আবোওয়াঃ ওয়েব পেজ : আঁজম জংহঁ রৌস্কা গেয়া,ঞেল জংহঁ
সানা গেয়া,আর বাডায় জংহঁ সানা গেয়া সান্তাড়ি ফিল্ম নায়িকা মিস্ ডগর টুডুওয়াঃ
কাথা। মেনখান মিৎটান সেলিব্রিটি হোয়োঃ মচা কাথাদ বাং কানা। আয়মা তহৎ-হাড়া, গাডা
- ঢডা সুয়া-সিকিড় এতম কাতেৎ গে নংকান সেলিব্রেটি উপাধিদ ঞামঃআ। অনকাগে সান্তাড়ি
সেলিব্রেটি মিস্ ডগর টুডুওয়াঃ জীয়ন চিতারহঁ ঝালকাও রাকাপ্ এনা, নওয়া লক ডাউনরে
মানমী চেতান আয়াঃ দুলাড় তালাতে। নওয়া কোবিদ-১৯ রে রেঁগেচ্ নাচার মানমীয়া দুক্
দরয়ারে আচহঁ দন খাদলে সানা লেদেয়া। মেনখান ফিল্ম ইন্ডাস্ট্রিয়া কিছু মানা বারন
তে হড় ঠেন দুয়ার দুয়ার বায় সেটের দাড়েয়াদা। অনাতে উনিদ West Bengal C.M. Relief Fund রে রেঁগেচ্ নাচার হড় লাগিদ ২০,০০০/- টাকায় দান কেদা। আরহঁ বাডায় আকানা পুরুলিয়া সিধু-কানু
মিশনরে ৫,০০০/- টাকায় দান আকাদা। যাঁহারে
টুওয়ার রেঁগেচ্ নাচার গিদার অলঃপাড়হাক সেঁড়ায় এদা। অনাবেগর আয়মা গাঁওতা আর আঁচ্
সাঁওতে তাঁহেন এনেচ্-বাবু মাইতেক নওয়া লক ডাউনরে ২০,০০০/- টাকায় এম চাল আকাৎ কোওয়া মেন্তেহঁ বাডায় এনা। আর
আতো অড়াঃরেন রেঁগেচ্ নাচার হড় কমা নিতহঁ গড়য় এমাক কান গেয়ায়। তেহেঞ রেঁগেচ্
নাচার মানমী চেতানরে উনিয়াঃ দুলাড় গটা দিসম জাকাত্ হড়ক ঞেল কেদা। পুরুলিয়া জিলা
বোরো থানা রেনাঃ গোপালপুর আতোরে জানাম কাতে গটা ধারতি জাকাত্ হড়ক উরুম কেদেয়া রেঁগেচ্
নাচার মানমী দুলাড়িয়া আর মিৎ ডগর।
চেদাঃ নংকা এমঃ সানাঃ হেচ্ আদেয়া কুকলি রেনাঃ তেলা রেদ আয়াঃ পারম হেচ্ আকান
জীয়ন রেনাঃ কাথা গেয় লাই সদর কেদা। উনদ এইচ্. এস. এ পাড়হা আ। পাড়হা পাড়হা
তুলুচ্ গে অড়াঃরে আচ্ বাপ্লা কায় রেনাঃ কাথা রাকাপ্ এনা। অড়াঃ হড়াঃ কাথা বায় আঁজম
লেদা। ডগর বায় বা্পলালেনা। আরহঁ পাড়হা সানাঃ কেদেয়াঃ। মনে রেনাঃ জোরতে পাড়হাও
এনায়। নিত্ সান্তাড়িতে এম. এ. য়েদায়। তায়ম দারাম সানা তায় ডক্টরেট কাতেৎ
প্রফেসরঃ আয়। আয়াঃ ঞুতুম মিৎ দিন ডঃ ডগর টুডুয় অল গেয়ায় অনাদ আচ্ ঠেন
চ্যালেঞ্জ কানা মেনতে বাডায় আকানা। আর সান্তাড়ী পারশি সাঁওহেদ হঁয় চার্চাওয়া
মেনতে বাডায় আকানা। নঁতে সান্তাড়ি ফিল্ম লাগিৎহঁ আডি মারাং কুক্মু মেনাঃ তায়া।
নঃঅয় মিৎ সাঁওতে অলঃ পাড়হাও আর ফিল্ম ইন্ডাস্ট্রি
