মাচেদ প্রাণকৃষ্ণ হেম্ব্রম রেঁগেচ নাচার হড়কো জমাঃএ এমাৎ কোওয়া

আবোওয়াঃ ওয়েব পেজ : কোরোনা ভাইরাস ঞুতুমান মিৎ মারাং আজার তে ধারতী জাকাৎ লকডাউন চালাঃ কানা। আর নওয়া লকডাউন খাতির মানমি কোওয়াঃ কামি হরা একালগে বন্দ মেনাঃ আ। কামি হরা বাং খাতির রেঁগেচ নাচার হড়কো আডি আনাটরে মেনাঃ কোওয়াঃ। মিৎ বেড়া জম ঞু জটাও গে আডি কষ্টয়ান কামি কানা। নওয়া অক্তে পুরুলিয়া জেলা রেনাঃ কাশিপুর থানারে মেনাঃ নাড়া আতোরেন মাচেদ গমকে প্রাণকৃষ্ণ হেম্ব্রম রেঁগেচ নাচার হড় কোঠেন চাদোঁ বারাবারিয় সহর সেটের এনা। রেঁগেচ নাচার হড়কো যাতেঃ মিৎবেড়া জম ঞু ঞাম কাতেঃ বাঞ্চাও কো তাঁহেন অনা লাগিঃ তে অনা আতোরেন হড়কো দেড় কুইন্টাল চাওলে আর মিৎ কুইন্টাল আলু এম কাতেৎ এ গড় আৎ কোওয়া। রেঁগেচ নাচার হড়কো উনি মাচেদ গমকেয়াঃ গড় ঞাম কাতেৎ আডি কো রাস্কায়েনা। রাস্কাতে হাড়াম বুড়হি হড় কোওয়া মেৎদাঃ জরয়েন তাকোয়া। সানাম হড় জম ঞু গড় ঞাম কাতেঃ মাচেদ গমকে প্রাণকৃষ্ণ হেম্ব্রম বাবুদ আডি কো সারহাও কেদেয়া। অনা তায়ম মাচেদ গমকেয় মেনকেদা হাপেন দিন নংকাগে রেগেচ নাচার হড়কো আরহঁ গড়য় এমা কোওয়া।