“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
ᱡᱤᱣᱤ ᱢᱚᱱᱮᱢ ᱪᱮᱨᱮᱡᱽ
ᱟᱵᱷᱟ ᱯᱩᱨᱩᱱᱮᱢ ᱯᱮᱨᱮᱡᱽ।
ᱥᱤᱧ ᱧᱤᱫᱟᱹ ᱫᱤᱥᱟᱹᱜ
ᱢᱚᱱᱮ ᱡᱤᱣᱤᱨᱮ ᱵᱟᱹᱭᱥᱟᱹᱜ ।
ᱥᱚᱦᱟᱜ ᱪᱮᱨᱮᱡᱽ ᱪᱮᱯᱮᱨᱮᱢᱽ
ᱵᱟᱦᱟ ᱫᱟᱜ ᱟᱯᱟᱨᱮᱡᱽ ।
ᱛᱤᱱᱟᱹᱜ ᱪᱚᱜ ᱪᱮᱨᱮᱢᱽ
ᱵᱟᱝ ᱛᱟᱦᱮᱸᱱᱟ ᱥᱟᱨᱮᱢᱽ ।
ᱵᱷᱟᱫᱚᱨ ᱵᱚᱱᱸᱜᱟ ᱵᱤᱨ ᱠᱩᱨᱩ ᱨᱮ
ᱵᱷᱳᱞᱞᱳ ᱵᱮᱞᱮ
ᱧᱟ ᱢᱚᱜ
ᱯᱩᱠᱽᱨᱤ ᱟᱲᱮ ᱛᱟ ᱞᱮ ᱫᱟᱨᱮ ᱠᱷᱚᱱ
ᱛᱟ ᱞᱮ ᱵᱮᱞᱮ ᱧᱩᱨᱩᱜ᱿
ᱥᱤᱢ ᱨᱟ ᱜ ᱛᱮ ᱵᱮᱨᱮᱫᱽ
ᱠᱟ ᱛᱮ
ᱟ ᱞᱮ ᱡᱷᱚᱛᱚ ᱜᱟ ᱛᱮ ᱜᱟ ᱛᱮ
ᱪᱟ ᱞᱟ ᱜ ᱟ ᱞᱮ ᱵᱷᱳᱞᱞᱳ ᱦᱟ ᱞᱟᱝ
ᱥᱟᱸᱣᱛᱮ ᱟᱨᱦᱚᱸ ᱛᱟ ᱞᱮ ᱦᱟ ᱞᱟᱝ ᱿
ᱵᱷᱳᱞᱞᱳ ᱵᱮᱞᱮ ᱟ ᱰᱤ ᱦᱮᱲᱮᱢ
ᱛᱟ ᱞᱮ ᱵᱮᱞᱮ ᱞᱮᱲᱮᱢ ᱞᱮᱲᱮᱢ
ᱡᱚᱢ ᱡᱚᱝ ᱨᱮ ᱟᱰᱤ
ᱥᱤᱵᱤᱞ
ᱡᱚᱢ ᱞᱟ ᱜᱤᱫ ᱢᱚᱱᱮ ᱤᱠᱤᱞ ᱥᱤᱠᱤᱞ᱿
==========
ᱞ ᱧ ===========
ᱮᱱᱟ ᱫᱟᱹᱭᱱᱟ ᱟ ᱯᱮ ᱚᱠᱟ ᱛᱮ
ᱴᱩᱯᱞᱟᱹᱜ ᱰᱟᱹᱞᱤᱪ ᱥᱟᱵ ᱠᱟᱛᱮ,
ᱨᱚᱠᱚᱪ ᱜᱚᱝᱜᱦᱟ ᱦᱟ ᱞᱟᱝᱛᱮ
ᱤᱧᱦᱚᱧ ᱪᱟ ᱞᱟ ᱜ ᱦᱟᱯᱮ ᱥᱟᱸᱣᱛᱮ ᱾
ᱰᱳᱰᱮ ᱠᱟ ᱛᱮ ᱜᱟ ᱛᱮ ᱜᱟ ᱛᱮ
