আবোওয়াঃ ওয়েব পেজ : বাডায় বাং তাঁহে লেনা নংকাহঁ মিৎদিন সেটেরঃ আ। মনে রেনাঃ দিল আর সেরেঞ রেনাঃ দাড়ে জোর তেগে মিৎ অক্তে নংকান মিশন বেরেৎ রাকাপ হোয় লেনা। মেনখান নিৎ নওয়া লক ডাউনরে অকয় ইঞাঃ সেরেঞক আঁজমা আর ইঞগে বাং চেৎ লেকা কাতেৎ দেশ দিশমেঞ দাঁড়ানা। অনাতে নিত মিশনরেন গিদরা জমাঃ এম আডি আনাট তালা তেগে চালাঃ কানা। নওয়া লক ডাউন খাতির আয়মা গিদরা গে অড়াঃ বাক চালাও দাড়েয়াকাদা। নংকাগে আডি দুক্ সালাঃ এ রড় কেদা মিশন রেন গালিম মিৎ সাঁওতা দরদিয়া গিদার দুলাড়িয়া মানতান নরেন হাঁসদা।
নওয়া মিশনদ পুরুলিয়া জেলা আড়ষা থানা রেনাঃ মিৎ বুরু ধাসনা লাতার ভালি ডুংরিরে মেনাঃ আ। ঞুতুম সিধু কানু মিশন। পুরুলিয়া জেলা খন ৩৫ কিমি সাগিঞরে। নওয়া মিশন বেরেৎ আকানা ২০১৪ সালরে। নিৎ ধাবিচ্ অনকান সরকারি গড়দ বায় ঞাম আকাদা। তবে নওয়া লক ডাউন খাতির আড়শা থানা রেন বড় বাবু আর বি .ডি.ও.২০-২২ দিন কাতেৎ রেনাঃ জমাঃ কিন এম চাল আকাদা। অনাবেগর মিৎ বার গাঁওতা আর সমাজ দরদিয়াহাঃ গড় সপহৎ তেগে নিত নওয়া মিশন চালাঃ কানা মেনতে বাডায় আকানা। তবে আয়া দুখ রেনাঃ কাথা তায়দ নোওয়া লক ডাউন রে অকা তেহঁ বায় অডোক দাড়েয়াঃ কানা মেনতে। বাংখান্ নংকান আনাটদ হোয়ো রেনাঃ বাং কানা।
নওয়া মিশনরে ১২০ গটাং পাঠুওয়া গিদার পাড়হাঃ আক। নিৎ নওয়া লক ডাউনরে ২৫ গটাং গিদার মেনাঃ আকাৎ কোওয়া। যাঁহায় করেনদ গ-বাবাগে বানুঃ কতা কোওয়া। নিৎ নোকো গিদার করেন গ-বাবাদ সেরেঞ কারিগল মানতান নরেন হাঁসদাগে।
মিশনরে অলঃপাড়হাও বেগর সান্তাড়ী লায় লাকচার,আরিচালি,এনেচ্ সেরেঞ সেড়াঁ হঁক চার্চাও আকওয়া। নিৎ নওয়া লক ডাউন আর তিনাঃ দিন চালাঃ আ উনা দিন চেৎ লেকা কাতেৎ গিদার ক জমাঃ এম হোয়োআ বাং বাডায়ঃ কানা মেনতে মানতান হাঁসদা দুক্ এ সদর আকাদায়।
তবে মিশন রেনাঃ নংকান মুহিম অক্তরে যাঁহায় সমাজ দরদিয়া সে গাঁওতাক গড়ক এম লেখান আডি নাপায় কঃ আ মেনতে সদর আকাদায়। অনালেকাতে সিধু কানু মিশন বাঞ্চাও দহয় আর রেঁগেচ্ নাচার গিদার কোওয়াঃ জমাঃ ঞুয়া বাখরা গড় এম চাল লাগিৎ মানতান হাঁসদা গমকে আয়াঃ ফোন নং আর একাউন্ট নং এ এম কেদা। Mobile No. - 9547062965, Bank Account - Purulia Dharti Marsal Society, SBI Bank, Purulia, A/C No. - 37328725490, IFSC - SBIN0000160
.webp)
.webp)
