সিঁগি মাহা রেনাঃ সাকাম ‘চেরেচ্‌ আড়াং’ লেখা - ১৭৮

 

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান-   ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠᱤᱥᱠᱤᱱᱫᱷᱟ   ᱢᱩᱨᱢᱩ,    সুরেন্দ্রনাথ হেম্ব্রম,  সমরলাল টুডু,  দুগাই টুডু ।

  

১।।

ᱥᱮᱨᱢᱟ  ᱫᱟᱜ

ᱜᱳᱯᱮᱥᱣᱚᱨ ᱢᱟᱹᱱᱰᱤ

 

ᱡᱟᱹᱯᱩᱫ ᱨᱤᱛᱩ ᱢᱤᱫ ᱫᱤᱱ

ᱥᱤᱛᱩᱝ ᱫᱚᱦᱚᱣ ᱟ ᱠᱟᱫ,

ᱚᱱᱟ ᱧᱮᱞᱛᱮ ᱞᱩᱜᱽᱲᱤᱡ ᱞᱟᱯᱚ

ᱥᱚᱵᱚᱫ ᱥᱟᱯᱟᱣ ᱟ ᱠᱟᱫ ᱾

 

ᱛᱟᱨ ᱴᱟᱸᱜᱟᱣ ᱨᱟᱪᱟ ᱨᱮ

ᱛᱟᱸᱦᱮ ᱠᱟᱱ ᱛᱟ ᱞᱮ,

ᱞᱩᱜᱽᱲᱤᱡ ᱞᱟ ᱯᱚ ᱛᱟ ᱥᱮ ᱟ ᱠᱟᱫ

ᱟᱹᱰᱤ ᱱᱟᱯᱟ ᱭ ᱯᱟ ᱞᱮ ᱾

 

ᱟᱪᱠᱟ ᱜᱮ ᱦᱚᱭ ᱦᱤᱥᱤᱫ

ᱯᱟ ᱞᱴᱟᱣ ᱜᱚᱫ ᱮᱱᱟ,

ᱦᱮᱸᱫᱮ ᱨᱤᱢᱤᱞ ᱦᱚᱭ ᱫᱟᱜ

ᱜᱩᱨᱞᱟᱹᱣ ᱦᱮᱡ ᱮᱱᱟ ᱾

 

ᱦᱟᱣᱮᱫ ᱞᱩᱜᱽᱲᱤᱡ ᱫᱟ ᱭᱟ ᱜᱮ

ᱞᱚᱦᱚᱫ ᱪᱟ ᱵᱟᱭ ᱮᱱᱟ,

ᱡᱚᱦᱟ ᱪᱟᱯᱚ ᱠᱟ ᱛᱮ ᱤᱧ

ᱛᱟᱸᱦᱮ ᱩᱛᱟᱹᱨ ᱮᱱᱟ ᱾

=O==O==O==O==O=

২।।

ᱪᱟ ᱥᱟ  ᱦᱚᱯᱚᱱ

ᱠᱤᱥᱠᱤᱱᱫᱷᱟ   ᱢᱩᱨᱢᱩ

 

ᱪᱟ ᱥ ᱠᱟᱹᱢᱤᱨᱮ ᱡᱟᱨᱜᱮ ᱡᱟᱯᱩᱫᱽ

      ᱠᱷᱮᱛ ᱵᱟᱹᱫᱨᱮ ᱦᱟᱱᱤ ,

ᱛᱳᱫ ᱨᱚᱦᱚᱭ ᱵᱟᱹᱫᱽ ᱵᱟᱹᱭᱦᱟᱹᱲᱨᱮ

        ᱮᱠᱟ ᱞᱜᱮ ᱜᱟᱱᱤ ᱥᱟᱱᱤ  ᱾

  

ᱪᱟ ᱥ ᱠᱟᱱᱟ ᱭ ᱦᱳᱲᱳ ᱜᱚᱦᱚᱢ

   ᱦᱚᱛᱚᱫ ᱡᱷᱤᱜᱟᱹ ᱮᱢᱟᱱ ,

ᱵᱤᱞᱟᱹᱛᱤ ᱵᱮᱸᱜᱟᱲ ᱠᱚᱸᱦᱚᱵᱟ ᱢᱟᱨᱤᱪ

         ᱟᱨ ᱦᱚᱸ ᱪᱟ ᱥ ᱥᱟᱱᱟ ᱢ  ᱾

  

