.webp)
“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠᱤᱥᱠᱤᱱᱫᱷᱟ ᱢᱩᱨᱢᱩ, বাড়তাং সরেন, সনৎ কুমার হাঁসদা, সীতেন মান্ডি, সমরলাল টুডু, সনাতন টুডু,
সুরেন্দ্রনাথ হেম্ব্রম, দুলৗড় বিটি,দুগাই টুডু ।
১।|
ᱠᱟᱠᱲᱟᱭ ᱚᱨᱟ ᱰᱟᱝᱨᱟ ᱜᱟᱹᱰᱤ
ᱰᱩᱞᱩᱝᱼᱮ ᱪᱟᱞᱟᱣ ᱥᱤᱢ ᱥᱟᱺᱰᱤ ।
ᱵᱟᱹᱨᱩ ᱠᱟᱨᱦᱟᱭ ᱚᱨᱟ ᱜᱩᱸᱰᱤ
ᱵᱟᱹᱨᱤᱭᱟᱹᱛ ᱜᱟᱹᱰᱤ ᱢᱮᱨᱚᱢ ᱪᱟᱹᱰᱤ ᱿
ᱥᱮᱨᱢᱟ ᱤᱯᱤᱞ ᱫᱟᱜᱨᱮᱠᱚ ᱦᱤᱞᱟᱹᱜ
ᱠᱩᱦᱩᱲᱟᱹ ᱨᱤᱢᱤᱞ ᱛᱮᱠᱚ ᱢᱤᱞᱟᱹᱜ ।
ᱧᱤᱫᱟᱹ ᱪᱟᱸᱫᱚ ᱥᱮᱨᱢᱟ ᱡᱤᱞᱟᱹᱫ
ᱤᱯᱤᱞ ᱥᱟᱶᱛᱮ ᱢᱮᱱᱟᱭ ᱤᱞᱟᱹᱫ ᱿
ᱢᱩᱪ ᱰᱷᱩᱞᱠᱤ ᱜᱮᱨᱮᱧ ᱜᱮᱨᱮᱧ
ᱨᱚᱴᱮ ᱢᱟᱲᱚᱢ ᱫᱤᱯᱤᱞ ᱨᱮᱨᱮᱧ ।
ᱵᱟᱺᱲᱭᱟᱹ ᱵᱩᱲᱦᱤ ᱛᱳᱭᱳ ᱫᱮᱨᱮᱧ
ᱡᱚᱡᱚᱢ ᱛᱩᱞᱩᱪ ᱵᱟᱠᱚ ᱥᱮᱨᱮᱧ ᱿
ᱯᱟᱛᱲᱟ ᱯᱤᱴᱷᱟᱹ ᱩᱰᱟᱹᱱ ᱜᱟᱹᱰᱤ
ᱛᱷᱟᱨᱤ ᱞᱮᱠᱟ ᱠᱷᱮᱧᱪᱮᱨᱚᱜ ᱟᱹᱰᱤ ।
ᱟᱸᱬᱜᱳ ᱨᱟᱠᱟᱵᱽ ᱰᱷᱤᱝᱠᱤ ᱠᱟᱸᱰᱤ
ᱩᱰᱟᱹᱣ ᱵᱟᱲᱟᱭ ᱴᱟᱺᱰᱤ ᱴᱟᱺᱰᱤ ᱿
ᱥᱤᱛᱩᱝ ᱨᱤᱛᱩ ᱫᱟᱨᱮ ᱥᱟᱠᱟᱢ
ᱛᱷᱤᱨ ᱢᱮᱱᱟᱜ ᱟᱠᱟᱫ,
ᱜᱳᱴᱟ ᱦᱚᱲᱢᱚ ᱩᱫᱽᱜᱟᱹᱨ ᱛᱮ
ᱞᱚᱦᱚᱫ ᱪᱟᱵᱟᱣ ᱟᱠᱟᱫ ᱾
ᱠᱟᱹᱞ ᱵᱟᱹᱞ ᱡᱤᱣᱤ ᱨᱮ
ᱦᱤᱥᱤ ᱦᱤᱥᱤᱫ ᱦᱚᱭ,
ᱟᱹᱰᱤ ᱞᱟᱹᱠᱛᱤ ᱯᱟᱲᱟᱣ ᱟᱠᱟᱱ
ᱪᱟᱸᱫᱚ ᱴᱷᱮᱱ ᱠᱚᱭ ᱾
ᱥᱤᱛᱩᱝ ᱮᱞᱟᱝ,ᱨᱟᱵᱟᱝ,ᱡᱟᱹᱯᱩᱫ
ᱚᱠᱛᱚ ᱱᱟᱹᱯᱤᱛ ᱨᱮ,
ᱥᱟᱦᱟᱣ ᱠᱟᱛᱮ ᱛᱟᱸᱦᱮ ᱦᱩᱭᱩᱜ
ᱫᱷᱟᱹᱨᱛᱤ ᱛᱟᱞᱟ ᱨᱮ ᱾
ᱪᱟᱸᱫᱚᱭ ᱮᱢᱟᱫ ᱞᱮ ᱡᱚᱵᱟᱽ
ᱪᱮᱫ ᱟᱫᱚᱢ ᱢᱮᱱ,
ᱥᱩᱠᱷ ᱫᱩᱠᱷ ᱛᱟᱞᱟ ᱛᱮ
ᱡᱤᱣᱤ ᱠᱷᱟᱸᱰᱟᱣ ᱫᱮᱱ ᱾
==========
ᱞᱧ==========
ᱛᱤᱥ ᱡᱟᱲᱤᱭ ᱡᱷᱚᱢ ᱡᱷᱚᱢᱚᱨ
ᱫᱟᱜ ᱵᱟᱝᱛᱮ ᱜᱚᱥᱚᱜ
ᱰᱟᱰᱤ ᱯᱩᱠᱷᱩᱨᱤ ᱟᱸᱡᱮᱫᱽ ᱪᱟᱵᱟᱜ
ᱨᱚᱦᱚᱲ ᱪᱟᱵᱟ ᱜᱚᱫᱚᱜ ।