রেহঁ সেলেদ্ মেনায়-নওয়া চেৎ লেকা কাতেৎ ম্যানেজ এদায় নোওয়া বাখরা কুক্লিরে খাট মাছা তেলা তায়- সানাঃ তাঁহে লেনখান সানামাঃ গে
হোয়োঃ আ।
নওয়া ফিল্ম ইন্ডাস্ট্রিরে হেচ্ চেৎ লেকারে? আর
নওয়া হেচ্ তায়মরে যাঁহান এঁটকে টঁড়ে তাঁহে লেনা সে বাং কুকলিরেনাঃ তেলা রে লাই
আকাদা- এঁটকে টঁড়ে বাং তাঁহেনা অনকাদ তিসহঁ বাং হোয়োঃ আ। মিৎ অক্তে অড়া
হড়হঁ বাংক কুশিঃ কান তাঁহে কানা। ইনা
তায়ম আয়মা হড় গেক মানা বারন লেদেয়া মেনতে বাডায় আকানা। এমন চেৎ স্টেজ খন হঁক
অর আঁড়গ য়েয়া মেনতে বাডায় আকানা। মেনখান তেহেঞ প্রতিভায় জিৎকৌর আকানা। Talent দ অনকাগেয় কামিয়ায়। ধারতি রেনাঃ অকা দাড়েহঁ Talent খনদ বায় দাড়েঃআ মেন্তে আডি হড় গেক মনেয়া।
বাডায় ঞাম এনা নোওয়া পোন সের্মাতে
পোনয়া ফিল্ম রিলিজ আকান তায়া। পৌল ফিল্ম 'বুরু কচা কুড়ি' যাঁহারেদ Best
award এ
ঞাম আকাদা ইনা তায়ম ‘ইঞাঃ আতো দিসম। শর্ট
ফিল্ম লেকাতে 'কুকমু' আর "ইঞ বাবাদ সরকার" এমান । তায়ম দারাম ফিল্ম
রিলিজঃ হররে মেনাঃ আকাদা অনাদ "দুলাড়ি"। নিৎ নওয়া লক্ ডাউন চালাঃ কান
খাতির হাপিদ্ মেনাঃ আকাদা। নওয়াক বেগরহঁ আয়মা সেরেঞ অ্যালবাম মেনাঃ আকাৎ তায়া
যেলেকা- 'বাহামালি', বাহামালি-২,পরায়নি
এমান।
বাডায় আকানা মিস্ টুডুদ হারা
তরা খনগে এনেচ্-সেরেঞ আর নাটক এমান করেয় সেলেদঃ কান তাঁহেকানা। আয়াঃ
ইস্কুল,কলেজ জিয়ন করে আয়মা সরকারি আর বে-সরকারি আখড়া করে সেরেঞ আকাদায়। চেদাঃসে বাডায়
আকানা সেরেঞগে তেহেঞ আয়াঃ নংকান ঠাঁওরে সেটের আকাদেয়ায়।
নিত্ ধাবিচ্ Best
Santali Actress লেকাতে সারহাওক চাল আকাদেয়া
বানিজ দিশম সান্তালি রুসিকা পাহ্টা খন ২০১৮ সালরে। Best Santali Actress and Singer লেকাতে সারহাও্ক চাল আকাদেয়া Santali Literary Forum Purulia, অনাবেগর AISFA আর RASCA পাহাটা খনহঁ ২০১৮ সালরে Best Santali Actress লেকাতেক মানাও বাতাও আকাদেয়া।
মুচৌৎরে নওয়াহঁ বাডায় আকানা মিস্ টুডু খাতিরগে তেহেঞ সান্তাড়ি ফিল্ম
ইন্ডাস্ট্রি আডি গান লাহাঃআকানা মেনতে আডিগান হড়গেক মনেয়েদা। উনি ঞেলতেগে তেহেঞ
আরহঁ আয়মা নাওয়া নাওয়াক সান্তাড়ি ফিল্ম ইন্ডাস্ট্রিরেক সেলেদঃ কানা মেনতে টাটা
ট্রাস্ট হঁয় মনেয়েদা। আর অনাতেগে ইন্ডাস্ট্রি হঁ নুয় ইদিকাতেৎ আডি মারাং
সান্তাড়ি ফিল্ম জগৎ রেনাঃ কুকমুয় ঞেল এদা।
.webp)
.webp)
