 |
| মেনাঞ তাঁগিরে |
আবোওয়াঃ ওয়েব পেজ : পুরুলিয়া জিলা বোরো থানা রেনাঃ বর পাতাদ আডি ঞুতুমান পাতা কানা। যাঁহাদ বছররে বাইশাখরেনাঃ ৩ দিনরে হোয়াঃ আ। যাঁহা দিনদ হলাগে পারমেনা। মেনখান নেশদ দিশম জাকাত করোনা ভাইরাস রেনাঃ জেরতে গটা পাকাড়গে লক ডাউন চালাঃ কানা অনা খাতিরগে নেশদ পাতা দ বাং হোয় লেনা। আয়মা হড়াঃ মনের আশা মনেরেগে বাসা তাঁহেয়েনা। বাডায়আকানা নওয়া পাতাদ নেতারদ পালু টুডু পাতা ঞুতুমতে হোয় ইদিঃ কানা। নেশদ ইশি সেরমা তাঁহে কানা। বোরো পাতা হোয় লেনখান হাজার হাজার হড়ক সেটের কঃ আ। উড়িষ্যা, বিহার, ঝাড়খন্ড পনৎ খনহঁ আয়মা হড় বাস গাডি রিজার্ভ কাতেৎ রাস্কাগে দোমেল দোমেলক সেটেরকঃ আ। জিলা রেন হড়হঁ বাস গাডি এমান গাডি রিজার্ভ কাতে, আর বাংখান আপনারা গাডিতেক সহর সেটের কঃ আ। পাতারে লাডু, পিঠা দকান থারে থারক সাজাও কেয়া। ত্রিয়, বানাম, তুমদৌ টামাক খন এহব কাতে সানাম লেকানাঃ অড়াঃ কৌমিরে লাগাঃ জিনিস পাতিক আখরিঞ কেয়া। তিনাঃ পুঁথি দকান তাঁহেকঃ কেয়া, তিন সাজাও সাপড়াও হোটেল। তিনাঃ তিনৌঃ ধুতি, শাড়ি, পাঞ্চি ধুতি, পাঞ্চি পাড়হার। এমান আখরিঞ কঃআ তিনা তিনা হড়াঃ ঞেপেল ঞাপাম হোয় কঃআ তিনা রাস্কাগে। মেনখান নেশদ করোনা ভাইরাসগে উনাঃ উনাঃ হড়াঃ রাস্কৌয় রাপুদ রচদ্ কেদা মেন্তে হড়ক মেনেদা। অনকাগে বাডায় আকানা তেলকুপি বারনি ঘাটরেহঁ যাঁহাদ খেরওয়াল হপনা সেরওয়া লেকাতে জাং বাহা বুহেল।
ধরম রেনাঃ কামিহঁ নিয়াবারদ হাপিত তাঁহেয়াকানা। বাডায় আকানা যাঁহাদ সাঁতুড়ি থানারে মেনাঃ দামোদর নাই তেলকুপি বারনি ঘাটরে যাও সেরমাগে ২৫,২৬,আর ২৭ মার্চ মাহিত হিলঃ নওয়া ধরম জমেলায় হোয়ো কান তাঁহেকানা। যাঁহারেদ আসাম ,উড়িষ্যা,বিহার, ঝাড়খন্ড পনৎ এমন চেৎ বাহ্রে দিশম বাংলাদেশ খনহঁ আয়মা হড় জাং বাহা বুহেল লাগিৎ ক সহর সেটেরঃ কান তাঁহে কানা। মেনখান অনাহঁ করোনা ভাইরাস আর দিশমরে লক ডাউন চালাঃ কান খাতির তেলকুপি বারনি ঘাট কুমুট পাহ্টা খন হাপিদ্ দহ রেনাঃ কাথা দিশ্ম হড়ক বাডায় হচওয়াকাৎ কোওয়া। অনাখাতির সোসাল মিডিয়ারে ঞেল আকানা আয়মা হড় তেলকুপি বারনি ঘাট কুমুটকো সারহাওক চাল আকাত্ কোওয়া।
নতে দারায় কানা নাম জিৎকার আযোদিয়া বুরু সেঁদরা। নওয়া বাইশাখ কুনামিরে। কাথারে মেনাঃআ যাঁহায় কড়া আযোদিয়া সেঁদরা বায় চালাও আকানা উনিদ কাথায় এগাঁৎ কুখিরেগে মেনায়া। যোদিয়া বুরু সেঁদরা ঞুম লেখানগে ল-বির সুতান টাঁডি কাথা হিজুঃআ। যাহাঁদ খেরওয়াল কোওয়া সুপ্রীমকোর্ট। অনাতে পছিম্বাংলা রেনাঃ আয়মা জিলা খন এমন চেৎ পছিম্বাংলা সোর পনৎ বিহার, ঝাড়খন্ড খনহঁ আয়মা শিকারিয়াক সহর সেটেরঃআ। মেনখান নেশদ অনাহঁ হাপিদঃ হররে। চেদাসে বাইশাখ নামি সেটেরঃতে লেখা লেখা আর কয়েক মাহা মেনাঃআ। নতে দিশমরে লক ডাউন রেনাঃ মুচাৎ মাহা ৩ মে। অনা তায়ম চেৎ আরহঁ লক ডাউন ? কুক্লি দ তাঁহেন কান গেয়া। তবে আয়মা হড়াঃ মচারে আঁজমঃ কানা নেশদ আযোদিয়া সেঁদরাদ হেঁচং গে। নংকাগে আরহঁ আয়মা লেকানাঃ খেরওয়াল কওয়াঃ পাতা, পর্ব, লায়লাকচার আখড়া এমান সানামাগে নওয়া বতরান করোনা ভাইরাস (কোবিদ-১৯) খাতির গে হাপিদ্ঃ কানা। নওয়া খাতির বাডায়ঃ কানা কিরিঞ আখরিঞ হড় আয়মা আনাট রেক পাড়া কানা। মেনখান নংকাকাতেৎদ আর তিনাদিন ? নংকান কাথা নিৎ আয়মা হড়াঃ মচারেগে আজঁমঃ কানা। মেনখান তেলাদ নিৎ হাবিচ্ অকয়া মচারেহঁ বাং আজঁমঃ কানা।
.webp)
.webp)