ᱪᱮᱫ ᱫᱚ ᱥᱤᱛᱩᱝ ᱪᱮᱫ ᱫᱚ ᱨᱟ ᱵᱟᱝ

         ᱪᱮᱫ ᱡᱟ ᱯᱩᱫᱽ ᱫᱚᱨᱮ ,

ᱠᱟᱹᱢᱤ ᱵᱷᱮᱫᱨᱮ ᱢᱮᱱᱟᱜ ᱮ ᱢᱟᱲᱟᱝ

 ᱵᱟᱹᱫᱽ  ᱵᱟᱹᱭᱦᱟᱹᱲ  ᱠᱚᱨᱮ  ᱾

  

ᱥᱤ  ᱟᱸᱲᱜᱚᱢ ᱟᱲᱮ ᱞᱟᱜᱟᱭ

  ᱯᱩ ᱠᱷᱩᱥᱤᱭᱟᱹᱣ ᱠᱟᱹᱢᱤ ,

ᱛᱳᱫ ᱨᱚᱦᱚᱭ ᱮᱨᱟ ᱤᱨᱟᱭ

    ᱦᱚᱨ ᱥᱟᱢᱴᱟᱣ  ᱱᱟ ᱢᱤ  ᱾

  

ᱥᱟᱸᱣᱭᱟᱭ ᱨᱮᱫᱚ ᱪᱟ ᱥ ᱟᱵᱟᱫ

     ᱦᱳᱭᱳᱜ ᱟᱰᱤ ᱵᱷᱟᱜᱮ,

ᱠᱷᱚᱨᱟᱭ ᱨᱮᱫ ᱦᱟ ᱦᱟᱲᱟᱜ ᱜᱮ

     ᱵᱷᱟᱵᱤᱛ ᱢᱚᱱᱮ ᱨᱟ ᱜᱮ  ᱾

  

ᱟᱨᱡᱟᱣ ᱠᱟᱛᱮ ᱫᱤᱱᱟᱹᱢ ᱫᱤᱱ

      ᱩᱯᱟ ᱭ ᱞᱟᱦᱟ ᱠᱟᱱᱮ ,

ᱫᱤᱥᱚᱢ ᱦᱚᱲᱟᱜ ᱞᱟᱪ ᱢᱚᱪᱟᱨᱮ

         ᱡᱚᱢᱟᱜ ᱮᱢ ᱫᱟᱱᱮ  ᱾

  

ᱥᱮᱨᱢᱟ ᱵᱷᱳᱨ ᱠᱟᱹᱢᱤ  ᱠᱟᱥᱱᱤ

      ᱡᱤᱨᱟᱹᱣ ᱵᱟᱱᱩᱜ ᱛᱟᱭᱟ ,

ᱪᱟ ᱥ ᱠᱟᱹᱢᱤᱨᱮ ᱡᱚᱲᱟᱣ ᱠᱟ ᱛᱮ

     ᱢᱚᱡᱽᱛᱮ ᱦᱮᱱᱟᱭ ᱜᱮᱭᱟ  ᱾

=O==O==O==O==O=

৩।।

এ বৗরুডাং বৗরু ডাং

সু রে ন্দ্র না থ হে মব্র ম

 

এ বৗরুডাং বৗরু ডাং

চলোলাং অডাও টরোডাং|

সাব কোওয়া লাং হৗকু

বালাং এমায়া দুঁধৗ টৗকু ||

 

এ বৗরুডাং বৗরু ডাং

উডৗব কানা ক পিপিড়জাং|

দেলা লাং অডাও বৗঁড়সি

আলাং লেকা আলাং কুসি ||

 

এ বৗরুডাং বৗরু ডাং

চেৎ সাডে কানা ঠং ঠাং |

হৗজুঃ কানা ক আম সাব

নিতঃ দ আলম আঁবউঁব ||

 

এ বৗরুডাং বৗরু ডাং

গাতেঃ কানাম ইঞ সাং|

ইঞ বৗগিকাতে আলম ঞির

সেঁদরা য়াকো তেহেঞ বুরুবির ||

 

এ বৗরুডাং বৗরু ডাং

আলম গিতিজ গালাসাং |

এলখা বাঁখেড় চৗড়ুব দন

রুউয়ৗড় আলাং অড়াঃ সেন ||

 

এ বৗরুডাং বৗরু ডাং

দিনিঞ মেঁৎতাং দিনিঞ দাং |

দেলা নিতোঃ লাং এনেজা

চাওলে রাসা লাং চেপেজা ||

=O==O==O==O==O=

৪।।

চুটয়া হপন্

সমরলাল টুডু

 

