আবোওয়াঃ ওয়েব পেজ : দেশরে দিশমরে নিৎ করোনা ভাইরাস (কোবিদ-১৯)খাতির লক ডাউন চালাঃকানা। নওয়া লক ডাউন চালাঃকান অক্তরে অকয় অকারে,চেৎ লেকারে মেনাঃ কওয়া , অকয় অকয়াঃ খবরে দহয়া ? সানাম হড়গেত আপনারা জিউয়ী বাঞ্চাও লাগিৎ আপনারা অড়ারে বল বায়। আয়মা হড়গে মিৎ বার গাতে আর বাংখান পেড়া-পারবা ঠেন ফোন বাড়া কাতেৎ বতর সাত্লাঃ দিনক খেমাও এদা। অনাবেগর উপায়হঁ বানু তাকওয়া। মেনখান অনাতালারেগে মিৎ বার হড়দ আয়াঃ জিউয়ী আলায় কাতেৎ পাড়া-পড়শি,আতো অড়াঃ আর সাঁওতারেন হড়াঃহঁ তলাসক দহয়েদা। তিনাঃ মুহিম অক্ত চালাঃকানা অনাদ উনকু বেগর অকয়ক বাডায়া ? তলাস ঞামেৎ কওয়াক অকারে রেঁগেচ্-তে হড় মেনাঃ আকাৎ কওয়া অকারে হড় অভাবতে মেনাঃ আকাৎ কওয়া। অকয় অকারে অসহায়রে মেনাঃ আকাৎ কওয়া অনকান হড়াঃ তলাসক হাতাও এদা। আর গড়ক চাল আক কানা।
অনকাগে ঝাড়গ্রাম রেনাঃ হাসপাতালরে মিৎ চিতার ঞেল ঞাম এনা। হাসপাতালরে ভরতিয়াকান রুগীরেন অড়াঃ হড়ক জমাঃক এমাক কানা। তলাস কাতেৎ বাডায় ঞাম এনা অনাদ কানা ‘মনের ঠিকানা’। আরহঁ বাডায় এনা নওয়া ঠিকানারেন চাচালাওক মুদ্রে মেনায়া সান্তাড়ী ফ্লিম রেন ঞুতুমান নায়িকা বিরবাহা।
যাঁহায়দ নিৎ ধাবিচ্তে ১৭ গটাং ফ্লিমরে অভিনয় আকাদায়। আর অভিনয় জীয়নরে ৭সেরমা পর পরগে Best Actress লেকাতে বাছ্নাও শিরপায় ঞাম আকাদা। সরেশ ফ্লিম মুদ্রে তায় “আমগে সরেশ দুলাড়িয়া”, “বারডু”,ফুলমুনি”এমান। আর নোওয়া ফুলমুনি পুঁথিগে জেগেৎ জাকাৎ ফ্লিম উৎসবরে পাহিল উতার সান্তাড়ী ফ্লিম কানা। ২০১৮ সালরে সালরে ফুলমুনি দিল্লী ফ্লিম উৎসবরে দাও এ ঞাম লেৎআ। অনাতায়ম নে হালেগে ২০১৯ সালরে কোলকাতা ফ্লিম উৎসবরেহঁ উদুঃ রেনাঃ দাও এ ঞাম লেদা।
উনিঠেন খনগে বাডায় ঞাম এনা বাংমা লক ডাউন তায়ম তায়ম নওয়া ‘মনের ঠিকানা’ খনগে নংকানা কামি হরা হাতাও হোয় আকানা। লক ডাউন তায়ম ঞেল এনা আয়মা হড়ক যাতার কাতার বাডায় এনা। দকান-পাট, হোটেল কঁহ সানাম বন্দ ইদিয়েনা। হড়ক আঁট টাঁব চাবায়েনা। পয়সা পাতি তাঁহেলেন রেঁহ অকারেগে জমাঃ বাং ঞাপাম কানা।
নংকানা মুহিম অক্ত ঞেলকাতে এতহবরে পোন হড়াঃ মনে মিলাও এনতে তেয়ার হোয় এনা ‘মনের ঠিকানা’। গটা হোয় এনা নওয়া লক ডাউন অক্তে হাসপাতালরে ভরতি য়াকান রুগীরেন অড়াঃ হড়ক যাঁহায়দ বাহরে করেক তাহেঁন কানা,উনকু লাগিৎ বার বেড়া জমাঃ রেনাঃ বন্দেজ হোয়োঃআ। আর ইনা হিলঃখন গে চালুওয়াকানা। নিৎহঁ চালুগে মেনাঃআ। আর যাঁহা তিনা দিন লক ডাউন তাঁহেনা উনা দিন ধাবিচ্গে নওয়া কামি হরা চালাঃআ।
বাডায় এনা দিনাম ২৫০ জন হড়াঃ বার বেড়া জমাঃ বেনাঃ কানা। নিৎ ‘মনের ঠিকানা’ রে পোন হড় খন সাঁগে কাতেৎ গেল বার হড়ক হোয় আকানা।
মানতানিয়াঠেন দহড়া কুক্লি দহ হোয় লেনা , নিৎ নওয়া লক ডাউনরে আর চেৎক চিকা হোয়ো কানা ? তেলারে লাই আকাদায় অনকাদনহা বাড়তি কায়তে হাসপাতালরেগে বার বেড়া হিজুঃ সেনঃ হোয়ো কানা। অনাবেগর অক্তক ঞাম লেনখান আতো দিশমরেন কাটিচ্ কাটিচ্ বাবু মাই তেক বিস্কুটক এম চাল হোয়োঃ কানা।
শুটিং বাখরা তেনাঃ কুক্লি রেদ লাই কেদায়- আসানসোল খন “মন” মেন্তে মিৎ ফ্লিম শুটিং চালাঃ কান তাঁহে কানা। অনাহঁ নিৎ লক ডাউন খাতির বন্দগে মেনাঃ আ। মুচাৎরেদ নওয়া ‘মনের ঠিকানা’ রে তাঁহে কাতেৎ মনেরে অকালেকা আনআইকাঊ হিজুঃ কানা ? খাট মাছাতেগেয় তেলা কেদা মানমী দুক্রে মানমী গেতক সোরঃআ।
বাডায় আকানা ‘মনের ঠিকানা’ দ এখেন জমাঃ এম সুমুং তেদ থির বানুয়া,হাসপাতালরেন যাঁহায় হড়াঃ হিজুঃ সেনঃরে টাকা পয়সা বানুঃ তাকোওয়া উনকুকদ টাকা পয়সাহঁক এম গড় আকো কানা। অনাতে নিৎ অনা এলাকা সে হাসপাতালরেন উনকু অসহায় হড়াঃ নওয়া ‘মনের ঠিকানা’ গে আকোওয়াঃ ঠিকানা হোয় আকানা মেন্তেহঁ বাডায় আকানা।
.webp)
.webp)