ᱯᱟᱱᱛᱮᱠᱚᱰᱚᱱ ᱢᱤᱫ ᱥᱟᱸᱣᱛᱮ,
ᱵᱟᱵᱚᱱ ᱪᱷᱟ ᱰ ᱟ ᱜ ᱦᱟᱱᱛᱮᱱᱟᱛᱮ
ᱦᱟ ᱞᱟᱝᱠᱚᱵᱚᱱ ᱦᱟᱹᱴᱤᱧᱟ ᱛᱮ ᱾
ᱪᱤᱞᱤ ᱨᱟ ᱜᱟ ᱢᱪᱟᱜᱟ ᱢ ᱪᱟᱯᱚᱛᱮ
ᱩᱜᱼᱜᱮᱨᱠᱤᱫᱤᱧᱟ ᱭ ᱰᱟ ᱴᱚᱢᱛᱮ,
ᱠᱚᱴᱮᱪ ᱪᱷᱟᱰ ᱟᱣᱼᱮᱯᱮᱫᱷᱤᱨᱤᱛᱮ
ᱨᱟᱯᱟᱜ ᱡᱚᱢᱮᱜᱤᱭᱟᱹᱧ ᱨᱤᱫᱮᱛᱮ ᱾
==========
ᱞ ᱧ ===========
ᱵᱤᱨ ᱪᱮᱬᱮᱠᱚ ᱦᱚᱦᱚᱣᱟᱫᱤᱧ
ᱦᱳᱭᱮᱱ ᱟᱸᱜᱟ ᱢᱟᱨᱥᱟᱞ,
ᱵᱮᱨᱮᱫ ᱠᱟᱛᱮ ᱵᱮᱲᱟᱧ ᱧᱮᱸᱞᱮ
ᱢᱟᱨᱥᱟᱞ ᱜᱚᱴᱟᱭ ᱯᱟᱨᱥᱟᱞ ᱾
ᱪᱷᱟᱛᱱᱤ ᱵᱩᱴᱟᱹ ᱰᱟᱞᱤᱢ ᱵᱩᱴᱟ.
ᱪᱮᱬᱮᱠᱚ ᱠᱷᱮᱞ ᱠᱳᱪᱳᱲ,
ᱚᱲᱟᱜ ᱠᱩᱰᱟ.ᱢ ᱢᱟᱫ ᱞᱟᱴᱟᱨᱮ
ᱠᱤᱥᱱᱤ ᱵᱚᱱᱟᱠᱚ ᱟᱸᱫᱳᱲ ᱾
ᱚᱰᱳᱠ ᱠᱟᱛᱮ ᱚᱲᱟᱜ ᱵᱟᱦᱮᱨ
ᱠᱚᱭᱚᱜ ᱠᱤᱫᱟ.ᱧ ᱟᱥᱢᱟᱱ,
ᱞᱤᱞ ᱨᱤᱢᱤᱞᱨᱮ ᱯᱩᱸᱰ ᱨᱟᱦᱞᱟ
ᱧᱮᱞᱚᱜ ᱜᱚᱴᱟ ᱴᱷᱟᱱᱢᱟᱱ ᱾
ᱜᱟᱰᱟ ᱟᱲᱮ ᱠᱟᱥᱤ ᱵᱟᱦᱟ
ᱯᱩᱠᱷᱨᱤ ᱟᱲᱮ ᱥᱟᱯᱟᱨᱚᱢ,
ᱞᱟᱸᱫᱟ ᱠᱟᱛᱮ ᱢᱤᱛᱟ.ᱧ ᱠᱟᱱᱠᱤᱱ
ᱫᱷᱟᱨᱛᱤ ᱥᱟᱡᱮᱱ ᱥᱟᱢᱟᱱᱚᱢ ᱾
ᱵᱮᱸᱜᱮᱫ ᱢᱟᱨᱥᱟᱞ ᱡᱮᱸᱜᱮᱫ ᱡᱮᱸᱜᱮᱫ
ᱢᱟᱴᱷ ᱠᱷᱮᱛ ᱨᱮ ᱦᱟ.ᱲᱭᱟ.ᱨ ,
ᱵᱤᱨ ᱵᱩᱨᱩᱦᱚᱸ ᱦᱟ.ᱲᱭᱟ.ᱨ ᱥᱟᱡᱛᱮ
ᱧᱮᱞᱚᱜ ᱟᱰᱤ ᱡᱤᱭᱟ.ᱲ ᱾
ᱥᱮᱛᱟᱜ ᱛᱚᱨᱟ ᱨᱩᱯᱨᱮ ᱴᱚᱥᱚᱠ
