কন্টাই আর্শাল সিরজাও গাঁওতা পাহ্‌টা খন জমাঃ এম হোয় এনা

আবোওয়াঃ ওয়েব পেজ : বাঁকুড়া জেলারেনাঃ ঝিলিমিলি সোররে মেনাঃ পোড়াডি আতোরেন বার হড় রাস্তা কামি কিন হেজ লেনা। দল ছুডৌর কাতেঃ পূর্ব মেদিনীপুর জেলারেনাঃ কাঁথি বাজাররে লক ডাউন খাতির আটক মেনাঃ কিনা। বাবা হড়াঃ ঞুতুমদ জ্যোতিন মান্ডি। ঠিকাদার কিছু দিন জম ঞু এম পর আদ বায় এমাকিন কানা। দায়াগে বৌদ বায়হাড়রে আড়াঃকিন সিদ বাড়ায়েদা জম ঞু খাতির। অনকা কাতেঃ গে পূর্ব মেদিনীপুর রেনাঃ কাঁথি বাজাররে মেনায় বাঁকুড়া জেলারেন মাচেদ রবিদাস টুডু সাঁও পরিচয় হোয় এন তাকিনা। আদ রবিদাস টুডু ঠেন আডি দুঃখ কিন সদর কেদা, আর অড়াঃ চালাঃ লাগিৎ জাঁহানাঃ গে ব্যাবস্থা কিন মেতাদেয়া। টুডু গমকে দ কাঁথি আর্শাল সিরজাও গাঁওতারেন সভাপতি বিশ্ব লক্ষন সরেন গমকেয় বাড়ায় অচো কেদেয়া। অনালেকাতে উনকিন হড় যাতে অড়াঃ কিন চালাও

দাড়েয়ামাঃ, অনা লাগিৎ গাঁওতারেন সভাপতি আর গাঁওতারেন কামিয়ৌ রবিদাস টুডু উনকিন হড় ইদি কাতেৎ কাঁথি থানারে কিন দরবার কেদা মেনখান কাঁথি থানা  উনকিন ইদি লাগিৎতে বিশেষ বায় গুরুত্ব আদা। চালাঃ রেনাঃ হর ডাহার বাং ঞাম খাতির রাঃ মেৎহা কাতেঃ আকিনাঃ কুম্বৌ অড়াঃ কিন রুয়ৌড় হেজ এনা। অনা ঞেল কাতেঃ কাঁথি আর্শাল সিরজাও গাঁওতারেন সভাপতি বিশ্ব লক্ষন সরেন আর গাঁওতারেন সহেদ্‌ রবিদাস টুডু উনকিন লাগি্ত মিৎ চাঁদ রেনাঃ জমাঃ বাখরা চাউলে ,আলু, মসুর ডাল, সুনুম এমান এমান জিনিস কিন চাল আত কিনা।আর যতদিন লকডাউন তাঁহেনা উনদিন উনকিনাঃ জম ঞুয় এমা কিনা মেনতে গাঁওতা সভাপতি বিশ্ব লক্ষন বাবুয় মেন সদর কেদা।