ᱵᱟᱞᱮ ᱥᱟᱠᱟᱢ ᱵᱟᱞᱮ ᱛᱟᱥᱟᱫ
ᱢᱚᱥᱚᱫ ᱜᱮᱪᱚ ᱧᱮᱞᱚᱜ ,
ᱞᱚᱞᱚ ᱦᱚᱭ ᱫᱚ ᱛᱤᱠᱤᱱ ᱵᱮᱲᱟ
ᱞᱚᱞᱚ ᱜᱮᱪᱚ ᱠᱷᱮᱞᱚᱜ ᱾
ᱡᱤᱵᱽ ᱡᱤᱭᱟᱹᱞᱤ ᱠᱚᱭᱚᱜ ᱦᱚᱨᱟ ᱠᱚ
ᱛᱤᱥ ᱵᱚᱫᱚᱞ ᱦᱤᱡᱩᱜ ,
ᱢᱚᱱᱮ ᱡᱤᱣᱭᱤ ᱨᱤᱞᱟᱹᱢᱟᱞᱟᱜᱮ
ᱡᱤᱭᱟᱹᱲ ᱜᱮᱪᱚ ᱵᱩᱡᱚᱜ ᱾
ᱪᱟᱸᱫᱳ ᱤᱯᱤᱞ ᱵᱮᱲᱟ ᱛᱟᱨᱟᱥ
ᱡᱚᱛᱚᱜᱮ ᱚᱞᱟᱯᱟᱞᱤ
ᱛᱤᱥ ᱫᱚ ᱦᱤᱡᱩᱜ ᱥᱟᱜᱩᱱ ᱢᱟᱦᱟ
ᱠᱚᱭᱚᱜ ᱛᱟᱸᱜᱤ ᱠᱷᱟᱞᱤ ᱾
==========
ᱞᱧ ==========
দিশম তালা ঞেল আকাদৗঞ
নানা হুনৗর বাখোল
অকা কোদ বুরু লেকা
লিলি বিচি বাখোল।
আঁচির পাচীর এসেৎ বাখোল
ঞেলতে রাপাজ গাড়
লিখন গড়হন লেঞ্জের পিণ্ডৗ
বৗনুঃ ঝৗওয়ৗ ঝাড়।
সোনা ভীত, রূপো সেনের
ঞেলঃ আডি বাতার
গোটা গেচো ঝাক ঝাকাঃআ
চেতান খনাং লাতার।
জম ঞুঁ মেনাঃ তোওয়া দাহে
জিল হাকো সাঁও গতম
দুমুর রাসা কায়রা আপেল
সানাম সিবিল সড়ম।
বাহা দারে বেড়হায়তে
ঞেলঃ আডি নাপায়
হিসিৎ হয়ে হুয়ুড় লেখান
মনেয় দালায় দালায়।
ইঞাঃ বৗনুঃ সোনা বাখোল
বৗনুঃ ধিরি দলান
বৗনুঃ তিঞা লিলিবিচি
উসুল বুরু সমান।
মেনাঃ তিঞা হুডিঞ কুম্বৗ
হিসি তুকা লেকা
এগাঁত আপাত দুলাড় তপল
সরগ পুরী লেকা।
ললো সিতুং বিজলী হুডুর
জাপুৎ জাঁড়িয় রেহঁ
রেয়াড় রাবাং নাপায় বুজুঃ
আনাট তাঁহেন রেহঁ।
দাঃ দাকা, আড়াঃ রাসে
জমাঞ সগর বগর
সানাম খনাং সরেশ গেয়া
আয়ো বাবা হবর।
==========
ᱞᱧ ==========
লল সিতুং! লল সিতুং!