ᱩᱯᱟ.ᱞ ᱯᱚᱨᱟᱭᱱᱤ ᱵᱟᱦᱟ,
ᱜᱷᱟᱸᱥ ᱰᱚᱜᱽ ᱨᱮ ᱨᱟᱛᱟᱝ ᱥᱤᱥᱤᱨ
ᱢᱤᱛᱟ.ᱧ ᱛᱟᱲᱟᱢ ᱞᱟᱦᱟ ᱾
ᱯᱟᱣᱲᱤᱧ ᱞᱟᱦᱟᱭ ᱢᱟᱴᱷ ᱟᱲᱮᱛᱮ
ᱵᱟ.ᱧ ᱵᱩᱡᱷᱟ.ᱣ-ᱟ ᱞᱟᱸᱜᱟ,
ᱥᱮᱛᱟᱜ ᱛᱚᱨᱟ ᱜᱷᱟᱸᱥᱨᱮ ᱥᱤᱥᱤᱨ
ᱟᱨᱩᱵ ᱛᱤᱧᱟᱭ ᱡᱟᱸᱜᱟ ᱾
ᱠᱚᱞᱚᱢ ᱠᱟᱴᱷᱤ ᱦᱳᱲᱳ ᱜᱟᱪᱷᱤ
ᱧᱮᱞᱚᱜ ᱟᱰᱤ ᱱᱟᱯᱟᱭ ,
ᱱᱤᱯᱷᱩᱴ ᱥᱟᱸᱣᱟᱨ ᱦᱤᱸᱥᱤᱫ ᱦᱚᱭ
ᱤᱧᱟᱜ ᱢᱚᱱᱮ ᱟᱫᱟᱭ ᱾
ᱵᱤᱨ ᱵᱟᱦᱟᱣᱟᱜ ᱥᱚ ᱥᱚᱸᱫᱷᱟᱲ
ᱤᱧᱮ ᱢᱩᱦᱤᱛ ᱠᱤᱫᱤᱧ ,
ᱩᱭᱦᱟ.ᱨ ᱨᱮᱱᱟᱜ ᱫᱚᱨᱭᱟ ᱛᱟᱞᱟ
ᱤᱧᱮ ᱟᱸᱜᱮᱱ ᱤᱫᱤᱧ ᱾
ᱞᱤᱸᱡᱤᱱ ᱡᱷᱟᱨᱱᱟᱭ ᱫᱮᱞᱟᱣᱟ.ᱧᱠᱟᱱ
ᱢᱚᱱᱮᱧ ᱵᱩᱡᱷᱟ.ᱣ ᱨᱟᱣᱟᱞ ,
ᱱᱤᱛᱤᱧ ᱵᱩᱡᱮᱫ ᱥᱮᱴᱮᱨ ᱟᱠᱟᱱᱟᱭ
ᱨᱤᱛᱩ ᱨᱟᱱᱤ ᱦᱮᱢᱟᱞ ᱾
========== ᱞ ᱧ ===========
ᱵᱮᱲᱟ ᱭ ᱨᱟ ᱠᱟᱵ ᱮᱱᱟ ᱯᱩᱨᱩᱵᱽ ᱱᱟ ᱠᱷᱟᱨᱮ
ᱡᱟᱯᱤᱫ ᱠᱷᱚᱱ ᱟᱫᱚ ᱟᱫᱤᱢ ᱵᱮᱨᱮᱫᱚᱜᱢᱮ
ᱞᱟᱦᱟ ᱜ ᱞᱟᱜᱤᱫ ᱫᱤᱥᱚᱢ ᱦᱳᱭᱮᱱᱟ ᱯᱷᱩᱨᱜᱟᱹᱞ
ᱱᱤᱫᱷᱟᱹᱱ ᱠᱷᱚᱱ ᱟ ᱢᱦᱚᱸ ᱵᱮᱱᱟᱜᱢᱮ ᱪᱤᱨᱜᱟᱹᱞ᱾
ᱟᱢᱜᱮᱢ ᱥᱳᱵᱷᱟ ᱟ ᱠᱟᱫᱟ ᱵᱤᱨ ᱵᱩᱨᱩ ᱫᱷᱟᱥᱱᱟ
ᱮᱱᱦᱚᱸ ᱞᱟ ᱛᱟᱨ ᱜᱮᱛᱟᱢ ᱪᱮᱫᱟ ᱜ ᱵᱷᱟᱵᱽᱱᱟ?