হপন্    হপন্     চুটয়া     হপন

দনেদায়্  চাড়াব্  চুড়ুব্,

হপন্   বাবুই    বেঁগেৎ   আকাদে

গাঁডরে  দুড়ুব্  দুড়ুব্   ।

 

বাঁদি    পেরেজ্    জঁডরা   গুঁদলি

হাপেন্   লাগিৎক  দহয়্,

কাটার্    কুটুর্    জজম্   লাগিৎতে

চুটয়া   হপনদয়্  হহয়্   ।

 

ঢুলা    চেতান্    লাতারে   দনেৎ্

আচগে  পালেন্  কিঁষাড়,

আরজাও   আকাৎ্   খাটাও   কাতেৎ

বাইশাখ্  ঝেঁট্  আষাড়্   ।

 

ভসকাও   লাগিৎ্   বাঁদিয়্   ভুগেৎ

ঘেসের্   ঘেসেরে  গেলেজ্,

কুঁবড়ু   ডাঁগরি   লাজাও    বতর্

বানুঃগে   তায়া   চেলেজ্   ।

 

বাবুই    মেতায়   হাপোই   হাপোই

বাঁদিদ   আলম্   জটেদ্,

আঁড়গ   কাতেৎ্   গাঁডখন্    বাবুদ

তাড়ামে   হাড়েৎ্  পাটেদ্   ।

 

আপেদ   চেৎপে    উইহার্,  আলেদ

যায়যুগলে  তাঁহেন্  উদার্,

হিঁসিৎ্   হয়গেত    বাইশাখ   বঁগাদ

হ- য়ায়্   হাদার্  হাদার্   ।

 

চালাওয়েন্   সেরমা   জঁডরা    ফটরে

লাগাও  লেনাক হুতি,

বাংতাঁহেকান  তাপেয়া চুপি চাঁড়বল্

আলেয়াঃ হুয়েন্ খুতি  ।

 

আলেদ  রেঁগেজ্  নাচার্  মানমি

খাটাও  কাতেলে আসুলঃ,

ভাট্  বোসটম্  চুটয়া  গুডুক

আপেদ কয়তেগেপে উসুলঃ  ।

 

রাঁগাও  কাতেৎ্  চুটয়া  হপনাঃ

চাঁড়বল্  রেগেয় লেবেদঃ,

বতর্  সাতালাঃ  চুটয়া  হপন্

লাতার্ ঢুলারেয়্ লাঁবেদঃ  ।

 

বাবুওয়াঃ  রাগিদ  রাড়েজ্  এনতে

ভিতার্  খনদয়্ বাহেরেন্,

ঞেঁলতে  চুটিয়া   উয়ুং  চিঁডুঃ

বিনঠিতে জাঁগারেয়্ লাহেরেন্  ।

=O==O==O==O==O=

৫।। 

বুধে মাঝি

দুগাই টুডু

 

ভারত ছাড়ো লাড়াওনা হঁচো

     বীরভূমরেগে হোয় লেনা,

সান্তাড় সাঁওতা তালা রেহঁ

      উনদ পাসনাওএনা।

 

বোলপুর রেদ রেঁহড়া হঁচো

    উনরে হহ কেদা,

আতো আতো সান্তাড় কো উনগে

      আডিকো সেলেদ লেদা।

 

মিছিল অনা আটক লাগিৎ

     মিলিটারী কো কোলা,

গুলিতে ভিঁদাড় জেঠা মাঝি

     জিউয়ি চালাও ভালা।

 

ঘালগে লেনায় গনেশ সরেন

    সাঁওতে আরহঁ গেদ,

আয়মা হড়গে মহিষডাল রেনহঁ

     তাঁহে লেনকো আদ।

 

ঠুঃগে অক্ত বুধে মাঝি

   দারে দেচ লেনে,

অঁডে খনগে সারে তেরাং

  আমদা আড়াঃ আনে।

 

মিলিটারী পুলিশ সুপার দয়

   হানেয় গচ্‌ কেদে,

অনা থেড়ং ব্রিটিশ গেচো

    বতর বল আদে।

 

গোরখা সিপাহি ইরাল লেকা

    জিউয়ি চালাও বাড়া,

নোওয়া কাথা বেবাক গেথো

    বাডায় গেকো থোড়া।

 

বীর বান্টাওয়াঃ দিলকারকামি

    উনগে ঞেললেন তায়া,

উনখোন কাথায় নেতার একাল

     উইহার ইদিয় গেয়া।

=O==O==মুচৗৎ==O==O=