আবোওয়াঃ ওয়েব পেজ : করোনা ভাইরাস (কোবিদ-১৯)খাতির দিশমরে নিৎ দসার লক ডাউন চালাঃ কানা। পৌল লকডাউন দিশমরেন প্রধান মন্ত্রী নরেন্দ্র মোদী ২৫ মার্চ হিলঃ খন ১৪ এপ্রিল ধাবিচ্ হুকুম এ জারি লেদা। মেনখান অনাতেহঁ নোওয়া বতরান আজার রেনাঃ ধাদসদ বাং চাবালেনা বরং দিনকে দিন করোনা রুগীক বাড়তি ইদিয়েনা। নতে নোওয়া আজারতে ঞাম লেৎক রুগী রেনাঃ গুজু হিসাবহঁ বাড়তি ইদিয়েনা। উনদ প্রধান মন্ত্রী নরেন্দ্র মোদী দহড়াতে ১৫ এপ্রিল খন লকডাউন এ জারি কেদা ৩ মে ধাবিচ্। নিৎহঁ অনা রেনাঃ জের চালাঃ কান গেয়া। মেন খান নিৎ ঞেল ঞামঃ কানা আয়মা জায়গারে, আয়মা রেঁগেচ্ নাচার হড়দ আডি মুহিম রেক পাড়াও আকানা। বাডায়ঃ কানা অকা অকা জায়গারেদ রেঁগেচ্ নাচার হড়াঃ জমাঃ রেনাহঁ আনাট পাড়াঃ কানা। অনালেকাতে নংকান মুহিম অক্তরে ঞেলঃগঃ কানা আয়মা ক্লাব, গাঁওতা, সংগঠনক রেঁগেচ্ নাচার হড় সোররে তিঁগু কাতেৎ জমাঃ রেনাঃক বন্দেজ এদা।
অনকাগে ঞেল এনা পুরুলিয়া জিলা রেনাঃ মানবাজাররে অনা এলাকারেন রেঁগেচ্ নাচার হড় লাগিৎ ২০ এপ্রিল খন May I help You গ্রুপ পাহ্টা খন চাওলে, আলু, ডাল, সয়াবিন, সুনুম, বুলুং, বিস্কুট সাবন এমান জিনিস পাতিক এম চাল আকোকানা। বাডায় আকানা ১৪২৯ গটাং পরিবার নওয়া গ্রুপ খন গড়ক এমা কোওয়া। নোওয়াতে দুরিব হড়ক আডিক উবগারঃ কানা মেন্তে বাডায় আকানা।
আরহঁ বাডায় এনা বাংমা নোওয়া May I help You গ্রুপরে মিৎ ঞূতুমান ডাক্তার বাবু মানতান সুরজিৎ সিং হাঁসদাহঁ মেনায়া। বাডায় আকানা মানতান সুরজিৎ সিং হাঁসদা দ এখেন ডাক্তার বাবু সুমুং দ বাং কানায়। উনিদ ঞূতুমান মিৎ সাঁওতা সুসারিয়াহঁ কানায়। উনিদ তেহেঞ সাঁওতা রেনাঃ আয়মা লেকান গাঁওতা সাঁও জপড়াও কাতেৎ এ কামি কানা। উনিদ পছিম্ বাংলা রেনাঃ পুরুলিয়া,বাঁকুড়া খন এহব কাতেৎ বর্ধমান, বীরভুম জিলা করেনাঃ আয়মা জায়গারে সাঁওতা রেনাঃ এ কামি আচুর এদা। মানতান গম্কে দ নিৎ বাঁকুড়া মেডিক্যাল কলেজরেন প্রফেসর কানায়।
বাডায় এনা হলা ২২ মার্চ হিলঃ দিনদ মানতান ডাক্তার বাবুওয়া পাহ্টা খন চাওলে, আলু, ডাল,সয়াবিন, সুনুম, বুলুং, বিস্কুট, সাবন এমান জিনিস পাতিক এম চাল হুয় এনা। নওয়াতে মানবাজার ব্লক রেয়াঃ বিসড়ি, চিরুডি আর দোলদাড়িয়া আতোরেন ১০৭ গটাং পরিবাররেন রেঁগেচ্ হড় গড়ক ঞাম কেদা। অনাতে সোর সোপোর আতোরেন হড়হঁ মানতান হাঁসদাদ আডি আডি সারহাওক চাল আকাদেয়া। আরহঁ নংকাগে হিজুঃকান ২৪ মার্চ হিলঃ মানতান ডাক্তার বাবু হতেচ্তে অনা এলাকারেন রেঁগেচ্ হড় গড়ক ঞামা মেন্তে বাডায় আকানা।
.webp)
.webp)
