কানা আসল রান মেন্তে গৗখুড়িয়ৗক বাঁখেড়
এদা। নোওয়া রেনাঃ সঠিক রান নিৎহঁ অকা দিশম
গে অৗওরিক বেনাও দাড়েয়াঃআ। বাং অ্যাণ্টিভাইরাস বাং ভেক্সিন চেৎহঁ অৗওরিক উডুক দাড়েয়াঃআ।
আর ভেক্সিন উডুকঃতে আরহঁ অক্ত লাগাঃআ মেন্তে খবররে বাডায় আকানা।
নংকান লক ডাউন
রেনাঃ অক্তরে কৗটিচ্ কৗটিচ্ গিদ্রৗক চেৎ লেকা মেনাঃ আকাৎ কোওয়া? তিন হড় নুকুওয়া
তলাশক দহয়েদা? গিদৗরক চেৎক সানায়েৎ কোওয়া? আর তিনৗঃক ঞাম এদা সে ঞাম বদলতে লৗঠিক ঞাম
এদা। আবোওয়াঃ ওয়েব ক্যামেরা তালাতে যাঁহা তিনৗঃ গান চিতৗ র
ঝালকাও রাকাব্ আকানা অনারেনাঃগে মিৎ ঝলক আবোক সাঁওতে।
দিশম রেনাঃ পৌল
লক ডাউন সাঁও সাঁওতে সানাম বিরদা গাড়ক ছুটি কেদা। নওয়া ছুটি রেনা ঘন্টা আঁজম সাঁও সাঁওতে
আয়মা গিদৗর গেক কুশি গৎ লেনা। মেনখান যাঁহা তিনৗ দিন নিৎ পারম চালাঃকানা উনৗঃগে উনকুওয়াঃ মনে বৗড়িজঃ কান তাকওয়া
মেন্তে ঘাঁরজিয়ৗ পাহ্টা খন
বাডায়ঃ কানা। আয়মা গিদৗরগে নিৎ বিরদৗগাড় চালাঃ লৗগিৎ সেতাঃ অৗয়ুব্ক অৗড়িয়েদা। মেনখান
লক ডাউন। আর নওয়া লক ডাউন খৗতির নিৎ আয়মা গিদ্রৗহাঃ মেৎহারে মলিন ভাব সাঁওতে কাঁহিশ,অৗড়িস, হিরখৗ,
এদ্রে এমান বদ হেওয়াক সিরজৗঃ কনা। বৗড়তি কায়তে নোওয়া চিতৗর ঞেলঃগঃ কানা
অলঃ পাড়হাওরে আর ঞু-জমরে।
মনোবিদ কোওয়াঃ
কাথা লেকাতে বাডায়ঃআ গিদ্রৗঃহা ঝতখন কুশি জিনিসদ কানা খেলোড। মেনখান নিৎ গিদৗরকো খেলোড জায়গাগে বাক ঞামেদা। অনকা মাছা বাক খেলোড দাড়েয়াঃ কানা। আর অনা রেনাঃ অরসংগে
অলঃপাড়হাও আর ঞু–জমরে পাড়াঃ কানা মেন্তে গ-বাবাক লৗই সদরেদা।
বিবেকানন্দ মেন
আকাদায় গীতা পাড়হাও খনদ গডারে ফুটবল খেলোড বেশা। নংকাগে বাডায় আকানা অলঃপাড়হাও আর খেলোডদ,
মিৎ হড় আর মিৎ হড় রেন গাতে কানাকিন। নিত্ গিদৗরক অলঃ পাড়হাও সাঁওতে খেলোড গাতে বাক
ঞামেদ কোওয়া। আর খেলোড বাং তেগে অলঃপাড়হাও রেহঁ গিদৗর কোওয়াঃ মনে অনকা মাছা বাং গৗডিয়াঃ
কান তাকোওয়া। আর অনাতেগে গিদ্রৗ গিদ্রা তালারেহঁ নাসেনাঃ তেগে কৗইঝৗ খৗপৗরি সিরজাও
গদঃ কানা। মনেরে হিরখৗ,কাঁহিশ ঞেল গদঃ কানা। জম ঞু-রেহঁ অৗড়িশ হেচ্ আক কানা। আয়মা
