(নোওয়াদ দশার হাটিঞ)
মানতান অঞ্জন বাবুওয়াঃ সান্তাড়ীদ গ পারশি বাং কান রেহঁ নোওয়াগে আচ্দ গ পারশি লেকাগেয় মনেয়া। অনাতে সান্তাড়ীতে অলঃপাড়হাও কাতেৎ আর সান্তাড়ী পারশিতে চাকরি ঞাম কাতেৎ উনিয়াঃ আন আইকাউদ আডি মঁজ গেতায়া মেন্তেয় সদর আকাদা।
হাপেন দিনরে সান্তাড়ী পারশি লাইতে আর চেৎক সানা মেনাঃ তায়া মেন্তে কুক্লি দহ লেনরে মানতান গমকে লাই কেদায় – সান্তাড়ী পারশিতে আয়মা লেকান সিরজন কামিগে মেনাঃআ। যেলেকা সাঁগেঞঃ পুঁথি অল আর অনাক ছাপাও সদর, হড় সেরেঞ চেতানরে যাঁহা মিৎটাং দর্শন (Philosophy) মেনাঃআ অনা বিশ্ব দরবাররে সাপ রাকাপ্ রেনাঃ উইহার মেনাঃআ।
সান্তাড়ী পারশি পাড়হাওরে আনাট, লাহান্তি, আর পরিকাঠামো ইদি কাতেৎ বাডায় এনা- পুঁথিরেনাঃ আনাট মা মেনাঃগেয়া অনা বেগর নিৎ ধাবিচ্ যত বিশ্ববিদ্যালয়রে গবেষনাগার বানুঃ আকাদা। সরকারাঃ আরহঁ মেৎ লুতুর এমঃ লাক্তি মেনাঃআ। নাহাঃ যুগ রেয়াঃ টেকনলজি সাঁও সান্তাড়ী অলঃ পাড়হাও গপম মেসা রেয়াঃ লাক্তি মেনাঃআ। কলেজ আর বিশ্ববিদ্যালয় করে হুডিঞ হুডিঞ ওয়ার্কসপ্ ,গালমারাও আখড়া তালাতে সান্তাড়ী অলঃ পাড়হাও রেয়াঃ মান বাড়হাও দাড়েয়াঃআ।
পাঠুওয়াক লাইতে সাঁদেশ বাখরা মানতান গমকে ঠেনখন বাডায় এনা- সান্তাড়ী পারশিতে অলঃ পাড়হাওহঁ উনা আলগা মেৎতে ঞেল লেখান বাং গানঃআ। আর এটাঃ পারশি রেনাঃ বিষয় লেকাগে নোওয়া পারশি রেহঁ আডি গাহির গাবে, রাসা মেনাঃআ। নোওয়াহঁ অনকাগে সিরিয়াস ভাবতে পাড়হাও লাক্তি কানা। অনাবেগর যাঁহায়ক কলেজ ,বিশ্ববিদ্যালয় কমপ্লিটঃ কান তাকোওয়া উনকুদ লাতার সেনগে বাং বেঁগেৎ কাতেৎ আরহঁ হায়ার এডুকেশন রেনাঃ যেলেকা U.P.S.C. আর বাংখান W.B.S.C লেকান বিনিড করে দুড়ুপ রেনাঃহঁ উইহার হোয়ো আ মেন্তেয় মনেয়া।
প্রফেসর মানতান অঞ্জন কর্মকারদ সান্তাড়ী সাঁওহেদ্ রেন আয়মা গুণীজনগেক সারহাও আকাদেয়া মেন্তে বাডায় আকনা। অনকাগে মানতান অঞ্জন কর্মকার লাইতে অনলিয়া মানতান সনাতন টুডুয় লাই আকাদা-“কাথারেকো মেনা- ত্রিয়ো অরং এম বাডায় খান রাপুদ্ ত্রিয়োহঁ সাডেয়া” অনকাগে সাঁওতা সে লাকচার এম কুশিয়াঃ খান আমাঃ উপরুম রেনাঃ লাক্তি বানুঃআ, সাঁওতাগেয় উপরুম মেয়া। অনলিয়া অনড়হিয়া,গালচিয়া,খঁদরনিয়া প্রফেসর অঞ্জন কর্মকারদ মিৎ ঞূম হালাং ঞুতুম। যাঁহায় নিজের সাঁওতা খন জাস্তি সান্তাড়ী সাঁওহেদ্ দরবাররে মনে জিউয়ী আলায় আকাদ্ আ, হাপেন দিন রেনাঃ কুক্মু সারি লাগিদ্।
.webp)
.webp)