অকা খনেম হিজুঃ?
সারদি তিকিন জারাল জারাল -
আহুট - পাহুট বুজঃ!
বানুঃ তামা তাঁহেন ঠিকৗ-
বানুঃ আ অড়াঃ দুয়ৗর?
হেঁসেজ সেকেজ ধারতি খনাঃ
আমদ তিসেম রুয়ৗড়?
লল সিতুং আডি এলাং -
হড়মরে বাং সাহাঃ !
উদগৗরতে হড়ম সর-বর
দাঃ তেতাং গে লাহাঃ!
লল সিতুং রুয়ৗড় জংমে
আমাঃ আতু অড়াঃ!
বিছক জিউয়ৗ জিয়ৗড়ঃ আ
সানাম ধৗরতি হড়াঃ!
==========
ᱞᱧ ==========
অকয় চেৎ ক মেতাৎ মেয়া
আলম লুতুরাঃ আ
হড় কাথা তে কৗমি আমাঃ
আলম বৗগিয়াঃ আ।
বৗড়তি কাথা আলম রড়া
হেওয়াঃ মে বৗড়তি আঁজম
মারাং ক সাঁও আলম জড়া
শিখনৗৎ রে আলম পলম।
হড়াঃ ঞেলতে মনে আলম খাটয়
মনে নৗড়িতে চেতানেম রাকাব্
যাঁহা মেনাঃ তাম অনাগে সরেস
আলম আদ্ আলম হিরখায়।
সৗরি সৗরি আমাঃ সানা যাঁহা
সৗরি রড় সৗরি কৗমিতেম ঞামা
সৗরি খনেম সাহা লেনখান
অকয় হঁ বাং ক পৗতিয়াও আমা।
পৗতিয়াও গে মিৎ মারাং দাড়ে
আরজাও মে আমাঃ মনে রে
বাং ঞামাঃ হম ঞাম জিয়ন রে
সরগ সুখ হিজুঃ আমাঃ সামাং রে।
==========
ᱞᱧ ==========
কুলহি ধুড়িরে এনেজ্ কানলে
গাতে গাপাতে সানাম্,
মহর্ মেটাঃলে ধৗরতি ধুড়িরে
ধুড়িরে আলেয়াঃ জানাম্ ।
সানাম্ লেটকা লেটকি আলেদ
মেনাঃলে রাসকা ভেদরে,
ডাহার্ তাড়াম্ গুগুতে জুগুৎ
বৗনুঃগে তালেয়া এদরে ।
ডাঁগরা কাডা সুকরি সাঁওতে
আলেয়াঃ সুলুক্ সংসার্,
গড় গপড় জিয়ন্ ডাহার্
জেলেঞ আডিগে অসার্ ।
চাষক দিনরে সানামগে আলেদ
ডাঁগরা কাডাঃলে বৗইদরে,
সুকরি মেরম্ সানাম্ কোওয়াঃ
সমান্ আইদৗর্ আবাদরে ।
দুলৗড়্ দুপুলৗড়তে আলেদ সানামগে
বয়হা বুহিন্ সৗগৗইদ,
মিৎতে মিৎটাং গড়ারে মেনাঃলে
ধুলি কুইলি রাঁগিগৗইদ ।
বাবুক মাইক সুলুক্ সংসার্
তাঁহেকান্ কুলহি ধুড়িরে,
হড়মরে অজগ্ লৗগিৎ সুনুম্
তাঁহেকান্ কুঁইডি তুড়িরে ।
দিশোম্ আচুরেন্ যুগদ বিহুরেন্
লৗড়হৗইয়াক ডাঁগরি মেরম্,
জিউই রাড়েজ্ অড়াঃ মুধনরে
ভিড়কৗও এনাক তেরম্ ।
গিদরৗক মুদরে কুমুনিয়াক তাঁহেন্
পুটুর্ বিররে পাঝাড়্,
আলেক তালারে বিষক ছুড়য়াও
সংসারক রৗপুৎ উজাড়্ ।
সিম্ সুকরি ডাঁগরি মেরম্
তাঁহেন্ গেয়ালে মিৎতে,
বৗইহৗড়্ রেনাং কানথা আড়াঃদ
অহম্ চাবাকে সিৎতে ।
নাহাঃরেন্ মৗনমি কয়গপে তায়ম্
নাগাম্ ঞেঁলপে আলেয়াঃ,
নিতঞাঃ হরদ নাগামে উদুগ্
বাছাও হাতাওপে ভালেয়াঃ ।
========== ᱞᱧ ==========
দা: দিনমা হিজু: গেয়া
ঝমর ঝমর দা: ,
বৗদ বৗয়হৗড় গাডা মুডু
ঝতোয় পেরেচ কা: ।
অকয় দোপে চিকৗ কেদে
সেরমা লাফাং রিমিল ,
হিজু: মাসেয় বৗগি য়েদা
দা: সুতু: কাতেদ রিমিল ।
বৗদ বৗয়হৗড় ডৗহি ডুংরি
খখজ কানকো দা: ,
বহ: চাপো কাতেদ চৗষি
শুধুয় কয়ঃ কা: ।
জাঁহায় ডৗংরি ধুড়িকো ডিগলৗও
হেঁদে রিমিল ঞেঁলতে ,
রৗসকৗ মনে রচদ্ আকান
হেঁদে রিমিল বাংতে ।
পৗনির পিয়ো ভরসায় আদা
ডগর এম: তেহেঞ ,
সৗরি কাথা এড়ে: কানা
চেদ চিকৗয়েন তেহেঞ ।
অকতো বদল সাঁও সাঁওতে
হড়বো বদল: কানা ,
ধৗরতি রেনা: সানাম পাকাড়
পাচেৎ আরু: কানা !!