হড়ক মেন এদা গিদ্রৗ কদ নিৎ তল গাড়ি লেকাক আয়কাও এদা। চেদাসে গিদৗর কোওয়া যাঁহা দিনৗম
রুটিন তাঁহে কানা অনারেনাঃ রাদাদ নিৎ বদল আকান তাকোওয়া।
অনাতে গ-বাবা
সে অড়াঃ হড়কহঁ গিদৗর ইদিকাতেৎ আডি গানগে সন্তর তাঁহেন লৗগতি কানা মেন্তে আয়মা হুদিসান
হড়ক মেন এদা। গিদৗর কোওয়াঃ অনাক আনাট টেকাও
দারাম লৗগিৎ গ-বাবাগে গিদৗর রেন নিৎ নাপায় গাতে। ঞেল আকানা আয়মা গ-বাবাগে কৗমি আসুলঃ
জালা গিদৗর ঠেন অক্তগে বাক এম এম দাড়েয়াঃআ। নিৎ নওয়া লক ডাউন অক্ত আয়মা গ-বাবাগে গিদৗর
ঠেন তাঁহে কাতেৎ গিদৗর লৗগিৎক কৗমি দাড়েয়াঃআ ইনৗখান গিদৗর কোওয়াঃ বুরধি দাড়েহঁ নাপায়
তাঁহেনা। বাংখান তায়ম দারাম বুরধি দাড়ে হেরফেরহঁ হোয় দাড়েয়া মেন্তে মনোবিদ কোওয়া লৗই
কাথা।
আপনার রেন গিদৗর
সাঁও গডা রেনাঃ খেলোড বেগরহঁ অড়াঃরে কেরাম, লুডু, বাঘ ছাগল, মেৎ দুঁদুঁ ভঁ ভঁ এনেচ্
গানঃআ। ড্রয়িং সে চিতৗর বেনাও,টিভিরে অ্যানিমেল প্ল্যানেট, ডিস্কোভারি চ্যানেল ঞেল
এমান কাতেৎ মিমিৎ টাং দিন খেমাও গানঃআ। অনা সাঁওতে এগাঁৎ কহঁ মৗই বিটি তাক লৗগিৎ ফুড়ু
পাত্ড়া পৗটি সেড়াঁ, কান্থা রঃ সুইটার গালাং সেড়াঁ এমান কৗমিক দাড়েয়াঃআ। এমন চেৎ নেতাররেন
বাবু মৗই তাক জোহার বেওহার,সাঁওতে হড় সালাঃ সৗগৗই রড় সেঁড়া লেকান আয়মা কৗমি উনকু সাঁওতে
কৗমি গানঃআ। বাবা তাক হঁ বাবু তাক লৗগিৎ বানাম কুঁদৗও, ত্রিয় অরং, তুমদা, টামাক রু
সেঁড়া নাপায়তে সেঁড়া হচঃ গানঃআ। নোওয়াক বেগরহঁ সেদায়া লায়-লাকচার ইদিকাতেৎ গিদৗর সালাঃ
গাপাল মারাও গানঃআ। আর আবোকওয়াঃ সেদায়াঃ মারে কৗহ্নী, কুদুম মেনাঃআ অনাকহঁ গিদৗর সামাংরে
লৗই গানঃআ।
নংকানা আয়মা আয়মা
কামি মেনাঃআ যাঁহাদ গিদৗরক সাঁও তাঁহে কাতেৎ গিদৗরক কুশি রৗস্কৗরে দহ গানঃআ। ইনৗখান
গিদৗরকওয়া বুরধি দাড়ে লাসের গে তাঁহেনা আর গিদৗরকওয়া মন কহঁ বাং হান্তে নাতে তাকওয়া।
নওয়াক সানাম লেকানা কৗমিগে গ-বাবা সে আর অড়াঃ হড়ক ঞেল লৗগতি কানা।তবে মুচৗৎরে আয়মা ঘাঁরঞ্জ
খনগে বাডায় ঞাম আকানা বাংমা গিদৗর কহঁ নোওয়া করোনা ভাইরাস (কোবিদ-১৯) আজার বিরুদ্রেনাঃ
লৗড়হৗই রেক সামিল আকানা।
.webp)
.webp)
.webp)