ᱮᱴᱟᱜ ᱠᱚᱫᱚᱠᱚ ᱩᱰᱟᱹᱣᱮᱫᱟ ᱩᱰᱟᱹᱱ ᱜᱟᱰᱤ
ᱟᱢᱫᱚᱢ ᱧᱩᱧᱩ ᱠᱟᱱᱟ ᱱᱤᱛᱦᱚᱸ ᱡᱷᱟᱨ ᱦᱟᱸᱰᱤ᱾
ᱥᱚᱥᱱᱚᱜᱨᱮ ᱛᱟ ᱦᱮᱱᱟ ᱢ ᱡᱩᱫᱤ ᱡᱚᱛᱚᱠᱷᱚᱱ ᱛᱟᱭᱚᱢ
ᱮᱱᱠᱷᱟᱱ ᱟ ᱢᱟᱜ ᱞᱟ ᱠᱪᱟᱨ ᱟᱛᱮᱠᱚ ᱨᱚᱲ ᱯᱟᱨᱚᱢ
ᱥᱟᱶᱛᱟᱨᱮᱢ ᱫᱚᱦᱚᱭ ᱠᱷᱟᱱ ᱟᱸᱫᱷᱟ ᱯᱟᱹᱛᱭᱟᱹᱣ
ᱢᱤᱪᱷᱟᱹᱜᱮᱭᱟ ᱛᱚᱵᱮ ᱟ ᱢᱟᱜ ᱩᱛᱱᱟᱹᱣ᱾
ᱟᱨᱦᱚᱸ ᱟᱫᱤᱢ ᱚᱨᱚᱝᱢᱮ ᱮᱵᱷᱮᱱ ᱥᱟᱸᱠᱣᱟ
ᱟ ᱛᱳ ᱴᱚᱞᱟᱨᱮ ᱵᱮᱱᱟᱣᱢᱮ ᱡᱩᱢᱤᱫ ᱜᱟᱶᱛᱟ
ᱛᱤᱼᱛᱤ ᱥᱟᱵ ᱠᱟ ᱛᱮ ᱫᱮᱞᱟᱝ ᱞᱚᱜᱚᱱ ᱞᱟᱦᱟᱜᱢᱮ
ᱫᱷᱟᱨᱛᱤᱨᱮ ᱟ ᱢᱟ ᱜ ᱫᱟᱲᱮᱦᱚᱸ ᱥᱟᱵ ᱨᱟᱵ ᱟ ᱵ ᱢᱮ᱾
========== ᱞ ᱧ ===========
ᱥᱮᱛᱟᱜ ᱨᱮ ᱵᱮᱨᱮᱫ ᱠᱟᱛᱮ
ᱵᱟᱨ ᱜᱤᱞᱟᱹᱥ ᱫᱟᱜ,
ᱠᱷᱟᱹᱞᱤ ᱞᱟᱡ ᱛᱟᱸᱦᱮᱱ ᱛᱩᱞᱩᱡ
ᱧᱩ ᱛᱚᱨᱟ ᱠᱟᱜ ᱾
ᱵᱟᱹᱲᱤᱡ ᱡᱤᱱᱤᱥ ᱩᱰᱩᱠ ᱫᱟᱲᱮ
ᱵᱮᱱᱟᱜ ᱦᱚᱲᱢᱚ ᱨᱮ,
ᱨᱳᱜᱽ ᱟᱡᱟᱨ ᱦᱚᱲᱢᱚ ᱠᱷᱚᱱᱟᱜ
ᱴᱷᱮᱞᱟᱣ ᱥᱟᱦᱟᱭ ᱨᱮ ᱾
ᱦᱟᱡᱟᱢ ᱫᱟᱲᱮᱭ ᱵᱟᱹᱲᱛᱤ ᱠᱟᱜ
ᱟᱢᱟᱜ ᱞᱟᱡ ᱨᱮᱭᱟᱜ,
ᱥᱩᱠᱷ ᱥᱟᱹᱱᱛᱤᱭ ᱟᱹᱜᱩᱭᱟᱢ
ᱦᱟᱯᱮᱱ ᱟᱜᱟᱢ ᱨᱮᱭᱟᱜ ᱾
========== ᱞ ᱧ ===========
আলেয়াঃ হঁ মেনাঃ হক
অল পাড়হাও সেঁড়ায় রেনাঃ আইদার
হড় ম মনেতে মারাং অঃ রেনাঃ
সানা মেনাঃ আলে কোওয়াঃ হঁ।
আলেদ আপেরেন সনা বিটি
অড়াঃ লে মারশাল তাপে।
হুডিঞ হুডিঞ কম উমের রে
চেদাঃ দপে জাঁওয়ায় কালে।
১৮ সেরমা মাড়াং বাপ্লা দ
বেআন আরি আর বিপদাঃ কানা
অকয় দপে বুঝ, ঢের হড় গে বাং
আখির জিয়ন পে নাসাও তালে।
আলে হঁ লে খজ্ হড় লেকা হড় বেনাঃ
সাঁওতা তরাও রাকাপ্ কামি
যত হড় শালাঃ ভালাই হর রে
উৎনাও ঢঙ্গা গঃ ভারি ঠেলাঠেলি।
উমের হুয় লেনখান বাপ্লা কাথা
লাহাঃ মা সাগুন পাউড়ি
সুখ রাস্কা মনে রেলে আইকাও
আলে রেগে হেনাঃ ঘারঞ্জ লাহান্তি।
