আবোওয়াঃ ওয়েব পেজ : আযোদিয়া বুরুদ পুরুলিয়া জিলা রেনাঃ মিৎ ঞুতুমান বুরু কানা। গটা দেশ দিশম রেন হড়ক ঞুতুমা আরক বাডায়া নোওয়া বুরু রেনা মুহিম কাহনী। মাঠা বুরু,চামটা বুরু এমান আডি গটাং বুরু লাইতে নোওয়া আযোদিয়া বুরু দারে নাড়িতে সাজাও মেনাঃআ। অনাতে নোওয়া বুরু রেনা হয় হিঁসিদ আডি জিয়াড়া। বুরু রাকাপ্ বাঁদু গাডা আর বুরু চেতান বামনী গাডা ঝারনা দাঃ নিৎহঁ দিশম দাঁড়ানিয়া কোওয়া মনেয় গাউয়ুজা মেন্তেগে হড়ক মেনা।
মেনখান নেতার আঁজমঃ কানা সেদায় লেকা আযোদিয়া বুরু নেতার উকুর ? খবররে বাডায় আকানা ঠুড়্গা পাম্প ষ্টোরেজ বেনাও ঞুতুমতে হাজার হাজার দারে মাঃ উজাড় হোয় আকানা। আরহঁ নতে চরা কোম্বড়ো কোওয়া ঝালিতে আয়মা জীব জিয়ালিহঁক নাশাও চাবা কানা। সোর সোপোর হড়ক মেনা ভিৎরি ভিৎরিতে বুরুদ ঝাঁঝ্রা চাবাঃ কানা। তবে অনাহঁ খবররে বাডায় আকানা নোওয়াক টেকাও দারাম রেনাঃ কামি হরা হঁ এহব আকানা। মিৎ বার ধাও কোর্ট রেনাঃ রায় হঁ অডোক আকানা। আর রায় কদ আঁদোড়িয়াক সেনগে চালাও আকানা। আর আযোদিয়া বুরু বাঞ্চাও আঁদোড়িয়াহঁ আঁদোড় কামিক চালাও ইদিয়েৎ গেয়া। তবে দিশম রেনাঃ নিৎ লক ডাউন খাতির সানাম কামিগে হাপিৎ হাতাড় আকানা।
মেনখান নে সোর দিন বাডায় এনা মিৎ বার কুমুনিয়া হড়্ক বুররে সেংগেল ধরাও কাতেৎ বুরু মালট রেনাঃক রিকায়েদা। তবে অনাহঁ বাডায় আকানা নোওয়া তায়মরে মিৎ রকম অসাধু বেবসায়ি কোওয়া তি মেনাঃআ মেন্তে। অনাতে বির-বুরু রেন চেঁড়ে চোপরোৎ কদ বতর তেক লোকোৎ লোকোৎ দঃ কানা। বাডায় আকানা বাড়তি কায়তে যতখন মারাঃ চেঁড়ে আডি মুহিম রেক পাড়াও আকানা। বুররে নংকা সেংগেল ধরাও ঞেল খাতির প্রশাসনিয়াহঁ দৌড় বেরেৎ রাকাপ আকানায় আর আতো আতো পরচার এ ধুরাও আকানা। তবে সোর সোপোর হড়াঃ মেনদ প্রশাসনিয়াহাঁ আরহঁ কেটেজঃ লাক্তি কানা।
.webp)
.webp)