========== ᱞᱧ ==========
দারেরে বিলি আকান কুদ খিজুর কানঠাড়
উল,
পেড়া কহঁকো হেঁজআকান আতোরে পরব দুল
দুল |
মিৎ লেতাড় এনেজ সেরেঞ রৗসকৗ কেদেজ
কেদেজ ,
নাঁড়গোন কান দাঃজৗড়ি মহক সঁধাড় সেবেজ
সেবেজ ||
তেহেঞ দেলা ঝতোম হড়তে রহয় আবন দারে
,
হৗঁরিয়ৗড় তেবন পেরেজা আতো টলা সানাম
ঠাঁওরে |
সানাম কগে এতম কঁয়ে খন জুমিৎ কাতে
,
উৎনৗউ লাহানতি অৗকিল দমেল কৗমিয়াবন
মিৎ সাঁওতে ||
ধৗরতি অৗরি সাচারহে দহয়াবন রিলৗমালা
,
দারে নৗড়ি বাহাতে গুতুয়াবন গাবানমালা
|
বাংবন তাঁহেন ছিতির বিতির অরং আবন সাকোওয়া,
বেরেদ এভেন কোওয়াবন আবোরিন অৗদিম জৗতি
মানোওয়া ||
========== ᱞᱧ ==========
রায়া সরেন অনলিয়ৗ দ
কাথায় তাঁহে কানে,
সমাজ ভালায়িচ্ মেনতে হঁচো
ওরোম তায়গে অনে।
জানাম ইং ১৮৪১ কতে
বেনাগাড়য়া মেন গেদ,
বিহার রেয়াঃ সানতাল পরগনা
নাহাঃ ঝারড়খন্ড রেদ।
ইশায় ধরম হাতাও তায়ম
মিশনরে কৗমি কেদে,
পি.ও. বোডিং সাহেব গেচো
উন্দ গড় আদে।
গ্রাহমপুর মিসন আসাম করে
উনরে সেন লেনে,
ছোটরায় দেশ মাঝি সালাঃ
উনগে ঞাপাম আনে।
সিদু কানহু হুল বাবত
বাড়ায় লেদা হানে,
চেকাতে আদ সাপ দহ
হুদিশ লেদায় মনে।
উনি ঠেনগে আঞ্জম কাতে
অল লেদায় অনা,
‘ছোটরায় দেশ মাঝি রেয়াঃ কাথা’
পতব সাপড়াও লেনা।
বেনা গাড়য়া মিশন প্রেস খনগে
উনরে সদর পৗরি,
সানতাল হুল আর আসাম সেনঃ
নাগাম মেনাঃ সৗরি।
আডি তেতগে তেবাঃ আকান
গনং সাঁওতা তালা,
উনখন গেথো যুগে যুগে
হড়কো দিশায়ে ভালা।
==========
ᱞᱧ ==========
সাদম রেদ দেজঃ সানাঞ
আদম কদক বতরঃ,
পিডগৗও সাদম পিডিৎ পিডিৎ
তাঁহেন হোয়োঃ সতরঃ।
দাদায় দেজঃ দিদিয় দেজঃ
ইঞমা আডি কাটিচ্।
পিডগৗও সাদম পিডগৗঃ লৗগিৎ
লাচ্ দেয়ায় লৗটিচ্।
পিডগৗও সাদম ডিগলৗও এনায়
ঞেল তরা ছান,
ইঞহঁ হাপেন নংকাঞ দেজঃ
উমের হিজুঃ কান।
========== মুচৗৎ ==========
.webp)
.webp)
.webp)