==========
ᱞ ᱧ ===========
ইঞ
দুঞ
চালাঃ মামো অড়াঃ,
দাকাঞ জমা জিল উতু সালাঃ |
বৗঞ
হিড়িঞা একাল তি জাঁগা অৗবুঃ,
আরহুঞ জমা পিঠৗ লেটো ডুঁবুঃ ||
অকয়হঁ বাংকো মেতাঞ পাড়হাব বাংখান অল,
মামো সালাঃ গেঞ চালাঃআ পরব ঞেঞেল |
অঁডে দ ঞামোঃ অৗডিগান কুসি রৗসকৗ,
দাঃ
রে
পায়রা অৗচুরঃ খেল ডিগৗ ডিগৗ ||
জাঁহায় ক দাল ইঞ খান মামো অড়াঃরে,
দৗড় হৗজুঃ অৗঞ মামো আয়ো সুররে |
উন
দ
আদো
আঁজমৗঞ জৗদু কুদুম কৗহিনি ,
সেরেঞ আতে রুপ দিসমরে মনেজিউয়ি মুহুনি ||
========== ᱞ ᱧ ===========
হাটরে বাটরে অলম্ ঝলম্
আলম্ দাঁড়ান্ গড়ম্,
বেরেল্ উলরে রাসাদ কাশাগে
বানুআন সেবেল সড়ম্ ।
বাই
বাইতে অকত সেটেরঃ
ডাররে উলদ কেটেজঃ,
আলম্ রুকুই আউরি পেরেজঃরে
তোওয়া, হুড়ুগে পেটেজঃ ।
হাড়ামবা গড়মতেৎ কড়ায়্ মেতায়
বাসকাঃ জজম্ জজম্,
ফগড়া মচাতে আলম্ জমা
জিলদ অহম্ হজম্ ।
নাওয়া ডাটাক অমনাম্ খান্
তগজাম্ জাংহঁ রাটপাট্,
উনদ
গড়ময়া দাঁড়ান্ গেয়াম্
পাতা ছাতা হাটবাট্ ।
ইতুন্ আশড়া মুদিল্ আমদ
হেলাও হেওয়া লেনমে,
পতব্ খনাং আকিল্ গেয়ান্
বুরধি হুড়ুদ এনমে।
অলঃ
পাড়হাও মুচাৎ কাতেৎ
দাঁড়ান্ গেয়াম্ হাপেন্,
যাঁহাগেম্ চালাঃ যথাৎ শিখনাত
দাঃরে বাংগে চাপেন্।
শিখনাত্ তামদ উমের্ সাঁওতে
হড়মো উলদয় বিলিয়া,
চেমাৎকেয়াম্ অকয়্ সাঁওতে
চেৎলেকা বেওহার্ ভালিয়া।
ভালিম্ কামিরে আশিষক নেমাম্
চাঁদো, মারাংবুরু জাহের আয়ো,
বাড়িজ্ কামিরেদ হিরখা আমাকো
হড়
হাড়ামবা বাবাআয়ো।
নাপায়্ শিখনাত্ খাতির্ ভরত্
দহকাতেৎ্ রাজগদিরে খড়ম্,
আজোদিয়া রাজ্ শাসন্ লাআয়্
বুঝাও কেদাম্ গড়ম্।
লোওয়া বেলেরে হাঁড়ুদ গড়ম্
বলয়েনকো উনকু চেকারে ?
কাথাম্ গালাং লাউঝা পাউঝা
অড়্ ফেড়্ অকারে?
==========
ᱞ ᱧ ===========
ভারত ছাড়ো লাড়াওনা উনরে
দুমকারে হোয়লেন হানে,
অনডে গেথো লাল হেম্ব্রম
গালচ্ দহ লেনে।
উনিয়া হহ তেগে সান্তাড়
আয়মাকো সেলেদ লেনা,
আন্দোড় রেয়াঃ তারাস উন্দ
আডি পাসনাও এনা।
বারমাসয়া সারয়াদহ রেন হড়
কাথায় তাঁহেকানে,
নোওয়া কাথা আয়মা গেচো
বাডায় গেকো অনে।
জবরদা মিদুন রেদ উনি
আচগে পারসেৎ লেনে,
উনরে দিসুওয়া তালা মালা
একরাড় গোটাও আনে।
দুনকা রামপুর ডাহার রাপুৎ
লাগতি হেনাঃ পারি,
গাদেল হড় ঠেন নিয়া গেচো
সদর লেদায় সারি।
টেলিগ্রাফ তার কদ জত
গেৎ গিডিয় মেনা,
ব্রিজ আর কালভারট কোগে
বাড়িচ আকো অনা।
হিজুঃ সেনঃ হর হড়াঃ
এসেৎ দহয় অকা,
কিরয়া কাতে তিরয়াও লেনকো
বেবাক অনকা লেকা।
ইংরাজ সরকার সাবগে উনি
সিরপা ঢাওরাঃ লেনা,
লালদ উনগে হাঁডে নাঁডে
উকু বাড়য় এনা।
তায়ম তেদ পক্ষী বাংলো
সেংগেল ধরাও কেদায়,
পাকরাও কাতে রেহঁ আরহঁ
পুচুচ্ দাড় লেদায়।
দিলগার কামি তায় আয়াঃ
উনরে ঞেল লেন তায়া,
উনখন হড়কো নেতার হঁচো
দিসায় ইদিয় গেয়া।
==========
মুচৗৎ ===========
.webp)
.webp)
.webp)
